لو عايزين نبدأ تصنيع , مش لازم نركز علي الدبابات او المدرعات . الجو هو سيد المعركة , نركز علي مشاريع الدرونات بمختلف انواعها.
حدود مصر شاسعه جداً جداً , 4 حدود تقريباً خطرة سواء مع اسرائيل او ليبيا او عمليات تهريب في الجنوب او طبعاً ساحل البحر المتوسط و ده بيتطلب مراقبة تقريباً 24 ساعة و ده بيفرض علينا غصب عننا اننا نكون من الدول القوية جداً في مجال الدرونات الاستطلاعية و الحربية. و بالتالي الاتجاه لمشروع قوي جداً في مجال الدرونات مطلب بتفرضه علينا طبيعة حدودنا.
عمليات شراء ch-4 و الوينج لونج و ch-5 مش هتفي بالغرض و حتي التعاقد مع بيلاروسيا في دروناتها برضو مش هيفي بالغرض . احنا مطلوب مشروع تطوين لمجموعة درونات مختلفة و طبعاً اللي هتسمحلنا بكده مفيش غيرها الصين.
وطن صناعة درونات الصين بتقنية كاملة 100%.
تخيل حدودك الاربعة متراقبة 24 ساعة و امكانية التدخل عسكرياً من الجو طوال تلك الفترة؟ او تخيل تشكيلة درونات خاصة بالبحرية؟
دول ميغنوش برضو عن مشروع مقاتلة مصرية و اللي شايف ان الثاندر الصيني الباكستاني هو الأقرب و طبعاً مشروع ممتاز و مش علي الورق لكن هو شغال فعلاً.
مصر مفروض تركز علي الأتي تصنيع درونات محلية, مقاتلة محلية , كورفيتات صواريخ محلية صيني او روسي او لو تكرمت فرنسا بنقل تقنية الجويند كاملة بالصاري بالالكترونيات بكله ... و في النهاية سيارة مدنية مصرية لتقليل الاعتماد علي الواردات من السيارات اللي طبعاً بتنهش جزء كبير من الاحتياطي النقدي الأجنبي.
و كل ده مش هيكلف اساساً ازيد من من 2 الي 3 مليار دولار و هيوفر فرص عمل كتيره.
هينقل مصر نقلة في غضون سنين قليلة لحاجة تانية.