أهلا بالأستاذ احمد
@ahmed2015
أنا ما درستش دفاع جوي هو بس تشكيلي التعبوي في وحدة أساسية للدفاع الجوي والحمد لله دخلت تفتيشين حرب للاّن
نخش في الموضوع بقى
التسفيه والتقليل والبانتسير والقصة دي زادت عن الحد
نرجع للثوابت ... انته عندك طيارة زي F-16 مثلا لها كونفيجيوريشين تسليح كبير لكن عند التدريب بيقولك الخبير الكونفيجيوريشين ده أفضل حاجه انك تشيل كذا وكذا بعيدا عن البروشور ...إعتمادا على عوامل في الذهن زي الإستدامة والصيانة
حضرتك اشتريت سلاح دفاع جوي من أي مكان مش من الروس فهو بيقولك كمشغل مش هاوي بقى امكانيات منظومتك على الأرض
انته لو شغلت عربة واحدة ... نسبة إصابتك قد كذا
لو عربتين ... النسبة تترفع لكذا
واحنا في الجيش الروسي بنستخدمها لحماية كيت وكيت اعتمادا على كيت وكيت بنظام وتركيب للبطارية يشمل عدد معين للوحدات
ده عامل زي Manual أي جهاز بتستخدمه واستخدامك بغير تعليمات المصدر بيساوي اجهاد للشيئ الي في ايدك
فاستخدام السوريين للبانتسير في الدفاع عن نقطة هو استخدام للبانتسير في المهمة التي تم صنعه لها مثلا لكن الروس بيستخدموا قد كذا عربة ولظروفك انته اشتريت عدد معين وزعته على قطاعات أكبر
ده يفسر ليه إسقاط الدرونز بعد اللي بنسميه مجزرة
الجيش الليبي نفس وضعية الجيش السوري
الحكاية تنظير لكن من ضمن التنظير واحدة من أذكي قوات الدفاع الجوي في العالم كتكتيكات اشترته برغم الكلام الكتير وهي صربيا
فالعبرة انك استخدمت منظومتك بالشكل الأفضل اللي بيخدم بيها في دولته بتلاقي النتائج غير
شكرا