بالعكس انت اللي قاعد تدلس وقاعد تتبنى رواية الBLM لانه هي اللي توافق اهوائك وماتم أدلجتك عليه ان امريكا بلد شريرة وفيها طاقات سلبية ونعم انفي وجود العنصرية الممنهجة ضد السود وانفي انه كل حادثة شرطي ابيض مع مجرم اسود هي عنصرية الا اذا اعترف الشرطي وقال انا عنصري واكره الزنوج والعرق الابيض في خطر
يعني دحين لو كانت الحادثة شرطي أسود ومجرم أبيض تقدر تقولها عنصرية؟ اتحداك بالعكس راح تقول يستاهلون البيض العنصريين
ولو قريت الاحصائيات بتلاقي ان البيض اللي قتلون سنويا من الشرطة عالاقل ضعف عدد السود
مصدر
The trend of fatal police shootings in the U.S. seems to only be increasing each year, with Black civilians having the highest rates of being killed by police.
www.statista.com
وبرضه قاعد تلف وتدور وتجيبلي رواية الاعلام وBLM جيبلي نص التحقيق الرسمي زي ما انا جبتلك تحقيق مكدول اللي ثبت انه كان مسلح وحنرجعلها
وغلط الحرب قامت لتحرير العبيد وبرضه ما جاوبت ليه أساسا الكونفدرالية نشأت وهاجمو فورت سمتر اذا ماكان الهدف تحرير العبيد ؟ وبرضه مافسرت ليه ويليام شيرمان حرر الاف العبيد لما زحف لسفانا ؟ وليه لنكون حارب عشان التعديل ال١٣ لمنع العبودية ؟ وبرضه قاعد تفتي لنكون ماجند السود في الجيش بل السود تطوعو للخدمة واساسا دامهم في الشمال كانو احرار وماله اي علاقة بضرب الاقتصاد الكونفدرالي
الاقتصاد الكونفدرالي اساسا انضرب وعانى بسبب الحصار البحري وسيطرة البحرية الفدرالية عالموانئ وبرضه مصاريف الحرب وبرضه بسبب احتلال قرانت لنهر الميسيسبي وشق الكونفدرالية نصين سألتك بالله قريت اي شي عن الحرب الاهلية الأمريكية وتفاصيلها ؟ ولا كالعادة اخذتها من مقطع ١٠ دقايق في اليوتيوب من ناس محسوبين عاليسار؟
بعدين فرض شرعا انك تشكر اللي ساعدك حتى وهو واجبه بالحديث النبوي "من لايشكر الناس لايشكر الله" أجل خلاص بلاش نشكر الجنود السعوديين عالحدود وفي اليمن لانه واجبهم وبلاش نشكر رجال الامن في الحج وبلاش نشكر الاطباء في كورونا وبلاش نشكر حتى والدينا لانه واجبهم وغصب عنهم يسووه
بعدين انا مني فاهم ليه تقولي انا مدلس وانت بكبرك قاعد تدلس وتزيف حقايق مكدول ماكان عنده شلل كامل ولا كيف كان بيتحرك بالكرسي؟ ودام انه مشلول وما يقدر يتحرك كيف كان يقدر يوصل لجيبه ويرفع يده اليمين وشايفه قدامك كان بيحرك اياديه
وبرضه لا تجيبلي قضايا فردية وتعممها مو عشان واحد ولد ابيض ما اندعس تقول الشرطة كلها عنصرية ويدعسون السود
أهو هذا ابيض اندعس وانضرب واتبهدل من شرطة بيض حتقول عنصريين برضه ؟
وهذا واحد أبيض برضه دعسوه وخنقوه والشرطي انفصل بسبب الخنق
وهذا مقطعي المفضل واحد أبيض من ال"مواطنين المستقلين" كسرو سيارته وفلتو عليه الكلب وقاعد يستغيث وفي شرطي اسود خلاص صارت عنصرية ضد البيض؟
واقدر اكمل لين بكرة الليل
أما التقرير حق التوظيف وهذا تقرير ماهو مقال ومضمونه صحيح لكن مافي اي شي يذكر او يثبت انه فيه عراقيل ممنهجة عنصرية التقرير بيذكر انه السود بيحصلون على وظايف بدخل اقل اكثر من البيض وهذه لها مسببات اخرى ماذكرها التقرير
وانه البيض بياخذون امتيازات زي تأمين صحي واوفرتايم اكثر من السود في كثير من الوظايف التقرير هذا قابل للنقاش لكن برضه مايثبت انه السود بدون وظايف وممنوع يتوظفون
وبالعكس انا طالبتك بتصريح من مسؤول في شركة ولا محافظة مدينة عشان كلامك يكون منطقي ويثبت انه السود مالهم حقوق في التوظيف ولا الحقيقة كلامك انت اللي غير منطقي
الكلام الاخير وجهه لنفسك لا توجهه لية لانك انت ومعظم المنتدى ربطتو الموضوع بالعنصرية والموضوع ماله علاقة بالعنصرية
