طبعا فيه ناس هنا قاعدين يسوقون الشرف خاصة من الاعضاء السعوديين
انه احنا ماعندنا كذا وشرطتنا محترمة عالاخر ومافيه عندنا اي مشاكل وكلام فاضي
نعم الحمدلله الامن عندنا مستتب افضل من امريكا كارقام ونعم الاجهزة الامنية كثير منهم تعاملهم ممتاز وراقي ومن تجربة
لكن برضه تبو تقنعوني انه ماقد حصلت حوادث فردية ؟ ماقدر رجال امن من قطاعات مختلفة تجاوزو صلاحياتهم واعتدو على مواطنين ولا الفو قوانين من راسهم؟ والاجهزة الامنية خالية من كل اشكال وانواع الفساد ؟
عادي بتحصل كثير وبرضه نقول انها حالات فردية ولا ماكانت الدولة فصلت النيابة والضبط الجنائي والتحقيق الجنائي عن وزارة الداخلية واعطتها للنيابة العامة
وعندنا امثلة وتوثيق للحالات الفردية ذي رغم منع التصوير وكل شي
أبرزها
قبل ٦ سنوات تقريبا الشاب سيف حميد اللي ضربوه ٢ عساكر من المرور ضرب مبرح وتسببوله بارتجاج في المخ وكسر جمجمة ونزيف في الاذن ولا طلبوله اسعاف ولا ودوه المستشفى ودوه مركز الشرطة وحتى منعو طاقم MBC انهم يسوون لقاء مع الولد كله بسبب مخالفة وقوف خاطئ واصلا دورية المرور حجزت عليه ولا خلته يخرج وفوقها حط مخالفات كل السيارات عليه هوة
وبرضه قضية وكيل رقيب ماجد برمنده اللي العسكر صعقوه بالتيزر ومات وهو في الطريق للمستشفى بسكتة قلبية
مشاهدة المرفق 269859
وبرضه هذا الفيديو انتشر لعسكر مسمرين مواطن عالارض وواحد قاعد يرفس فيه
وهذا الفيديو رغم انه من مصدر منحاز الا انه محتواه واضح عسكر سعوديين اهانو مواطن وضربوه عشان حسبو المقاعد شكلها علم قطر
وبرضه هنا عساكر دوريات قاعدين يلطمون واحد كفوف ويتفلون عليه ولا كمان العسكري يقول لخويه عطه وحدة كمان ووريني وجهه
وهذا عسكري مرور محطه مواطن بالعقال ولانه ماعنده اي مهارات دفاع عن النفس طلع مسدسه وطلق عليه والحمدلله الكل سلم
وهنا برضه تظهر قلة الاحترافية شايل المشتبه به من ثوبه كانه درباوي ماحط عليه كلبشات (خطر عالعسكري نفسه) وفوقها صفعه كف
وفي حالات كثير غيرها احد بالله يبغى يتجرأ ويستشرف ؟! غير القضايا اللي عند ديوان المظالم والنيابة اللي فيها مخالفات لنظام الاجراءات الجزائية
وعالاقل في امريكا تقدر تصور الشرطي مايقدر يقولك حاجة اما في السعودية ممنوع التصوير منعا باتا ولا الجهات الامنية عندها بودي كام ولا داش كام ولا اي شي وزي قضية سيف الاولى المرور والشرطة كتمو تماما عالحالة ولا حتى وعدو بتحقيق وقالو العسكري دافع عن نفسه بدون اي اثبات يعني الامن العام هنا هم الشهود والمحامين والقضاة عشان كذا فصلت النيابة العامة عن الداخلية
يعني لو تكررت الحادثة ذي اليوم كان النائب العام فورا امر بايقاف العسكريين وفتحو تحقيق كامل وكانت رؤوس طارت ونجوم انقشعت
وبرضه اعيد واكرر هذه حالات فردية لاتمثل القانون ولا تمثل هدف القطاع كامل ولا تمثل منسوبي القطاعات بس برضه توريك انه جهاز الامن العام عنده ضعف وكفاءة سيئة جدا في التدريب والتأهيل القانوني
يعني مثلا في وضع مستفز هذا الرقيب خلف العتيبي (اظن مني فاكر اسمه)
تلفظ عليه المشتبه به واسرته عايروه بكل العبارات العنصرية وكانو يستحقون يخرجوهم من السيارة بالقوة
لكن ضبط اعصابه وتعامل بالنظام وبكل ادب وامثاله كثير
الشاهد في السعودية في امريكا في اي مكان بتحصل التجاوزات ذي فرجاء لاحد يسوق الشرف ويدعي انه بلده افضل فمو مطلوب منك التطبيل والمقارنة المطلوب اننا نشوف الخطأ ونحاول نصححه
@Firas607 يقول عنده مشاكل صحية فعلا ... بالنسبة للمقاومة يا اخي فلا انا ولا انت ولا اي اخ بالمنتدى عنده دليل ، لكن مستحيل الشرطة تثبته بهذه الطريقة لو لم يقاوم ... وبالغالب السود اصحاب جرائم ومشاكل بامريكا.
www.usatoday.com
