إيقاف بدل غلاء المعيشة و رفع نسبة ضريبة القيمة المضافة من (5%) إلى (15%)

[🕒رُبـع سـاعـة🕒]

صامل بس ماهو مستعجل الا خلاني اقوله لاتشتري ان الموديل الجديد 2021 يختلف كليا عن موديل 2020. هو يشتري كل سنه ويبيع اذا نزل الجديد بس الحين منعطف خطر بينقص من سعره لو يبي يبيع بعد الموديل القادم لانه مختلف تماما ومع كورونا بينخفض الشراء يعني مدري اذا بيقدر يبيع السنه القادمة والا لا.

مو كثير الفرق فقط في نظام التعليق والإكسسوار لكن القير والمكينة نفسها ماتغير شي
صحيح الشكل بيكون أجمل بكثير بس بكل الأحوال بيتأخّر نزوله وبيلذعونك بالسعر عشان يعوّضون الأزمة
عشان كذا قلت لك خلّه الله يحفظه يلقط اللي في اليد سييرا دينالي ولا ينتظر اللي عالشجرة ?

 

[access1]

الامريكان دفيعه ولكن على شيء يحتاجونه وعندهم حماية مستهلك وانت شركه سعوديه قادم للسوق الامريكيه وغير معروف تحتاج بناء اسم لما تنتقل فجئه لامريكا تحتاج سنوات طويله لتكون شيء بين الجهابده من الشركات الكبيره والمتوسطه اللي لها سمعه بنتها عبر سنوات طويله

التاجر في السعوديه ينط لدوله اخرى يبني نفسه من الصفر من ناحية السمعه والمكانه والزبائن وهذا خطئه لما كان بالسعوديه ومريح ما بنى له سمعه وتوسع خارجيا حتى اذا صارت مشكله او زيادة ضريبه يقدر يفتح فرع في مكان اخر بناء على سمعته اللي سابقه لتواجده في تلك البلدان

كل اللي قلته انت بكل امانه تتحمله الدوله من حماية مستهلك الى الرقابه الى والى
وش يخص المواطن..!
الخلل في الراس ماهو بالجسد

 

[رشاش]

لاحول ولاقوة الا بالله

الله يعين

 

[access1]

دعم المعيشه ماعاد نبيها مادام هيا سبب للاستغلال التجاري للمواطنين
بحجة الحكومه دعمت المواطن ربما تعود الكرامه لل500 ريال وتصير تكفي ١٥ يوم بدل الوضع الحالي

هههههه لاتدعم معيشه حسن رواتب ديرتك كلها تفشل مقارنه مع مدخولاتها
ومقارنه مع مايحيطك من مجتمعات وايضا مقارنه باسعارك الداخليه العقاريه والطبيه والغذائيه وغيرها
بعدها تعال هايط على الفقراء
المهم بكل امانه هو التعامل الفعلي للرقي بالمواطن ماهو الرقي بجيب المواطن وشفطه

 

[ali-777]

الله يعين حاليا موقف المتجر لما بعد العيد
والله ييسر ويرفع عنا هالوباء

الحركة التجارية بين الدول متوقفة مابالك داخل الدول نفسها غير شركات الشحن
الله يرفع هذا الوباء ياااااااااارب

 

[Khalid88]

‏بلومبرغ- أعلنت المملكة العربية السعودية عن خطوة مفاجئة لخفض إنتاج النفط إلى أدنى مستوى له في 18 عامًا ، حيث تحاول تحفيز الانتعاش من أزمة الطاقة.

‏بعد ساعات قليلة من الكشف عن عدد من إجراءات التقشف ، قالت السعودية إنها ستخفض إنتاج النفط بمقدار مليون برميل أخرى في اليوم فوق ما اتفقت عليه بالفعل مع حلفاء أوبك.


انتهت حرب النفط ؟

 

[deter]

الزواج من اجنبي مهب حل هذا يبي يغير العادات والتقاليد مع الوقت

 

[deter]

اتفق مع @رٍسِـــلآنٍ عينهم على بدالات ثانية

اظن يبي يشلحون وزارة الداخلية اذا عندهم بدل ارهاب

 

[عبدالرحمن 17]

الزواج من اجنبي مهب حل هذا يبي يغير العادات والتقاليد مع الوقت

غير العادات

سلالتنا الوطنية غير المهجنة
ستتأثر مع مرور السنين

مثل العرب الاوائل أيام الفتوحات
تغيرت سحناتهم بمخالطة العجم

 

[FA-117]

سلالتنا الوطنية غير المهجنة
ستتأثر مع مرور السنين

ارحمنا ياسلالة هابسبورغ

 

[القائد العام]

الزواج من اجنبي مهب حل هذا يبي يغير العادات والتقاليد مع الوقت

ألا يدخل ذلك في تلاقح السلالات والثقافات بين القارات والأجناس ؟؟

 

[القائد العام]

جيراننا ما خلو شي ما تدخلوا فيه

الحين جاء الدور على الوطنية والولاء يعلموننا ويصنفوننا

........ما عاد به عوال

?????

 

[🕒رُبـع سـاعـة🕒]

ارى انه لابد تقليل عدد العمالة في السعودية الى النصف للحفاظ على احتياطي العملة الاجنبية في ضل الاوضاع الاقتصادية العالمية او فرض ضريبة على تحويل الاموال للخارج.

وزارة العمل بعدما يقرون كلامك :

 

[deter]

ألا يدخل ذلك في تلاقح السلالات والثقافات بين القارات والأجناس ؟؟

لابد ان يدخل بها

 

[FA-117]

سبحان الله توجهك نفس توجهي بخصوص التجارة الالكترونية خاصة مع نموها خلال العشر سنوات القادمة
واتوقع التجارة الالكترونية هي تجارة المستقبل

اذا عندك لغة انجليزية فبإذن الله مع البحث والتخطيط تدبل ارباحك اضعاف اضعاف اضعاف اضعاف مقارنة لو متجرك الالكتروني موجه للسوق السعودي او الخليجي.

 

[FA-117]

الزواج من اجنبي مهب حل هذا يبي يغير العادات والتقاليد مع الوقت

شكلك من فئة لقح وخلف وخل المدام هي اللي تربي .. هالنوعية هي اكثر من تشيل هم تغيير العادات والتقاليد عند عيالها.

 

[deter]

شكلك من فئة لقح وخلف وخل المدام هي اللي تربي .. هالنوعية هي اكثر من تشيل هم تغيير العادات والتقاليد عند عيالها.

الطبيعي الام هي المربية مهب الزوج

حتى انت من رباك امك الله يخليها لك

 

[Medic]

مو كثير الفرق فقط في نظام التعليق والإكسسوار لكن القير والمكينة نفسها ماتغير شي
صحيح الشكل بيكون أجمل بكثير بس بكل الأحوال بيتأخّر نزوله وبيلذعونك بالسعر عشان يعوّضون الأزمة
عشان كذا قلت لك خلّه الله يحفظه يلقط اللي في اليد سييرا دينالي ولا ينتظر اللي عالشجرة ?

اجتهد انا في الموضوع وتم تاجيل العملية, ان كنت مخطئ لي اجر الاجتهاد باذن الله وان اصبت لي اجران والله يعينا على التوبيخ لاحقا لو حدث امرا معاكسا.?

 

[Medic]

‏بلومبرغ- أعلنت المملكة العربية السعودية عن خطوة مفاجئة لخفض إنتاج النفط إلى أدنى مستوى له في 18 عامًا ، حيث تحاول تحفيز الانتعاش من أزمة الطاقة.

‏بعد ساعات قليلة من الكشف عن عدد من إجراءات التقشف ، قالت السعودية إنها ستخفض إنتاج النفط بمقدار مليون برميل أخرى في اليوم فوق ما اتفقت عليه بالفعل مع حلفاء أوبك.


انتهت حرب النفط ؟

اعتقد ان السعودية سوف تخفض اكثر من هذا في الايام القادمة وسوف تبيع باقل من الاسعار العالمية للمحافظه على الحصه السوقية. الى متى نتحمل تبعات الاخرين في النهاية هي سوق حره. كل ما ارتفعت الاسعار اتينا للانقاذ وهذا خطئ كبير.

 

[FA-117]

الطبيعي الام هي المربية مهب الزوج

حتى انت من رباك امك الله يخليها لك

ويخليها لك والدتك يارب ..
التفكير هذا يالغالي تغير جداً اتكلم لك عن الاجيال الاخيرة