من رحمة ربي اني عزوبي وانا في منتصف الثلاثين.
كنت رافض تماماً اتزوج وانا ماكونت نفسي .. فقط النظر الى اخواني اللي تزوجوا على قروض ثم جابوا عيال وابتلشوا بمصاريف البيت يعطيني انطباع ان الامان المالي اهم بكثير من الزواج.
الحمدلله ان تجربتي لما كنت اشتغل في بنك سابقاً ومعاشرتي للعملاء اكتشفت ان الشراهة الشديدة للقروض من المجتمع خلتني انظر للعمل الحر كمصدر دخل اضافي على انه طوق نجاة من التقلبات الاقتصادية والظروف اللي ممكن تؤول إليه الانسان الى الاقتراض.
لي تقريباً ٣ سنوات وانا اجمع واجمع واجمع من راتبي ومن البزنس اللي شغال عليه طيلة هالسنين
والحمدلله صرت في امان مالي لدرجة بإمكاني أشتري منزل، واتزوج وفوقها زيادة افتح لي تجارة بدون ماافكر حتى اروح للبنك عشان قرض.
عدم استعجالي للزواج وصراعي مع الاهل بخصوص عدم رغبتي للزواج خلتني الان مرتاح ومستقل ماليا .. بعكس اخواني اللي تزوجوا ولالحقوا على اعمارهم والان ماكلين تبن وكل يوم جمعة ماعندهم سالفة غير التحلطم على الرؤية.
واللي مب عاجبه الوضع الان .. فأعرف أنه مبهذل نفسه ولاعمل حساب اليوم الاسود اللي حنا فيه.
نصيحة العمر يااخوان العزاب .. لا تتزوجون قبل تكوين أنفسكم مالياً.
.
