صدور عددًا من الأوامر الملكية.

[Hercules]

للامانه المساجد المتواجده في الاسواق و خاصه اسواق دبي اثناء الصلاه تكون مملوؤه عن بكره ابيها

ما تحصل مكان تصلي فيه مع ان كل شي عندنا مفتوح

99% من محطات البترول يوجد فيها مساجد و اثناء الصلاه تكون مزدحمه بشكل مو طبيعي و لكن المحطه لا تزال تعمل بعدد قليل من الموظفين​

يا رجال اغلاق المحلات وقت الصلاة صار شي مستفز بشكل غير طبيعي.
مرمطة وخسارة وقت. قال علشان تعظيم شعائر! مثاليات زائفة لا اكثر
الله يسعد دبي بس ما بها محل يقفل ومع ذلك مثل ما تفضلت تشوف المساجد مليانة

 

[القائد شان كونغ الحكيم]

يا ليت يلغون اغلاق المحلات وقت الصلاة
شيء مستفز
تروح المول او اي محل يقفل بوجهك او وانت بالطريق وتخسر وقت من حياتك.
وموظفين المحلات كثير منهم ما يصلي، اصلا وقت الصلاة يستغلونه على انه بريك وفسحة.
لكن كان نفسي مع جملة القرارات هذي يعفون واحد شعبوي يبي يتصدر المشهد باي طريقة وللاسف ما جاب لنا الا وجع الراس.
بس على كل حال انا ضد تحويل الهيئات الى وزارات لان هذا ما راح يجيب الا بيروقراطية لا اكثر.
الهيئات مرنة اكثر ىسياستها دائما تكون افضل وعندها لا مركزية.

طيب روح صل مع المسلمين في المسجد وبعد الصلاة تقض إلين ماتتعب

 

[Hercules]

@الأرطبون
الحق ابلج والباطل لجلج ? احسك من اللي يتسخدمون الكلمة هذي كثير ?????

 

[محموس]

والله انا حر اتسكع او ما اصلي هذا راجع لي.
لا انت بتروح النار عني ولا انا راح احاسب عن تقصيرك امام الله

بقلعه وادرين لكن ليه تجبر العامل المسلم بترك الجماعه عشان تتسكع بالمولات

 

[Hercules]

طيب روح صل مع المسلمين في المسجد وبعد الصلاة تقض إلين ماتتعب

اووه ماشاء الله عليك ذكي وفطين حجرت لي وانا الان ما اعرف ارد! ياخوي انا ما ابي اصلي، ليه تبيني انافقك وانافق المجتمع واتظاهر بالصلاة؟ طيب يمكن اني صليت في بيتي؟ ترا اقدر اكذب عليك واقولك انا صليت بالبيت

 

[نويصر]

ماتحقق التهذيب
لان معظم الموظفين داقين سوالف في الوقت اللي الناس خلصت صلاة ومنتظرين نص ساعة عشان المحل يفتح

ماهوب صحيح الموظفين يصلون والناس تروح تصلي

الا الكفار

 

[Ghost21]

بقلعه وادرين لكن ليه تجبر العامل المسلم بترك الجماعه عشان تتسكع بالمولات

المشكلة محد قال اترك الجماعة تقدر تصلي في المحل وفي المسجد وتيسر عالناس
وحتى الاخ الاماراتي جا وقلك كيف الناس مملية المساجد في مولات دبي !
لكنكم مثل اندادكم لما ناس اعترضو عالحفلات الموسيقى قالو عنهم دواعش ومتشددين رغم انه لهم وجهة نظر منطقية

 

[Ghost21]

ماهوب صحيح الموظفين يصلون والناس تروح تصلي

الا الكفار

عندك ارقام تدل على هذا ؟ مافي لا ارقام ولا شي يدل انه فعلا الناس تهذبت وصلت

 

[Hercules]

بقلعه وادرين لكن ليه تجبر العامل المسلم بترك الجماعه عشان تتسكع بالمولات

وانت مصدق انه يبي يروح المسجد؟
روح المواقف او الfood court بالمول وتحصل الموظفين ماخذين وقت الصلاة بريك واستراحة.
هذا غير الموظفين اللي يقفلون المحلات على نفسهم ويرقدون داخل المحل

 

[deter]

بقلعه وادرين لكن ليه تجبر العامل المسلم بترك الجماعه عشان تتسكع بالمولات

وشرطي الدوريات اللي ينتظر الجماعه تخلص عشان يصلي بسبب دوامه

وش وضعه من زمان


?

 

[deter]

ماهوب صحيح الموظفين يصلون والناس تروح تصلي

الا الكفار

مهب الكل خصوصا اذا السكن قريب من دوامه

 

[Hercules]

وشرطي الدوريات اللي ينتظر الجماعه تخلص عشان يصلي بسبب دوامه

وش وضعه من زمان


?

يستأذن من العمليات انه يبي يصلي

 

[Hercules]

ماهوب صحيح الموظفين يصلون والناس تروح تصلي

الا الكفار

وللاسف بعض الناس يجرد الكافر من انسانيته فقط لانه يخالفه بالدين! بعني منطقهم اذا انت كافر مالك حقوق!

 

[محموس]

اووه ماشاء الله عليك ذكي وفطين حجرت لي وانا الان ما اعرف ارد! ياخوي انا ما ابي اصلي، ليه تبيني انافقك وانافق المجتمع واتظاهر بالصلاة؟ طيب يمكن اني صليت في بيتي؟ ترا اقدر اكذب عليك واقولك انا صليت بالبيت

اجل اصبر للعامل يخلص صلاته ويفتحلك ولا تلايط
حتى العامل ماتقدر تدخل بنيته وتقول انه مايصلي
يمكن انه مقفل عشان جالس يصلي !
واذا مايصلي بينه وبين ربه على قولتك

 

[نويصر]

يا رجال اغلاق المحلات وقت الصلاة صار شي مستفز بشكل غير طبيعي.
مرمطة وخسارة وقت. قال علشان تعظيم شعائر! مثاليات زائفة لا اكثر
الله يسعد دبي بس ما بها محل يقفل ومع ذلك مثل ما تفضلت تشوف المساجد مليانة

انت تذكرني باللي كانو يطالبون بإزالة مكبرات المآذن عشان والله الاذان مزعج
ويوم جات حفلات موسم الرياض المفتوحة وازعجوا الناس لين الفجر كل من يطلع يحتج قالوا له انت صحوي محارب للحياة والا داعشي اخونجي

 

[الأرطبون]

وشرطي الدوريات اللي ينتظر الجماعه تخلص عشان يصلي بسبب دوامه

وش وضعه من زمان


?

هذا له فتوى ومعروفة هو وأمثاله وتشمل الخفير والطبيب والمسعف والسيكيورتي ومن في حالهم.

من يريد الحق سيصل.

 

[نويصر]

وللاسف بعض الناس يجرد الكافر من انسانيته فقط لانه يخالفه بالدين! بعني منطقهم اذا انت كافر مالك حقوق!

انت في بلد مسلم احترم مشاعر المسلمين

 

[deter]

هذا له فتوى ومعروفة هو وأمثاله وتشمل الخفير والطبيب والمسعف والسيكيورتي ومن في حالهم.

من يريد الحق سيصل.

والصيدلي يبيع مكسرات !!

يبيع ادوية

 

[Hercules]

اجل اصبر للعامل يخلص صلاته ويفتحلك ولا تلايط

مب على كيفك
راح يفتح وقت الصلاة وتذكر كلامي
المسألة مسألة وقت لا اكثر
خل اللي يشتغل بالمول ينتج اكثر بدال البريكات اللي ياخذها وهو متسدح

 

[Hercules]

انت في بلد مسلم احترم مشاعر المسلمين

اغلاق المحلات وقت الصلاة مب من شعائر الدين.
ولا يعني انك في بلد مسلم ان لك الحق في هضم حقوق الاخرين