من تجاربي الشخصية مع مدعي الاختراع
-لما كنت في تويتر جاتني بنت عالخاص قالت انها اخترعت رادار يكشف قذايف المدفعية اللي يطلقها الحوثي على نجران وجيزان وعسير والمسكينة ماتعرف اش يعني "انتينا" الرادار ولا تعرف اش يعني تردد ولا طول موجي واش هي موجات البث اللي تحت الUHF
يوم قلتلها انه هذا الشي موجود من الستينات ومستخدم حاليا في افغانستان والعراق جاتها صدمة عمرها مدرستها ومؤسسة الملك عبدالعزيز اعطوها براءة اختراع على بحثها اللي مايرقى لتقرير معمل في مادة هندسة
وخير شر حتى رادار الباتريوت يرصد من قذائف المدفعية لين النيازك القريبة من الارض لكن مايتعرف عليه ولا يشتبك معها
يعني مافي احد وعاها عن ابسط مبادئ الكهرومغناطيسية ولا الراديو ولا حتى كتبت في قوقل Artillery Radar ؟!
-نفس البنت جاتني مرة ثانية وقالت تبى جلود تماسيح ليه ؟ عشان تبى "تخترع" بسطار للجنود مضاد للرصاص ؟! WTF المشكلة انه الجزم والملابس من جلود التماسيح موجودة ومكلفة جدا غير انه معظم اصابات الجنود هي في منطقة الجذع مو القدم وبعدين من راح يشتري بسطار ب٢٠الف ريال ؟!
-بنت ثانية قالتلي عندي اختراع مهم وراح ينقذ حياة جنودنا وصلني بمسؤولين من القوات المسلحة وحرس الحدود قلت طيب اش الاختراع رافضة انها تقولي بعد الشحاتة قالتلي انها "اخترعت" مستشعرات ارضية صغيرة عشان تلقط المتسللين رحت على طول ارسلتلها صور في حدود امريكا والمكسيك وشوية صور من افغانستان لنفس الجهاز (نفس الفكرة) برضه جاتها صدمة عمرها وكانو بيعطوها براءة اختراع
-شخص جاني في الخاص ادعى انه رادار TPY-2 حق الثاد كانت فكرته واختراعه وريثيون سرقوها
-أحد كبار مدعي الاختراع بدون ذكر اسماء ادعى انه اخترع وصمم درون للاستخدامات العسكرية وقالها في الفيديو"انا صممتها بنفسي"بعدين اتراجع وقال ركبتها من مواد Off the Shelf ولما وريته نفس الدرون بنفس المواد ونفس كل شي مركب عليه من موقع شركة اوكرانية اعطاني بلوك
وفي السابق ادعى انه اخترع المروحية الروسية Mi10!!! وفوقها ادعى انه المانيا وروسيا دفعوله ملايين عشان يشتغل معاهم
-ولايمكن نعدي هذا الموضوع بدون الشخص اللي ادعى انه "اخترع" غواصة مأهولة توصل لاعماق المحيط وسماها صقر العروبة وهذا الشي اساسا مستحيل ولا جاب تجارب اتزان ولا تجارب Towing Tank ولا تجارب محطة الدفع ولا شي
-مدعية الاختراع المفضلة عندي فلانة من جامعة الطايف ادعت انها "اخترعت" قماش جديد بتقنية النانو مضاد للرصاص (لاتنسو ان الكفلار اخترع في ١٩٦٩) طبعا من ٢٠٠٨ لليوم ماجابتلنا ولا تجربة بالستية ولا تجربة في ظروف حروب حقيقية والدرع قديم وتقادم مافيه اي تصميم عصري زي الMolles ولا شي
والكذبة الكبرى قالتلنا انه البنتاغون طلبها ولما رفضت منعوها من دخول امريكا ولما قلنالها انه الان الامريكان صارت قميصهم القتالي مضاد للرصاص والشظايا صرفتنا وقالتلنا"محمد بن سلمان كان بيعطيني الرولز رويس حقته"
وللأسف الشديد للان الاعلام يعطي هؤلاء اكبر من حجمهم دون الاستعانة بخبراء ومهندسين وعلماء وباحثين وللاسف كل مانكشف حقيقة ذول الناس وحقيقة سرقاتهم و"اختراعاتهم" اللي مالها فايدة ولا يمكن تطبيقها بالعكس قاعدة تفشلنا قدام العالم
للاسف يجونا اشخاص لم يرزقهم الله باي علم او دماغ شغال يقولولنا"انتم غيرانين انتم اعداء النجاح سوو مثلهم طيب" والكلام الفاضي
انا اعرف بالضبط كيف اجيب راس ذول الناس
هذا منظار ELCAN Specter من ريثيون كندا اقدر اشتري واحد الان واصبغه واغير فيه واكلم صحفي فاشل في جريدة كبيرة ويكتب"سعودي يبتكر ادق منظار رماية في العالم" وبدل ما اشرح شي علمي اقول "كان دافعي هو جنودنا البواسل في الحد الجنوبي وBla Bla Bla" وازيدها بدراما "منعت من دخول امريكا والموساد الاسرائيلي حاول ايذائي" كذا حلاقي كل الشعب يطبلي
مشاهدة المرفق 238242
