شكرا لحضرتك على ردك المحترم انا انتقدت الدبلوماسيه المصريه بصفه عامه وقولت بالحرف انها من بعد عمرو موسى فى انحدار انا لا احمل تجاه شخص وزير الخارجيه المصرى اى شيء وذكرى لشخصه نابع من انه رأس الدبلوماسيه المصريه الان ليس اكثر وعدم ذكرى مثلا لابو الغيط او احمد ماهر مش معناه انى معجب بقيادتهم واريد ان اوضح لحضرتك ان مش شرط للفشل انك تقوم بعمل فعل خطاء لا بالاضافه لذلك عدم الفعل فى بعض الاوقات يكون اكثر خطوره وتأثير على مصالحنا على سبيل المثال مش هاقولك مثلا دا عمل كذا خطاء لكن اقدر اقولك عدم التصرف المبكر او اخذ خطوه فى بعض المواقف ادى الى تقلص دورنا الاقليمى والافريقى واخر الاخطاء مثلا فى موضوع ليبيا دعوة فرنسا وايطاليا وقبرص واليونان الى اجتماع لمناقشة الوضع فى ليبيا مع اغفال وعدم توجيه الدعوه الى دول المغرب العربى وهذه الغفوه استغلتها تركيا والسراج بزيارات مكوكيه لتونس والجزائر وشوفنا الموقف الاخير للجزائر فى الوقت الى مفروض تكسب فيه تأييد كل دول الجوار الليبى بتخسرهم موقف اخر فى عهد اخر غير عهد سامح شكرى علشان تصدق انى مش بشخصن الامور بدون الخوض فى التفاصيل خطاب موجه من الكونجو الديموقراطيه الى مصر باللغه الفرنسيه الخارجيه المصريه تعيده الى الكونجو مره اخرى وتطلب ان يأتى الخطاب باللغه العربيه او الانجليزييه دا بعيد عن موضوعنا الحالى بس موقف زى دا خلاك خسرت دوله داعمه ليك فى افريقيا لانهم شعروا بالاهانه هل دوله بحجم مصر تعداد سكانها فى ذلك الوقت تعدى ال60 مليون وعضو فى منظمة الدول الفرانكوفونيه المتحدثه بالفرنسيه مافيهاش حد يترجم الخطاب للعربيه اسف للاطاله وارجو ان اكون وضحت وجهت نظرى ولك منى كل الاحترام والتقدير
الحقيقة بجد انك متحامل شوية على الدبلوماسية المصرية ..
لو عملنا فلاش باك ورجعنا لورى شوية هنلاقي ان كل مرحلة من المراحل اللي عدت بيها البلد ليها ظروفها
مثلاً
ايام المجلس العسكري كان فيه الراجل المخضرم نبيل العربي وده كان داهية بجد وكان فيه بعده محمد العرابي وأيام الإخوان كان فيه محمد كامل عمرو وأيام عدلي منصور كان نبيل فهمي وحاليا سامح شكري
كل دول واجهوا مصاعب من إيام الثورة والمشاكل اللي كانت مع الاتحاد الافريقي والاتحاد الاوربي وغيرها من الدول وكانت المهمة صعبة ايامها وانت لسة خارج من ثورة ودخلت في التانية واضرابات ومشاكل في كل حتة في البلد .. كل واحد من دول كان له نطاق كان بيتحرك فيه حسب المتاح وحسب وزنك الإقليمي والدولي ساعتها وشخصيا شايف انهم عملوا اللي عليهم وعدينا من المراحل السابقة وقلبنا الترابيزة لصالحنا وبدل ما الاتحاد الافريقي كان مجمد عضويتنا بقينا احنا رئيس الاتحاد الافريقي وبقينا نتكلم باسم الاتحاد في القمم القارية والمحافل الدولية . وبدل ما الاتحاد الأوروبي كان بيتأهب لعمل عقوبات قلبنا الترابيزة وعملنا شراكة معاه . ألمانيا وفرنسا اللي كانوا معترضين على ثورة 30 يونيو بقوا معانا وداعمين لمصر وبتاخد منهم السلاح والتكنولوجيا اللي عايزينه ..
وسامح شكري واحد من المنظومة الدبلوماسية دي وهو بدوره فتح المجال على أفريقيا ( بعد ما كان مبارك قافل الباب ده بسبب حادثة اغتياله في أديس أبابا ) وفتح المجال كمان لتوثيق الصلة مع دول شرق البحر المتوسط وعمل دايرة دبلوماسية جديدة والكلام هطول لو فتحنا المجال ده ..
اما بالنسبة لعدم دعوة الجوار الليبي في المؤتمر : مت الواضح يا صديقي ان دول الجوار الليبي طبيعة حكمها ايه وسياساتها واضحة للكل ( شوف السلطة في المملكة المغربية مين بحكمه وطبيعة وايدلوجية الحكم ايه وكذلك تونس وكذلك الجزائر اللي بتمر بحالة سيولة سياسية ومشاكل داخلية ساعتها هتعرف ليه الدبلوماسية المصرية ما وجهتش الدعوة لدول الجوار الليبي
الدول الفاعلة في الملف الليبي اهم من الجار الغير فاعل او الجار الذي يميل للتهادن مع الجماعات المتطرفة اتقاءاً لشرها
يارب تكون وصلت الفكرة
بالنسبة المراسلات الدبلوماسية فده بيتم طبقا للغة المرسل له مش طبقا للغة الراسل وده عرف دبلوماسي ( لو انت عايز تخاطب السلطات الروسية فيبقى لازم تكلمهم بالروسي مش بالعربي ) الحكاية مش حكاية عدم وجود مترجمين يا صديقي
تقبل تحياتي .. ?
و الاكيد هناك تنسيق مصري جزائري في الخفاء
