مصر عليها ادخال مقاتله منخفضه التكلفه لاحلال الاف ١٦ علي المدي المتوسط فلانمتلك السيوله الكافيه لتعويض خروج الاف ١٦ برافال او سوخوي
ومين قال ان خط انتاج هيكون مكلف الخط موجود عندك هيلزمه تطوير بسيط وعندك كوادر فيه ارميها ! ولا اطور من شغلهم على مقاتله منخفضة التكلفة ! وكمان منصة مفتوحة التسليح لو حبيت اطور ذخائر !
لا الروسى ولا الفرنسى ولا الامريكى هيرضو دمج ذخائر على مقاتلاتهم ! يبقى الاسهل منصة مفتوحة تشيل ومتقولش لا ! بالنبة لاداء المقاتله اداء متوسط ومطلوب واكيد اقل لكن هتعمل اللى بتعمله مقاتله زى الرافال ! او الاف 16 ! وبتكلفة اقل منهم بكتير ولو لا قدر الله وقعت ميتحزنش عليها !
ليه بنحللها بنفس كونسبت الاحلال العددي .. دا مش شرط .. انت اللي يهمك تنفيذ المطلوب صح
ال 220 فالكون او ما تبقى منهم .. 72 رافال تغني عنهم بالكامل و حيبقى الموضوع ارخص في التشغيل بكتير لانك بتشغل عدد اقل بس اكثر قدرة
احلال الاف 16 بمقاتلة ارخص وفرتها الميج حتى و مش لازم عدد مهول لانها بتقدم حلول اكتر كفاية تذخيرها
و السو 35 ضاربة بعدد اقل من الاتنين ، راعي اننا بنتكلم على احلال تدريجي على مدى طويل مش لحظي
باي حال التمويل عائق امام اي اتجاه فعلا لذا لا ارى داعي لرمي اموال في مقاتلة صينية لن تقدم مستوى الفالكون و لا الميج و حتحتاج خط صيانة خامس فحرام يعني
و بالنهاية حنحتاج مقاتلة ارخص ليه؟ اي السينايو الضروري لتشغيل مقاتلة رخيصة؟
-ضرب اهداف ارضية قريبة ضمن حيز آمن في عمليات مستمرة .. الفالكون حاليا كافية ، دا التاركتور كافية و الدرون حيلغي الاتنين مستقبلا و ممكن تحل ال cas بطائرة زي الياك 130
-اشتباك جوي قريب في بيئة متوسطة لخفيفة التهديدات .. فالكون و بديلها الميج كافين
-اشتباك جوي او ضرب ارضي بعيد وسط عدائيات كبيرة .. رافال و سو كافيين و استحالة تبعت ميج او فالكون بوضعها الحالي او صيني الا مع حماية من الصف الاول فاستفدت ايه
-تكنولوجيا تصنيع و الذي منه .. مش حتطلع منه بصناعة بريحك اللي بتتكلم عليه دا k8 بعقد و عدد محدد فيرنا 2002 من الآخر ، طبعا حتفور و تبدا من جديد بتدريب و خط انتاج يناسب المقاتلة الجديدة دي مقاتلة معدة ثقيله ! و تاني متتوقعش ان صناعتك الجوية حتقوم بعدها الموضوع معقد و مش حتعوض خسايرك لمجرد ان عندك خط انتاج كله حسب العقد ، ما هو اللي حيبعلك مش غبي و حيجبرك تستورد قطع معينة منه من غيرها ارمي خط الانتاج في الزبالة زي الابرامز بالضبط اه عرفت معلومات و تكنولجيا بس هل تقدر تقوم لوحدك .. صعب مش مستحيل بس المنصة منتج كبير حتاكل فلوسك يبقى اسهلك لو ركزت في انظمة مغذية افيونكس او تذخير و تحدد نقل التكنولوجيا في شئ زي انظمة التوجيه او المستشعرات و المواد و تقدر تقوم صناعة عليها بشكل اسرع ، صناعة تعمل تطبيقات على اي منصة مش منصة واحدة يتيمة .. دا اللي بتعمله الامارات من 10 سنين على بطئ و طلعت بنتايج
مسالة الدمج لذخائرك سهلة لو عندك منتج فعلي صاروخ محلي WVR/BVR او كروز اسهل من مقاتلة بكاملها و عملي اكتر و ينقصك فعلا و بتتفاوض مع المنتج بالدمج اثناء التعاقد عادي جدا .. اسرئيل الهند الامارات تركيا فرنسا و غيرهم بيعملوها بس متجيش تطلب من امريكا تعملها بعلاقاتك اللي معاها يعني ?
ممكن كحل لانك متحتاج طائرة تدريب متقدم تختار نسخة قادرة قتالية خفيفة برخصة تصنيع (اير ماكي او ياك 130 او حتى الصينية ال 15 و تبقى ضربت عصفورين لكن زيادة مقاتلة صريحة خامسة كتير صراحة و يناقض نقص التمويل و لسه موضوع الربط الشبكي و البياني بين المقاتلات و دا اهم و ادعى من اضافة مقاتلة جديدة للخليط في العمليات و معملتش فيه خطوة حتى اللحظة يمكن القمر الفرنسي يضيف لاي مدى الله اعلم و لسه مشكلة الاواكس و التاكر و النقل الثقيل .. القوات الجوية مش مقاتلات فقط
انت مش محتاج مقاتلة اداء متوسط انت محتاج مقاتلات عالية الاداء متعددة مهام و سيطرة جوية مدعومة بقدرة حرب مشتركة و ربط محترم و ذخائر فعالة ، امامك لاعبين مش بيهزرو تركيا و اسرائيل .. معاك شبه تعادل او تفوق حالي مضيعوش
