رسالة العقيد أ.ح مقاتل بطل شهيد / أحمد صابر منسى بخط يده لأعدائه ..
شكر وتقدير
شكرا لعدوى
جزيل الشكر لعدوى ( اللى أتاح ليا الفرصة بعد سنين طويلة من التدريب أنى اواجهه و أبطل أتدرب )
اللى خلانى أبطل تدريب على المحاكيات وتمثيل جو المعركه ...
وطلع جدع وكسب فيا ثواب وخلانى أطبق اللى أتعلمته عليه ...
- شكرا ليك أنك أكدتلى أنك فعلا كداب و أنك متخفى ورا ستار الدين و أنت أبعد ما تكون منه و انك خسيس وبايع نفسك بالرخيص .
- شكرا ليك أنك دخلتنى أرض مرويه بدم أبائى و أجدادى وقدوتى اللى ضحوا بالغالى والنفيس هنا .
دخلتنى أرض الفيروز بأفرولى وخليتنى أصلى فى كل شبر فيها بأفرولى
و أعرف أهلى اللى هنا و أد ايه فيه ناس جدعان أوى واقفين معايا كتفهم فى كتفى .
- شكرا ليك أنك عرفتنى طعم السعادة الحقيقيه هنا .
... ازرع عبوة يا خسيس بالليل .. هيروح مننا واحد فى غيره ألف بيتسابقوا على دورهم فى الشهادة
...أعمل فيديو قذر أكدب فيه و أصرف عليه فلوس كتير ..
أنت فار صغير
والله زى ما الفار ممكن يضايق البيت أنت بالظبط مابتعملش أكتر من كده ...
أنت فار والله أكبر تأثير ليك أنك تضايقنا بس أخرتك معروفه .
أرجع أشكرك
بقيت أنت شكل الرماية بتاعى .بصراحة كنت زهقت من الرماية على الأشكال الخشب . وفرت أشكال الرمايه ههههههه كتر خيرك .
وعشان ما أطولش عليك .
.. وما أخركش على ميعادك مع زبانية جهنم .
عايز أقولك
- أزرع عبوة ....
- أهرب بموتوسيكل يا جبان .
- صور فيديو و أصرف عليه . ههههه .
- أكدب براحتك .
بس أقسم بالله
مالكش عيش فيها
طول ما أحنا فيها
سيبتلنا قدوة فى شهدائنا .
شوفت أخويا الشهيد وضحكته وبقى بيجيلى كل يوم فى المنام يطمنى .. شوقنى للجنه
#قائد_الشهداء
#اسطورة_الصاعقة
#الرفاعى_٢٠١٧
#القائد_منسى
#منسي_لا_ينسى
