( ملحمة البرث ) قصة استشهاد البطل عقيد آركان حرب / أحمد صابر منسي

[خالد المصري]

​

غزة منطقة كنا بنعتبرها و بنعتبر أهلها متعصبين ضد مصر و بيكرها مصر و منهم فعلا ناس كانت "فى ريبة" و شك ناحية مصر ،لكن العمل الفني ده فوقهم زي مافوقنا و بياكد أن مصر محفورة في قلوبهم زينا كمصريين و حتى اغلب العرب كنت بتابع تعليقاتهم علي كل مشهد و حلقة حاجه ترفع الراس .​

​

أخي هل تعاملت مع غزاوية من قبل؟

أم من أين كونت وجهة نظرك عنهم؟

 

[Red Scorpion]

رحم الله القائد منسي هو وجميع الشهداء

 

[CaptainAwesome]

أخي هل تعاملت مع غزاوية من قبل؟

أم من أين كونت وجهة نظرك عنهم؟

لا ماتعملتش مع حد ف غزة قبل كدة ،وجهة نظرى اتكونت من فيديوهات و تعليقات عالسوشيال ميديا مابتوصلش الا انطباع كره و احتقار لمصر ..​

 

[Egyptian Combatant]

أخي هل تعاملت مع غزاوية من قبل؟

أم من أين كونت وجهة نظرك عنهم؟

أنا اتعاملت مع فلسطينين كتير
وزي ما كل جنسية فيها الجيد وفيها السيء ولا يجب ان نعمم
لكن الي انا تعاملت معهم تركو عندي انطباع سيء للغاية وللعلم المشاعر السلبية موجهه لمعظم العرب وبالتحديد المصريين

 

[خالد المصري]

لا ماتعملتش مع حد ف غزة قبل كدة ،وجهة نظرى اتكونت من فيديوهات و تعليقات عالسوشيال ميديا مابتوصلش الا انطباع كره و احتقار لمصر ..​

أنا تعاملت مع الكثيرين منهم و يحبون مصر كثيرا و لا يتمنون لها إلا الخير و يقدرو دورها معهم بكثير من الود

فقط يعيبون عليها المعابر و إغلاقها بصورة متكررة و لمدد طويلة و هذا يجعل حياة كثير منهم صعبة جدا...

هنا خلط كبير بين التكفيرين في غزة و باقي أهلها.. و هناك خلاف واقع بين حماس و بين السلفية الجهادية هناك (إقرأ عن الهجوم على مسجد ابن تيمية في غزة)

و هم مثلنا منهم عشماوي و منهم منسي

 

[🇪🇬 مصري وأفتخر 🇪🇬]

صورة الشهيد تزين غزة الصمود

مشاهدة المرفق 267985

في عزة

مشاهدة المرفق 268005

صورة تعبر عن معاني من "ذهب" ،حقيقة العمل الفني ده ابداع و حقق قيم في المجتمع المصري ماكانتش هاتتتحق لا ف كتب و لا ف خطابات أو حتى الأحداث نفسها الناس كانت بتتأثر بيها يومين تلاته و تنسي .​

انما أما يتعمل عمل فني حي يجسد تلك البطولات أو الحوادث و يعرض فيها قيم الوطنية و الانتماء ،بيترسخ ف عقول الناس اكتر و المعلومات أو القيم دي بتوصل بشكل أسهل .​

حتى علي مستوي الخارج، الصورة بتقول ان التأثير حصل خارج مصر في غزة منطقة كنا بنعتبرها و بنعتبر أهلها متعصبين ضد مصر و بيكرها مصر و منهم فعلا ناس كانت "فى ريبة" و شك ناحية مصر ،لكن العمل الفني ده فوقهم زي مافوقنا و بياكد أن مصر محفورة في قلوبهم زينا كمصريين و حتى اغلب العرب كنت بتابع تعليقاتهم علي كل مشهد و حلقة حاجه ترفع الراس .​

بجد لا يقدر بثمن هذا المسلسل ،في اجيال كنت اعتبرها أنها انتهت و مفيش امل فيهم و فقدوا كل رابط بينهم و بين مصر مع كل حلقة كان بيتأكد عكسس كلامى و كأن قبل كدة كان في غمامة علي قلوبهم و المسلسل ده مسحها و رجعهم تانى ،تشوفهم بيتعاطفوا و بيدافعوا عن الجيش زي ماحكيت قصة ابن عمي قبل كدة و غيره ناس متعصبة ضد الجيش اتغيرت تماما، حتى الاطفال الجيل الأصغر اللي بردوا كنت فاقد الامل فيهم لأن اهاليهم غالبا ماكانش بيبان عليهم اي ارتباط بالبلد بقت الأهالي بتبكي نفس بكاء أهالي الشهداء و المصابين و بتربي ولادها علي حب الجيش و الانتماء و صور الاطفال اللي ماسكين العاب. عبارة عن أسلحة و لبس مشابه للجيش و اللي انتشرت علي السوشيال ميديا حاجه تفرح القلب و تقول إن البلد دي فيها خير مش هاينتهي.​

آخرهم من دقائق مجموعة شباب ماشيين بيغنوا "قالوا ايه علينا دولا" بكل فرحة و فخر و اللي قبل كدة اما كانوا بيعدوا قدام بيتنا ماتسمعش منهم غير هزار و اغاني شعبية منحطة، اتمنيي الأعمال دي ماتتوقفش ابدا .. ??​

انا حاسس ان ٩ سنوات تراكمت فيها السلبيات علي عقول و قلوب المصريين و مفاهيم توارثت عن تلك الفترة اتمسحت مسسح في ٣٠ يوم .. بجد ابددددددداااععععع ??​

هذه الصورة رُفعت في #غزة بعد ارتقاء المنسي ورجاله تقبلهم الله في الشهداء، وفي العام الذي يليه قصف طيران الكيان الصهيوني هذا المبنى.

 

[CaptainAwesome]

أنا تعاملت مع الكثيرين منهم و يحبون مصر كثيرا و لا يتمنون لها إلا الخير و يقدرو دورها معهم بكثير من الود

فقط يعيبون عليها المعابر و إغلاقها بصورة متكررة و لمدد طويلة و هذا يجعل حياة كثير منهم صعبة جدا...

هنا خلط كبير بين التكفيرين في غزة و باقي أهلها.. و هناك خلاف واقع بين حماس و بين السلفية الجهادية هناك (إقرأ عن الهجوم على مسجد ابن تيمية في غزة)

و هم مثلنا منهم عشماوي و منهم منسي

الله يزيدهم حب لينا و احنا كمان بنحبهم انا بعتبرهم مصريين زينا و أن غزة دي او فلسطين بشكل عام جزء لا يتجزأ من مصر كأرض.​

​

هو مفيش غير العمليات الإرهابية اللي بتحصل و بنكتشف فيها أن منهم أفراد غزاويين أو تلقوا دعم من داخل غزة أو تدربوا في مراكز حماس كانت بتخلي الواحد يبقي شايل من ناحيتهم.​

​

 

[خالد المصري]

الله يزيدهم حب لينا و احنا كمان بنحبهم انا بعتبرهم مصريين زينا و أن غزة دي او فلسطين بشكل عام جزء لا يتجزأ من مصر كأرض.​

هو مفيش غير العمليات الإرهابية اللي بتحصل و بنكتشف فيها أن منهم أفراد غزاويين أو تلقوا دعم من داخل غزة أو تدربوا في مراكز حماس كانت بتخلي الواحد يبقي شايل من ناحيتهم.​

في مراكز حماس.. لا يوجد..... إلا في الإعلام المصري

هنا و هناك تكفيريين و هم ضد حماس و ضد مصر و ضد كل العالم

 

[القائد المصرى]

في مراكز حماس.. لا يوجد..... إلا في الإعلام المصري

هنا و هناك تكفيريين و هم ضد حماس و ضد مصر و ضد كل العالم

ولكن هل حماس تحاول القبض عليهم؟

 

[TUT]

رحم الله شهدائنا الابرار
عمل عظيم
لشخصيات اعظم

 

[🇪🇬 مصري وأفتخر 🇪🇬]

بطل مصر الشهيد الرائد / وائل محمد كمال .. الشهير ب فايتر..104 حربيه
وكان معروف برضو بأسم وائل احمد منسي عشان العقيد احمد منسي كان زي ابوه هو اللي علمه ودربه من وهو صغير بعد متخرج من الكليه الحربيه

قصه حب ووفاء

الشهيد البطل بعد استشهاد ابوه منسي وصي كل زمايله فلشغل لو استشهد يتدفن جنب حبيبه منسي
وحاول بأستماته وطلب انه يروح مكان منسي ف ك 103 وانه يطلع مداهمات ويجيب حق منسي وحق كل الرجاله الجدعان
بس كل ده من غير م يعرف اهله
واتنقل البطل لكتيبه الوحوش 103 صاعقة وقعد هناك حوالي 4 شهور من غير م يعرف والدته
جه في مره كان عايز يعرف والدته وقالها انه احتمال يطلع علي شمال سيناء مكان الرائد شبراوى
مع انه اصلا هناك بقاله 4 شهور بس خاف علي والدته
قامت والدته قالتله وماله يبني عشان تجيب حق حبيبك منسي واخواتكم الشهداء ربنا يحفظك وينصرك انت وكل زمايلك يارب
بعد الموضوع ده رجع الفايتر لكتيبه فسيناء
....
واقعه الاستشهاد
حدث محاوله فاشله لاستهداف للسيد وزير الدفاع في مطار العريش

20_12_2017?
اثناء تمشيط الشهيد وجنوده المنطقه بعد حادث إستهداف وزير الدفاع بمطار العريش
ظهر موتوسكلين عليهم عناصر تكفيريه بدأوا يتعاملوا بالنيران على عربية الشهيد ،
قرر الشهيد وائل النزول لهم و قال للعساكر ماحدش ينزل ورايا قالوله إزاى يا فندم بس وائل قالهم ده أمر على الله حد ينزل ورايا فتح الباب العسكرى السواق مسكه من ايده قاله يا فندم ماتنزلش بلاش يا فندم تنزل وائل شد ايده و قاله ماتخافش و كرر تانى ماحدش ينزل ورايا مهما حصل
و ده لأن وائل عارف أن المنطقه دى منتشر فيها عناصر تكفيريه بقناصات وهو بطوله يقدر يستخدم الأرض و ياخد ساتر لكن نزول عساكر على الأرض هيبقى عدد وإستهدافهم أسهل
نزل وائل أشتبك مع العناصر اللى على الموتوسيكلات جاتله طلقة قناصه فى كتفه اليمين من الجنب فى قطر الجنيه المعدن تقريبا فضل يشتبك معاهم الضرب زاد عليه و على العربيه طلقات جت فى العربيه المدرعه اتفتت و اتحولت لشظايا اخترقت جنبه اليمين من فوق بمحازاة الصدر عملت خمس ست اصابات اخترقت جسمه وقع وائل نزلوا العساكر و كسروا أمره و أشتبكوا و ركبوه العربيه كان بيضحك و بيقولهم أهدوا ماتخافوش أنا كويس العساكر بيبلغوا على الجهاز النقيب وائل مصاب عايزين أمر نخلى ، وائل بيقولهم أهدوا و بيضحك وبيطمنهم وبالفعل تم الإخلاء على المستشفى النزيف شديد جدا ووائل هادى مبتسم و أخر حاجه قالها أنتوا زعلانين ليه ده أنا رايح #لحبيبى ونام وائل و هو بيطمنهم وصعدت روحه للسماء شهيد بإذن الله وهو فى الطريق للمستشفى علشان يروح زى ما قال لحبيبه

 

[typhon99]

أنا اتعاملت مع فلسطينين كتير
وزي ما كل جنسية فيها الجيد وفيها السيء ولا يجب ان نعمم
لكن الي انا تعاملت معهم تركو عندي انطباع سيء للغاية وللعلم المشاعر السلبية موجهه لمعظم العرب وبالتحديد المصريين

انا تعاملت معهم كثير خصوصا في الخارج.. تقريبا هم اكثر جنسية ناقمة على العرب بالذات السعودية لسبب لا اعرفه.. احدهم دائم السب للسعودية لاكتشف بعد فترة ان احد ابنائه مبتعث في احد الجامعات السعودية على نفقة الحكومة السعودية ويصرف له راتب وتذاكر الخ هههههه بعض الاحيان اقول ما ابتلاهم الله باليهود عبث!!!
المغاربة والجزائريين والتوانسة كويسيين.. العراقيين صدمه توقعتهم شرسين طلعوا محترمين ويحبون الفله ومباهج الحياة الخ والكلام شامل السنة والشيعة..
المصري في الغربة قله يا ابن النيل وخلاص انسى بيساعدك سواء كان مسيحي او مسلم
السعوديين شهادتي فيهم مجروحه لكن هم من يخفف الغربة فعلا ودائما يجمعون العرب في المناسبات والاعياد وتركيزهم دائم على العمل الدعوي.

 

[DESERTFIGHTER]

لقد أسمعت لو ناديت حيا ولكن لا حياة لمن تنادي
ما ادري متى الاعضاء ما راح ينزلوا صور حساسة

 

[2 Egyptian general]

لقد أسمعت لو ناديت حيا ولكن لا حياة لمن تنادي
ما ادري متى الاعضاء ما راح ينزلوا صور حساسة

أنا أسف لم أكن أعلم ???

 

[CaptainAwesome]

وساخة البطن دول كانوا بيحكموا مصر يوما ،رأيهم في مسلسل الاختيار و منسي و وجهة نظرهم فى الجيش المصري و أردوغان و الاتراك و القوة الناعمة..​

 

[Cinematic]

 

[Cinematic]

 

[🇪🇬 مصري وأفتخر 🇪🇬]

هو فعلا حصل تقصير امني في حماية كمين البرث؟؟

قبل مانتكلم عن التقصير الامني خلينا نفهم طبيعة المنطقة .. اولا منطقة البرث منطقة مكشوفة .. مفيهاش سواتر جبلية .. ومش مأهولة بالسكان بشكل كبير .. لكن المرور عليه مستمر من البدو .. والمربع تؤدي اليه ٤ طرق متعامدة زي اللي في الخريطة كده .. وموقعه الجغرافي جنوب رفح قريب جدا من الحدود الاسرائيلية في المنطقة (ج) .. مهما حاولت تأمن الكمين هايفضل هدف مكشوف ..

ممكن نلغم حوالين الكمين بعبوات ناسفة؟؟ مستحيل .. لإن ده طريق اهل سينا رايحين جايين عليه .. لو انفجر فيهم لغم زارعه الجيش بقت بلوة سودة .. ولا حتى تقدر تصفي اي عربية تقرب .. عشان العربية ممكن يكون فيها مدنيين من اهل سيناء ..

طب نخلي في الكمين ذخائر تقيلة واسلحة فتاكة واطنان من المتفجرات .. ياريت .. لكن المنطقة (ج) ليها اشتراطات معينة في التسليح اللي يكون موجود فيها لإنها ملاصقة للحدود الاسرائيلية .. ماتقدرش دوليا تحط فيها كل حاجة انت عاوزها للأسف الا بالتنسيق مع الكيان الصهيوني بعد ما كان ممنوع تحط فيها الا افراد شرطة بتسليح خفيف .. واصلا تسليح الصاعقة مابيبقاش تسليح تقيل .. هي ماكانتش كتيبة تأمين .. كانت نقطة تمركز لقطع الامدادات وارتكاز لانطلاق عمليات اصطياد ..

طب نأمن الكمين بكمين تاني قريب عشان يلحقهم .. طب والكمين القريب حانأمنه بكمين اقرب .. ونأمن الاقرب بكمين اقرب واقرب .. انت كده هتحتاج عدد لا نهائي من الاكمنة ..

اصل الدعم البري اتأخر .. لا هو ماتأخرش .. هو اتعطل بخطة ملعونة .. لإن المكان مايوصلش له الا ٤ طرق .. ولاد الكلب لغموها تماما بعبوات ناسفة وعربيات مفخخة .. عشان توقعوا ان الدعم يوصل بعد الهجوم على طول .. الشهيد خالد مغربي مثلا استشهد وهو رايح يأمن كمين البرث ..

طب المفروض بقا الكمين ده يبقى الطيران فوقيه على طول طالما مكشوف كده .. الحقيقة ماينفعش تطير طيران حربي في المنطقة (ج) وتضرب نار كمان من نفسك كده .. لازم تنسيق مع الجانب الصهيوني والا تبقى حضرتك اخترقت المعاهده المحمية بالمواثيق الدولية .. وتبقى تلكيكة زي الفل انك بتهدد الافندية جنب حدودهم .
( ولازم اننا بنبلغ من باب العلم بالشئ .. مش بناخد اوامر .. لكن لازم نبلغ وننسق)

طب لزومه ايه الكمين بقا اصلا ما بلاشه خالص طالما تأمينه مستحيل بالشكل ده .. طب لو كده نسيبلهم سيناء كلها ونخلص و محدش مننا يتصاب ولا يستشهد ونعيش في تبات ونبات .. انت بتقول ايه بس؟؟ هو احنا اما حاربنا ف ٧٣ مكناش عارفين ان فيه شهداء حايموتوا؟؟ حاربنا ليه بقا ماكنا سبناها وخلاص ..

طب فين بقا الضربات الاستباقية ولا احنا لازم نموت الاول؟؟ على فكرة الضربات الاستباقية بتتم بشكل اكتر مانت متخيل .. وعدد العمليات اللي بيعملها الجيش المصري هناك بكل اسلحته اكتر بكتيييييير من العمليات القذرة اللي بتتم ضدنا .. ولو مكناش بنعمل ضربات استباقية كان زمانهم عملوا كل يوم عملية واتنين ..

اللي حصل من التكفيريين في البرث كان عملية حرب كاملة تخطيط وتمويل وتنفيذ ودعم .. زي اللي كان بيتعمل مع اجعصها كمين امريكي ولا روسي فأفغانستان مثلا ولا فيتنام ولا الصومال وغيرها .. مش مجرد اتنين راكبين موتوسيكل ومعاهم رشاش .. الموضوع مش سهل اوي كده المهم نتعلم منه ومن ثغراته ..

وفي النهاية التكفيريين انهزموا .. ايوه انهزموا .. لا عرفوا يسيطروا عالكمين ولا يحطوا علم اسود شبههم ويتصوروا جنبه ولا حتى قدروا ياخدوا ضفر شهيد من الشهداء الابرار اللي استشهدوا دفاعا عن الارض .. احنا انتصرنا في موقعة البرث مانهزمناش .. واتعلمنا منها كمان .. برغم الشهداء والضحايا اللي سقطوا واصيبوا وهما بيدافعوا عننا ..

ربنا يحمي مصر ويحمي رجالة جيشنا اللي بتحمينا .. ويتقبل شهداؤهم .. ويثبت عزيمة ابطالهم .. اللي احنا كلنا عايشين في خيرهم .. التنظير سهل .. لكن الواقع مرير وصعب
منقول مع التعديل

 

[2 Egyptian general]

للأسف قواعد المنتدى تمنعني من نشر صور خاصه لجيفته بعد إعدامه

 

[🇪🇬 مصري وأفتخر 🇪🇬]

للأسف قواعد المنتدى تمنعني من نشر صور خاصه لجيفته بعد إعدامه

وفيه كمان فيديو نزله العوضي اللي مثل دوره علي حسابه الشخص فيسبوك