بدون تريقة نتكلم بورقة وقلم
*أنا من أشد عشاق السلاح الفرنسي في مصر لكن...
-لو جاية رافال بدون ذخائر هجوم أرضي كاملة ماعدا الصاروخ النووي ... هفكر قبل ماشتريها
-الفريم بدون ال SCORPION/NETTUNO 4400 ECM وخلايا اطلاق مقفولة ... هفكر وكان ممكن اكتفي بال CAPTAS-2 على جاويند
-كل صفقات الجوية طيران متعدد مهام ... مع إن أول خطر عندي محتاج سرب قاذف
-ذخائر ضرب التحصينات
كل دي نواقص
النقطة التانية
-اتنين ميسترال لقطة ... ماشي ... بس سنة 2019 حمايتهم بإيه .. والطيران اللي عليهم ايه
احنا واليونان مشتبكين في مشاكل المتوسط واسرائيل طبعا
مجابوش حاملات طائرات ولا أنا هشتري F-35C علشان أجيبها زي الترك
اليونان وقعت عقد اهتمام بالبيلهارا
اسرائيل بتستلم الدولفين ومعاها ساعر 6 بخلاف القوات الجوية
الكاش معانا أو طريقة ابرام الصفقات كان ممكن تجيب احسن من كده
صباح الخير يا جنرال
بداية كدا ذخائر ضرب التحصينات و النيتونو و حتي الدفاع الجوي بعيد المدي ممنوع عنك من بدري و السبب جاهز و معروف
صفقة غواصات الديزل الالماني كانت هترفكش لولا ستر ربنا و ان العقود تم توقيعها قبل ما تخرج اخبارها للعلن و مع ذلك تم تخفيض عددها من خمس قطع الي 4 فقط منهم غواصة تدريب و غواصة امداد و تموين , كدا فاضلك اتنين واحدة دورية و عمليات و التانية احتياط , مش اللي هي هتقلب الموازين يعني , و مع ذلك الصهاينة خاربين الدنيا و رافعين قضايا علي نتينياهو بسبب انه لم يحاول عرقلة الضفقة من البداية , مش هنقول غير حسبي الله و نعم الوكيل
علاقة اسرائيل و تركيا و اليونان بالناتو شئ و انت شئ تاني , مش ذنب السيسي ان مصر و اسرائيل اعداء من 48
لو الرافال لا تصلح كمقاتلة قاذفة بعيدة المدي , ايه اللي يصلح ؟!! في ظل المتاح سياسيا طبعا
بالنسبة ليا شايف ان الميسترال لا تسوي شئ بدون الكاموف كاتران علي الاقل و ساعتها بس هتقدر تقول انا عندي حاملة مروحيات , و توفير اسطول حماية لسفينتين انزال في ظل ازمة اقتصادية و نقص موارد دولارية و ثورة انشاء و تحديث بني تحتية متهالكة من خمسينيات القرن الماضي شئ مش سهل و هياخد وقت , و عاما ملامح اسطول الحماية بدأت تظهر شوية بعد الميكو و الاهتمام القديم بالفرقاطة الكورية ثقيلة التسليح
طريقة ابرام الصفقات المصرية مع الروس و الفرنساويين و حتي الامريكان بتقول أن "الكاش مش معانا" , و في احسن من كدا أكيد مفيش خلاف لكن أنك تتعاقد عليه و بتسليح كامل متكامل و بنقل تقنية كمان ده لما السيسي يعض حلمة ودنه , العين بصيرة و الايد قصيرة كما يقال
و F 35C فركش من ايد الاتراك خلاص و غالبا هتروح للامارت او السعودية او الاتنين , و احنا قاعدين