ى نقاط سريعة , دة ملخص موضوع الغاز واسرائيل
.
1 - التسمية الحقيقية للاتفاق ليست "مصر تستورد الغاز من اسرائيل"
وانما "اسرائيل تستأجر البنية التحتية المصرية لتسييل الغاز الاسرائيلي ونقله لعملائها فى اوروبا "
.
2 - مصر هى الدولة الوحيدة فى شرق المتوسط اللى بتملك بنية تحتية لتسييل الغاز , لان الغاز عشان يتم نقله فى سفن لازم يتسيل وعشان يتسيل لازم مصانع تسييل ومفيش غير مصر في منطقة شرق المتوسط اللى عندها الامكانيات دى
.
3 - هو دة سبب تسمية مصر انها مركز لتداول وتسويق وتوزيع الغاز الطبيعي المسال في المتوسط
او Mediterranean Energy Hub
.
4 - هذه البنية التحتية تعتبر ثروة قومية , تتكون من محطتين فى ادكو ودمياط
وقيمتهما تعادل اكثرمن 20 مليار دولار يعني توازي تقريبا اكتر من نص الاحتياطي النقدي المصري
.
وتم الاحتفال فى 2017 بانتهاء سداد اخر قسط من القروض التى مولت البناء وتملك الحكومة في المحطتين نسب 20% و 24% علي التوالي
وباقي الحصص لشركاء اجانب مرتبطين بمصر فى مصالح اقتصادية عميقة وممتدة
.
5 - من الطبيعي ان تستفز هذه الاتفاقية قطر وتركيا ووسائل اعلامهم تهيج علينا لان الامر لم يصبح مجرد خلافات سياسية
وانما هجوم مصري "شرعي" علي مصالحهم الاقتصادية خاصة التركية فى سوق الغاز وانتقاص من مكانتهم وحصصهم
وهم الآن في موقف المدافع ورد الفعل
دة وضح جدا فى التهديد التركي الاخير لقبرص واليونان
.
6 - الفايننشال تايمز + بلومبرج + فوربس + الايكونوميست + كل مراكز ابحاث الطاقة فى العالم سبق ونشرت دراسات عن كل اللى انا كاتبه فوق دة ونشرتها كتير انا وغيري (فى المصادر)
الايكونوميست (كما هو واضح فى السكرين شوت) اغسطس اللى فات
كاتبة بالحرف ما حدث اليوم من استغلال اسرائيل بقدرات مصر وعن احتمالات استفادة مصر من هذا الوضع ,
والموضوع لم يكن سرا بل معلن من ابريل 2017 تقريبا وكان فى انتظار اصدار اللائحة التنفيذية لقانون الغاز
.
7 - مصر لا تحتاج الغاز الاسرائيلي وخطط الاكتفاء الذاتي كما هى , وزي ما قلت القصة فى التلاعب بالتسميات والعناوين , هو استئجار لمصانعنا مقابل رسوم , مش استيراد
.
8 - اسرائيل لن تكسب 15 مليار دولار من القطاع الخاص المصري ,
دة كلام فارغ وتسييس للاتفاقية وشغل شعبوي , حتي لو صدر من رئيس الوزراء الاسرائيلي وهو ليس جديد عليه وهما اذكياء فى استغلال الاحداث بالشكل دة ,
.
وهو كلام فارغ لان اسرائيل هتكسب الرقم دة من تصدير الغاز بعد تسييله فى مصر سواء ثم بيعه لقطاع خاص مصري او غير مصري والغير مصري نسبته هى الاغلبية طبعا لان مصر تملك الغاز الخاص بها ولا تحتاج الي اسرائيل
.
9 - مصر ستكسب نوعين من الارباح نتيجة التغيرات اللى بتحصل دى
اولا : ارباح مادية
تتمثل فى المقابل المادي لتسييل غاز قبرص واليونان واسرائيل فى مصر واعادة تصديره الي عملائهم
ثانيا : ارباح معنوية
تتمثل فى تعزيز كبير جدا للقوة الناعمة المصرية كمركز للطاقة فى المنطقة ومصدر غاز اوروبا وغيرها
ولك ان تتخيل حجم المكاسب السياسية والدبلوماسية الذي ستجنيه مصر من هذه الورقة الرابحة
.
10 - المشكلة ليست فى السياسات الاصلاحية نفسها اللى هى رائعة بشكل اجمالي , لكن المشكلة فى التسويق والتمهيد والتواصل واتاحة المعلومات فى التوقيت المناسب والمبكر وتقديمها للناس
وعدم انتظار طرف اخر يستغل هذا الفراغ والنقص المعلوماتي والتشويش
فيبدأ يشتغل لصالحه ووفق اجندته المعادية لينا
.
الخلاصة ان اسرائيل لو هتكسب من الموضوع دة قيراط فاحنا كسبانين 24 قيراط لانهم مستأجرين واحنا مالكين ولنا اليد الطولي فى هذا السوق , وبالتالي هو يوم عيد لمصر مش لاسرائيل , وبالتاكيد يوم سيء علي تركيا
