- إنضم
- 29 فبراير 2012
- المشاركات
- 1,161
- التفاعل
هرد عليك نقطه نقطه علشان الكلام يبقى واضح
اولا قبل ماتكون المشكله فى اسناد المشروعات للجيش واخراج القطاع الخاص من السوق فهيا الرجوع لنظام الامر المباشر وليس المناقصات وتقديم العروض واختيار العرض الافضل
ووقف سلطه مجلس الدولة فى الرقابة على المشاريع دى يعنى لو فيها فساد للركب ملكش حق تشتكى فى مجلس الدولة
يعنى لو مشروع كلف مليون وانتا اديتوا للجيش او اى شركة اخرى ب 10 مليون ولا حد يقولك بتعمل ايه
ثانيا
محدش يعرف اوجه صرف ميزانية الجيش لانه غير متاح للنقاش
بس اللى نعرفه ان تم الموافقة فى البرلمان المصرى على قرض ب 3 مليار يورو بضمان وزارة المالية لصفقت الرفال والفريم
وتتوالى الصفقات والقروض وتتوالى الديون لحد ما وصلت 96.6 مليار دولار
فى حين انها كانت 46 مليار قبل السيسى يعنى زيادة 100 % فى الجزء الاول من فترة السيسى
ووصل خدمة الدين ل 48 % من ميزانية السنادى
ثالثا
لية بنكره القطاع الخاص والاستثمارات الاجنبية فى حين العالم كله بيشجع القطاع الخاص وبتسابق على جذب الاستثمارات وخلق المنافسه فى السوق وتحول الحكومات للرقابة وترك المجال للقطاع الخاص يتنافس على ارضاء العميل
لانها المحرك الاول للاقتصاد مش هقولك روح بعيد لا افتح فى المنتدى موضوع الاقتصاد المغربى
وشوف الناس دى وصلت فين واحنا فين القطاع الخاص خلق كام وظيفه شغل جديدة للمدنيين بمميزات وظيفيه ممتازة
وشوف قطاع زى السيارات مثلا وصل فين وانتا فين
رابعا
قناة السويس
وزارة المالية هتسدد 600 مليون دولار من ديون مستحقة على هيئة قناة السويس للبنوك اللى القناة اقترضت 1.4 مليار دولار من 8 بنوك حكومية وأجنبية عاملة في السوق المصري بفائة 10% سنويه ودى نسبه كبيرة جدا مقارنه ب 2 % لقرض صندوق النقد
القناة كانت بتحقق متوسط 5.5 مليار دولار سنويا والزيادة حسب مصادرك 228 مليون دولار فقط بعد سنين من انتهاء المشروع الاساسى
فى حين كلام مهاب مميش بيقول هيوصل ل 13 مليار دولا
يعنى المشروع كان شو اعلامى كبير ودا قالو السيسى ان المشروع كان لرفع الروح المعنويه بعد ما الموضوع اتكشف للناس
خامسا
محطاط الكهرباء
زى ما قلتلك مينفعش تندين لبناء المحطاط كلها مره وحدة لدرجة يوصل الفائض ل 35 % من قدرة الانتاج ودا ما بحصلش فى الدول المتقدمه زى المانيا بيوصل ل 14 % فقط وامريكا 15 %
الفائض ده حاصل وإحنا لسه بنبني محطات جديدة:
١- في العين السخنة، والبرلس، وبني سويف، وأسيوط، وكوم أمبو.
٢- بالاضافة لمحطة إنتاج الكهرباء بالرياح في البحر الاحمر.
٣- ومحطات الطاقة الشمسية في أسوان.
٤- ومحطة "سخا" لإنتاج الكهرباء من مخلفات الصرف الصحي بتقنية "البايوجاز".
. ومفش حاجه اسمه نجهز اكتر من 20 جيجا فائض انتاج ونستنى المشاريع بعدين وهو المشروع هيتبنى فى يوم
مشارع التصدير معظمها متوقف اصلا زى الربط الكهربائى مع السعودية اللى بنسمع عنه من سنين والتنفيذ صفر
المشاريع التانيه مع الاردن 450 ميجا فقط
وفى تشاور مع السودان على السعر لتصدير 300 ميجا
ولسا مفيش مشروع منتهى من ليبيا او قبرص
ودا ورط البلد فى ديون اجنبيه ب 6.7 مليار دولار والحكومه دلوقتى بتتشاور مع شركات اجنبيه لبيع المحطات وتحمل الشركات لمبلغ الدين
الخلاصه البلد بتتبنى بالدين مش اكتر
