زيادة اسعار الغاز والبنزين بنسبة 17% الى 50% في مصر

[أحْمَدَ]

الاجابه عند الله عزوجل

بالظبط كله بيد الله وحده

 

[أحْمَدَ]

رغم القسوة المبالغ فيها وجرأة السيسى الكبيرة بفرض الاصلاحات الاقتصادية بعقيدة الصدمة وبعصاة غليظة من البطش

الا انه من رأيى انها اصلاحات ضرورية لا بديل عنها
يمكن الاختلاف فى طريقة تطبيقها وفى شخص مطبقها الا انها كاصلاحات لا مفر منها

وحقسمها فى نقاط بعيدا عن اسبابها

. مفيش دولة مديونة تدعم حياة المواطن بثلث ميزانيتها
. مفيش دولة يكون فوائد الدين فقط ثلث ميزانيتها وتتزايد
. مفيش دولة يكون ثلث ميزانيتها اجور لعدد هائل من الموظفين غير الاكفاء غير المنتجين
. مفيش دولة كل الخدمات التى تقدمها تكون مدعومة ومش بس كدة تكون مدعومة بدين داخلى على الحكومة وبفوائد ايضا

عشان نصلح المنظومة العقيمة دى عايزة اجراءات لا بديل عنها نختلف بقى فى طريقة تطبيقها

فى رأيى المتواضع الاصلاحات دى مكنتش حتطبق او حد يعرف يعملها غير واحد فى شخصية السيسى وطريقته

وذلك لطبيعة الوضع المصرى من فقر وجهل وبطالة سواء بطالة فعلية او بطالة مقننة كوضع (موظفى الحكومة) وتباين واضح و فج بين الطبقات الاجتماعية ووضع امنى مضطرب


صراحة السيسى استغل الوضع المصرى بصورة كبيرة لتمرير قرارات كهذه لو حدث 1 على 100 منها فى بلد اخرى لضجت بالفوضى وسيكملها للنهاية

المثير بقى واللى يغيظ فى نفس الوقت

انه قال كل اللى بيعمله دا من اول يوم وانه حيكمل للنهاية ولا يفوت مناسبة الا وياكد انه صاحب القرار وانه حيكمل من وقت ان قال انه حيضحى بجيل او جيلين لحد الفكة محط السخرية ومع ذلك جاء لتشجيع ممن يعترض عليه الان

شيزوفرينيا مصرية ...

 

[عبد الله 1977]

احنا شاطرين نعمل مناطق صناعية للأجانب ونموت صناعات قائمة وعمال تسرح وتتشرد علشان ال glory و نستكتر على الناس رزقها فندمرهم ونستفيد بشراكات اجنبيه تصب فى جيوبنا وبالمرة ما يفكروا يقوموا بثورات يفضلوا مشغولين باكل العيش ... وييجى جاهل بقولك طرق وعاصمة إدارية ومزارع سمك ومصر اصلا فيها فقاعة عقارية وساكنى القاهرة الجديدة والمناطق الجديدة هم اللى بيشتروا فى العاصمة ويعرضوا عقاراتهم القديمة للبيع باسعار خيالية بجانب شوية عرب وأجانب و حوالى ٨٠ مليون ساكتين القرى والاقاليم مفرومين بمعنى الكلمة ... حتى مشروعات الصرف الصحى فى القرى فاشلة شوارع رئيسية لا تتعدى ٥ أمتار و٤ أمتار تم حفرها لصرف صحى ومياه ولسه المفروض مستقبلا غاز طبيعى وخطوط تليفون وييجى واحد يقرأ رقمين ويشوف نموذج احصائى أو رياضى ويتكلم بكل ثقة عن التنمية والنجاح ...

الموضوع مقصود ومخطط له​

القاتل الاقتصادي - خبير مهمته تدمير الدول وجعلها تابعة للدول الكبرى - لتعلم ما يحدث حولنا​

.

 

[محمد_نبيل]

يا ريتكو ما كنتو رحتو علشان شعب ميستحقش يعيش
​

دول ارتاحوا وروقوا دماغهم من الأفلام اللى احنا عايشينها

 

[KILL ZONE]

الشعب المصري من اصبر شعوب الارض ...الاردنيين لم يتحملوا 10% من الاجراءات التي حصلت في مصر .

كلامك سليم، انا عشت في مصر سنتين في ال ٢٠٠٥ و في ال ٢٠١٤ وضع الشعب المصري مأساوي لأبعد الحدود...

الطبقية في مصر تكاد تصل لطبقية الهند... شعب كامل يتم سرقته و نهبه بدون اي ردة فعل...

و لا اسثني حكومة مرسي الفاشلة بكل ما للكلمة من معنى ولا مبارك او الانقلابي المسمى بالسيسي... السيسي برأيي و الاخوان هم اسوء كارثة مرت عليهم

 

[Invisible RAPTOR]

كلامك سليم، انا عشت في مصر سنتين في ال ٢٠٠٥ و في ال ٢٠١٤ وضع الشعب المصري مأساوي لأبعد الحدود...

الطبقية في مصر تكاد تصل لطبقية الهند... شعب كامل يتم سرقته و نهبه بدون اي ردة فعل...

و لا اسثني حكومة مرسي الفاشلة بكل ما للكلمة من معنى ولا مبارك او الانقلابي المسمى بالسيسي... السيسي برأيي و الاخوان هم اسوء كارثة مرت عليهم

ليس هناك دولة تقدم الدعم لمواطنيها كما تفعل مصر حتى الدعم في الأردن لا يصل لربع قيمة الدعم الذي تقدمه الحكومة المصرية المفلسه للشعب المصري
وعندما أرادت الحكومة المصرية ان تنقذ نفسها اتجهت للفقراء فقط وتركت الأغنياء في حالهم

 

[KILL ZONE]

رغم القسوة المبالغ فيها وجرأة السيسى الكبيرة بفرض الاصلاحات الاقتصادية بعقيدة الصدمة وبعصاة غليظة من البطش

الا انه من رأيى انها اصلاحات ضرورية لا بديل عنها
يمكن الاختلاف فى طريقة تطبيقها وفى شخص مطبقها الا انها كاصلاحات لا مفر منها

وحقسمها فى نقاط بعيدا عن اسبابها

. مفيش دولة مديونة تدعم حياة المواطن بثلث ميزانيتها
. مفيش دولة يكون فوائد الدين فقط ثلث ميزانيتها وتتزايد
. مفيش دولة يكون ثلث ميزانيتها اجور لعدد هائل من الموظفين غير الاكفاء غير المنتجين
. مفيش دولة كل الخدمات التى تقدمها تكون مدعومة ومش بس كدة تكون مدعومة بدين داخلى على الحكومة وبفوائد ايضا

عشان نصلح المنظومة العقيمة دى عايزة اجراءات لا بديل عنها نختلف بقى فى طريقة تطبيقها

فى رأيى المتواضع الاصلاحات دى مكنتش حتطبق او حد يعرف يعملها غير واحد فى شخصية السيسى وطريقته

وذلك لطبيعة الوضع المصرى من فقر وجهل وبطالة سواء بطالة فعلية او بطالة مقننة كوضع (موظفى الحكومة) وتباين واضح و فج بين الطبقات الاجتماعية ووضع امنى مضطرب


صراحة السيسى استغل الوضع المصرى بصورة كبيرة لتمرير قرارات كهذه لو حدث 1 على 100 منها فى بلد اخرى لضجت بالفوضى وسيكملها للنهاية

المثير بقى واللى يغيظ فى نفس الوقت

انه قال كل اللى بيعمله دا من اول يوم وانه حيكمل للنهاية ولا يفوت مناسبة الا وياكد انه صاحب القرار وانه حيكمل من وقت ان قال انه حيضحى بجيل او جيلين لحد الفكة محط السخرية ومع ذلك جاء لتشجيع ممن يعترض عليه الان

شيزوفرينيا مصرية ...

لا يوجد دولة تشتري حاملتين مروحيات و هي تعاني من ازمة اقتصادية.

لا يوجد دولة تنفق مليارات على توسعة قناة مياه بدون اي دراسات اقتصادية واقعية..

لا يوجد دولة تشتري الغاز و الغاز عندها..

لا يوجد دولة تريد النهوض و تعليمها متخلف لدرجة مرعبة

لا يوجد دولة تتخلى عن اكبر مورد مائي لها بدون اي قتال.. اسرائيل احتلت دول من اجل المياه و مصر تتخلى عنها.

لا يوجد دولة الا مصر تفعل كل ما سبق.... الشعب المصري من اجمل و افضل الشعوب لكن ابتلاه الله بحكام لا يخافون الله في ابناء بلدهم

 

[الاندلس]

١- القضاء على الفساد
٢- انغلاق الدوله لمصريه على نفسها
٣- تقليل النفقات التي ممكن الاستغناء عنها ولو لفتره مؤقته .. مثل اغلاق بعض السفارات في الدول غير المهمه وربطها بأقرب دوله .
٤- الاهتمام بالصناعه والزراعه ( السوق الخليجي سوق كبير لمنتجات المصريه .. يجب معرفة ما يحتاجه هذا السوق وصناعته مستغلا ضعف اجور اليد العاملة وقرب المسافة للشحن .. لا تصنع ثم تبحث عن سوق )
٥- ايجاد طريقه لتقليل فائدة الدين ( الداخلي والخارجي ) بالتعاون مع الدول الصديقه لمصر ( لا يمكن ان يكون ثلث الميزانيه لتسديد الديون .. يجب ان تكون اقل من ٢٠٪؜ )
٦- السياحه : مصر لا تحتاج للدعايه في دول العالم لزيارتها .. ولكن بدون زعل الدعايه يجب ان تكون للداخل المصري .. أموال السائح ستصل اليك بطريقه أو بأخرى .. فلا داعي للفهلوه .. سياح يأتون لمصر يقضون ٣ ايام يزورون الاهرام واسوان .. ثم يغادرون لدول قريبه من مصر يقضون فيها اسبوعين او اكثر !!

مجرد رأي خاص وأهل مكه أدرى بشعابها

 

[access1]

اللي سحدث بمصر للاسف كارثه اقتصاديه
المصيبة الاعظم ان كل المعطيات لاتدل على تغييير كبير قادم لتحسين الوضع المعيشي خلا الحقبة الزمنيه القادمه
من زار مصر مؤخرا سيعي ما أقول

 

[Alucard]

 

[أحْمَدَ]

لا يوجد دولة تشتري حاملتين مروحيات و هي تعاني من ازمة اقتصادية.

لا يوجد دولة تنفق مليارات على توسعة قناة مياه بدون اي دراسات اقتصادية واقعية..

لا يوجد دولة تشتري الغاز و الغاز عندها..

لا يوجد دولة تريد النهوض و تعليمها متخلف لدرجة مرعبة

لا يوجد دولة تتخلى عن اكبر مورد مائي لها بدون اي قتال.. اسرائيل احتلت دول من اجل المياه و مصر تتخلى عنها.

لا يوجد دولة الا مصر تفعل كل ما سبق.... الشعب المصري من اجمل و افضل الشعوب لكن ابتلاه الله بحكام لا يخافون الله في ابناء بلدهم

كل ما قلت فيه اخذ ورد اراء منها المؤيد والمعترض

انا عرضت وجهة نظرى فى الاصلاحات الاقتصادية المتبعة وطرق فرضها على المجتمع المصرى

وصراحة حتى وقتنا هذا السيسى ينفذ كل الاجراءات الاقتصادية التى اعلن عنها مع انها لم تكتمل بعد فختطه هو رفع الدعم بشكل نهائى ورفع يد الدولة عن كل الخدمات والسلع والعملة ويكون الاقتصاد حر بمعدلات شفافة خاضعة للعرض والطلب وقانون السوق

النتائج ( ايجابية وسلبية )

. سحق طبقات اجتماعية
. تشجيع الاستثمار وضخ الاموال فى المشروعات الداخلية
. تشجيع الهجرة والاغتراب بشكل مبالغ فيه
. انخفاض معدل المواليد بشكل كبير وزيادة نسبة العنوسة
. زيادة معدلات احتراف المهن الحرة ورفع عبئ العيب من الحرف والمهن غير الحكومية وبالتالى زيادة الايدى العاملة المدربة مما يشجع الاستثمار الصناعى
. " مع توافر حسن النية " توفير الفائض من رفع الدعم على تحسين الخدمات المدفوعة من تعليم وصحة وما الى ذلك

الباقى بقى بعد الماتش

 

[Game Theory]

الموضوع مقصود ومخطط له​

القاتل الاقتصادي - خبير مهمته تدمير الدول وجعلها تابعة للدول الكبرى - لتعلم ما يحدث حولنا​

.

هو جون باركينز اسلم وانا معرفش

 

[Game Theory]

شكلك من بتوع اسفين يا ريس

اي ريس فيهم اصل الرؤساء عندنا كتير

 

[Muslim For Life]

اي ريس فيهم اصل الرؤساء عندنا كتير

هيكون مين غير The blessed one

ترجم انتا

 

[Game Theory]

والله والله والله ناس كتير اوى بينتقدوا لمجرد الانتقاد

اللى بيحصل دا فعلا كارثة على الشعب ومش عارف فعلا اذاى ربنا مصبر الناس دى كدا ازاى ؟
بس حاول تفكر تفكير صحيح وهتلاقى انها كلها ضروريات بس المشكلة ان الادارة بتضغط شغل 15 سنة مثلا فى 7 سنين
والله جلست مع اصحب مصانع .. على كل ما يتعرضون له من ضغوطات وقرف بس معترفين ان بعض الاحجراءات اللى الناس كلها بتعترض عليها بتصب فى ثالح الصناعة المصرية وومن ثم المجتمع
احدهم قال لى انه كان يستورد منتجه من الصين ويضيف مكسبه ويبيعه .. الدولة رفعت الرسوم الجمركية وبطريقة او باخرى جعلته يبحث هنا فى مصر عن من يتكفل بتوريد الاجزاء التى كان يستوردها من الصين ووجدها ارخص واجود من الصينية بمراحل
احدهم قال ان الصعيد على موعد مع تنمية غير مسبوقة فى تاريخ الحكام المصريين .. اعطاء امتيازات وتخفيض كمارك ومنح من الدولة لاى صاحب عمل يتجه لفتح مصانع فى المنطقة الاقتصادية بالصعيد وقد حدث مع شركة سامسونج وتوشيبا العربى
اى نعم الرجل قاسى جدا جدا على المواطن بس ليه محاسن كما له مساوئ فكفيلة بعذله
- الحيادية فى القراءة والتفسير تجعلك ترى ابعد وتفهم اكثر

انا كمان شاهدت حالة حلوة قوى منطقة فى الاقاليم فيها حوالى 1800 ماكينة غزل ونسيج مغذية القماش الشعبى فى مصر كلهم " بـح" بمعنى الكلمة المنطقة دى كان المحافظ بيوليها اهتمامه لانها كانت مورد جيد للمحافظة زارها السادات وحسنى مرتين ... غير ان مفيش شاب عاطل فيها بل استقبلت عمالة من مناطق مجاورة ... كل دول اتسرحوا بسبب ايه ؟!! بيسوقوا توكتوك دلوقتى

 

[Game Theory]

هيكون مين غير The blessed one

ترجم انتا

كل انسان له ما له وعليه ما عليه

 

[bdallah@]

- انها كما لو ان كوريا لشمالية بالشرق الاوسط -
​

 

[العملاق الاخضر]

سعر اسطوانة الغاز صار 10 ريال صار قريب من سعره في السعودية رغم فارق دخل الفرد

حنا سعر الغاز ب ١٦ ريال سعودي

 

[KILL ZONE]

لنتذكر جميعاً قصة الأرجنتين و التي كانت في احدى الحقب ارض الفرص و من اغنى اقتصادات العالم... بعد الانقلاب العسكري لخورخي فيديلا و اصلاحاته الاقتصادية المزعومه و سياسات صندوق النقد الدولي استطاع ان يقود الارجنتين للإفلاس خلال سبع سنوات فقط

 

[sni_1_per]

القرارات اللى اتخذها السيسى قرارات فاشله بدأ بشق التفرعيه والقروض وصفقات السلاح السياسيه كصفقة المسترال ...والخطوات الاقتصاديه قائمه على فكر قائد كتيبه كل ما يهمه هو الكنتين ..صبح على مصر بجنيه وسيب الفكه واتبرع

كل دا هبد وكلام فى الهواء الطلق .. نسجل بس كل كلمة لان هنرجعلها تانى ونشوف المواقف هتتغير ولا هتثبت
مفيش ولا صفقة سياسية .. ولا كنت عايزنا نقف امام تركيا فى حقول المتوسط اللى بتصرخ بسببها دلوقتى بلانشات الصواريخ ؟!؟

ليس هناك دولة تقدم الدعم لمواطنيها كما تفعل مصر حتى الدعم في الأردن لا يصل لربع قيمة الدعم الذي تقدمه الحكومة المصرية المفلسه للشعب المصري
وعندما أرادت الحكومة المصرية ان تنقذ نفسها اتجهت للفقراء فقط وتركت الأغنياء في حالهم

لا والله الاغنياء تاثروا بس الفكرة ان غناهم مش مخليك تشوف مدى التاثير عكس الفقير اللى فعلا الجنيه عجز عنده بيفرق كتير اوى
ربنا يتولى الفقير فى الفترة دى ويقويه على البلاوى دى كلها

لا يوجد دولة تشتري حاملتين مروحيات و هي تعاني من ازمة اقتصادية.
هبد
لا يوجد دولة تنفق مليارات على توسعة قناة مياه بدون اي دراسات اقتصادية واقعية..
هبد اخر .. قال بدون دراسة قال .. كل المشكلة ان توافق وقت المشروع مع كساد تجارى عالمى .. ودا مش معناه اركن الموضوع زى ما كان مركون من عهد السادات
لا يوجد دولة تشتري الغاز و الغاز عندها..
مصر هتكون مجرد transition state فى النص بين الدول فى موضوع الغاز .. متقلقش بس انت وفكك من مرجعيات الاخوان
لا يوجد دولة تريد النهوض و تعليمها متخلف لدرجة مرعبة
معلش سيبنالكم التعليم يا جهابذة العرب !!
لا يوجد دولة تتخلى عن اكبر مورد مائي لها بدون اي قتال.. اسرائيل احتلت دول من اجل المياه و مصر تتخلى عنها.
احنا مبنحبش المياه اصلا بنشرب كوكاكولا
لا يوجد دولة الا مصر تفعل كل ما سبق.... الشعب المصري من اجمل و افضل الشعوب لكن ابتلاه الله بحكام لا يخافون الله في ابناء بلدهم