طيب
حرب الخليج الثانية "تحرير الكويت" دخلت امريكا لحالها في الحرب ولا معها تحالف؟
حرب افغانستان دخلت امريكا لحالها في الحرب ولا معها تحالف؟
حرب العراق دخلت امريكا لحالها في الحرب ولا معها تحالف؟
الحرب على داعش دخلت امريكا لحالها في الحرب ولا معها تحالف؟
ليش كل شيء تفسرونة على أنها مطالبة بالدفع من العرب؟
طيب ترامب قال في اجتماع النيتو لازم تدفعون 200 مليار ما سمعتة؟ النيتو مو عرب، تتوقع يلعب على ذقونهم مثلنا؟
صحيح امريكا حليف لنا في الخليج، ومو معنى كلمة حليف انه راح يصرف عليك، كل شيء بحقة، التحالف ضد ايران او مواجهة ايران فيه فائدة لكل دول المنطقة ودول اوروبا وامريكا، ليش امريكا لحالها تدخل المواجهة هذي واحنا والمستفيدين الباقين من المواجهة هذي يتفورج؟ سلامات يكدون علينا هم؟ نعم امريكا تبغى تحالف لان الكل راح يستفيد من المواجهة مع ايران، مصلحنا في الخليج ومصالح امريكا متفقة الان في المواجهة. من البديهي ان امريكا ماهي بحاجة جيش يدعمها لان جيشها يكفي وزيادة السؤال هذا معروفة اجابته، لكن الى متى بنخلي الامريكان يحاربون عنا، الجيوش عندنا يصرف عليها مليارات ليش جمعيات خيرية؟ ولا استعراض عضلات؟؟ امريكا نفسها تدفع مليارات على جيشها وما اخذت الاسلحة هذي ببلاش. ليش تقدمها لك هدية وليش تعرض ارواح جنودهم للموت، تبي كل هذا لسواد عيوننا؟؟؟؟؟ على فكرة الامريكان ما منعونا اننا نصنع سلاحنا بأنفسنا اذا انت قادر تصنع يلا ورينا شطارتك ورح صنعلنا اسلحة وتستاهل ملياراتنا... الدول هذي ما يعيش معهم الا القوي واذا ما استخدمت قوتك راح ياكلوك.
وش فايدة ان يكون عندنا مليارات واخواننا في اليمن وسوريا والعراق يذبحون ويهجرون؟ وش فايدة المليارات اذا انا عايش في قلق مستمر من الاخطار الي جالسة تحوط بلدي؟ وش فايدة المليارات اذا كانت في البنوك وانا اقدر استثمر فيها واوفر وظائف للمواطنين واستحدث صناعة خاصة بالبد؟ وش فايدة المليارات اذا بمتلكها وانا ضعيف ما اقدر ادافع عن نفسي ولا عندي سلاح يردع خصومي؟ والاسئلة تطول.
.GIF "Syrian Arab Republic (Syria)"){kind=small}
