زيارة ولي العهد للولايات المتحدة - متابعة مستمره

[Power2030]

40 الف 60 الف هذي مبالغة مب كل مواطن من دول الخليج يستلم هالمبلغ فقط الي عنده شهادة ومنصب في الحكومة او تجارة بالنسبة للي يستلم 4 الاف او 6 الاف هذا تلقاه ما معه الا ثانوي اذا الي يشتغل بماك وهرفي يستلم اقل شي 5300 مستحيل جامعي ومعه بكالوريوس يستلم هالراتب

قريبي معاه بكالوريوس وتعين مدرس قبل 15 سنة بـ 4500 ريال ، التغير الحاصل بالرواتب توه جديد ، لكن حتى لو قلنا 8 الاف وليس 6 فنحن مطالبين بفواتير واجارات ووو ... انا اعطيتك قياس بقيمة تذكرة مباريات الدوري بـ 40 ريال وتذمر الشباب وقس عليها ... ولا تنسى ان اغلب رواد السينما (شباب) وليسوا موظفين.

 

[DESERTFIGHTER]

دول الخليج يستلمون 40 الف و60 الف وليس 4 او 6 الاف ، بالبداية سيكون فيه اقبال ، لكن مع الوقت سيطاله العزوف ... شوف المباريات في الدوري ، كثير من الشباب يتذمر من 40 ريال ويقول المفروض تكون بـ 20 ريال ... هذا قياس من الواقع.

٢٠ لانه هذا قيمة دوريك مع كامل الاحترام لجميع الاندية
لا مستوى كويس ولا منشآت زي العالم والناس الا الجوهرة وتبي ٤٠؟

 

[Power2030]

أهم شيء تكون الأفلام بدون حذف

ههه ... اغلب الاشياء المقطوعة بلا قيمة (صراحة) ، شاهدت فلم بدول الخليج (مقطع) وشاهدته بلا تقطيع فيما بعد ... الجزء المقطوع ثانوي ولا يؤثر على قصه الفلم ... طبعا يوجد افلام كثيرة ناجحة لا تحتوي على اي مشهد مخل.

 

[DESERTFIGHTER]

وقع اتفاقيات مع مارفل و WB وديزني
يصير العرض الاول مثلا لفلم مثل الافينجرز عندك على الاقل لو ما كان عالميا يكون اقليميا

 

[Power2030]

٢٠ لانه هذا قيمة دوريك مع كامل الاحترام لجميع الاندية
لا مستوى كويس ولا منشآت زي العالم والناس الا الجوهرة وتبي ٤٠؟

بغض النظر عن المستوى ... المبلغ كثير على الشباب.

 

[GSN]

netflix , Hulu , والكثير من الشركات الناڜئة في مجال Streaming .
صراحه المبالغة في الاستثمار في قطاع السينما لا احبذها.

في بيتك او الاستراحة وحولك الثلاجة او الغلاية احسن من انك تطلع وتمشور وتدفع وتتضايق من تشخيصة اللي قدامك

وكنا وفرنا الخلاف مع اللي يعارضون السينما وقللنا تشائم بعض كبار السن بالمستقبل

 

[griim]

قريبي معاه بكالوريوس وتعين مدرس قبل 15 سنة بـ 4500 ريال ، التغير الحاصل بالرواتب توه جديد ، لكن حتى لو قلنا 8 الاف وليس 6 فنحن مطالبين بفواتير واجارات ووو ... انا اعطيتك قياس بقيمة تذكرة مباريات الدوري بـ 40 ريال وتذمر الشباب وقس عليها ... ولا تنسى ان اغلب رواد السينما (شباب) وليسوا موظفين.

اخوي انا الأن باقي لي سنة واتخرج ادارة أعمال بإذن الله جميع من اعرفهم اقل شخص يستلم 9 الاف واتوقع 4500 قبل 15 سنة تعادل ١٠ او حواليها الان بالنسبة للشباب الشاب الجامعي ما اتوقع بيستخسر ٣٥ في شي بيوسع صدرة بدال يروح يصرفها في كوفي ولا شيشة

 

[Power2030]

لما يتذمر عن 40 ريال وانا اخوك ما يتذمر عشان دخله لكن لأن الدوري ضعيف وما يستاهل هالمبلغ انت عارف التذاكر في أوروبا ما تقل عن 50 يورو ؟

اوروبا وضعهم مختلف ودخلهم مختلف ، والتذمر ليس بسبب المستوى فقط ... التذمر يطال جودة المنشأه كذلك والخدمات وبشكل اكبر قيمة التذكرة.

 

[GREEN]

ليش مايكون عندنا قناة وثائقية !

امر يفشل الصراحة على الميزانية الضخمة للتلفزيون السعودي الضايع

 

[griim]

في بيتك او الاستراحة وحولك الثلاجة او الغلاية احسن من انك تطلع وتمشور وتدفع وتتضايق من تشخيصة اللي قدامك

وكنا وفرنا الخلاف مع اللي يعارضون السينما وقللنا تشائم بعض كبار السن بالمستقبل

الكل له حريه الإختيار ممكن غيرك يحب يطلع يغير جو من كأبة البيت والاستراحة محد مغصوب على السينما بالنسبة لكبار السن هم الفئة الوحيدة الي لا تناقشهم مستحيل تغير فيهم شي الله يحفظهم

 

[صقر القاتل]

ليش مايكون عندنا قناة وثائقية !

امر يفشل الصراحة على الميزانية الضخمة للتلفزيون السعودي الضايع

خل التلفزيون السعودي يضبط نفسه بعدين يشفون قناة وثائقية
اقسم بالله يانشرة الاخبارية القناة السعودية تصوير مبلح وجرافيكس زفت و أستديو مادري وش يبغى في الحياة

 

[Power2030]

اخوي انا الأن باقي لي سنة واتخرج ادارة أعمال بإذن الله جميع من اعرفهم اقل شخص يستلم 9 الاف واتوقع 4500 قبل 15 سنة تعادل ١٠ او حواليها الان بالنسبة للشباب الشاب الجامعي ما اتوقع بيستخسر ٣٥ في شي بيوسع صدرة بدال يروح يصرفها في كوفي ولا شيشة

على اي اساس تعادل 10 ! ... الدولة ما كانت تعينك بالمستوى اللي تستحقه بسبب حرب الخليج ، الله لا يعيدها ، لكن بعهد ابو متعب (الله يرحمه) تحسن الوضع ... عموما لا يجب ان يكون قياسنا على فئه عمريه محدده ، لو اخذت حالتك فالوضع بالنسبة لك ولي سهل ... لكن انا اتمنى ان يكون الجميع قادر على هذا الشئ ، يعني انا قريبي موظف بـ 5 الاف ، وعنده اطفال وبيته ايجار الا يحق له مشاهده السينما.

 

[صقر القاتل]

العروض اذا بيجيبون عرض
The Lion King
بكون اول الحاضرين

 

[griim]

على اي اساس تعادل 10 ! ... الدولة ما كانت تعينك بالمستوى اللي تستحقه بسبب حرب الخليج ، الله لا يعيدها ، لكن بعهد ابو متعب (الله يرحمه) تحسن الوضع ... عموما لا يجب ان يكون قياسنا على فئه عمريه محدده ، لو اخذت حالتك فالوضع بالنسبة لك ولي سهل ... لكن انا اتمنى ان يكون الجميع قادر على هذا الشئ ، يعني انا قريبي موظف بـ 5 الاف ، وعنده اطفال وبيته ايجار الا يحق له مشاهده السينما.

بالنسبة ل 10 انا كتبت اتوقع الله يسلمك، بالنسبة للي مثل قريبك نعم يحق له 100% معلومة واتمنى تطبق لدينا في الامارات ولا اعلم عن الكويت والباقي دور العرض تعمل شراكة مع البنوك بحيث مثلا في حال لديك حساب في بنك الامارات الوطني تحصل على خصم %20 من قيمة التذكرة او تكون التذكرة الثانية مجانية في حال الشراء

 

[griim]

العروض اذا بيجيبون عرض
The Lion King
بكون اول الحاضرين

2019 ان شاء الله

 

[صقر القاتل]

عكاظ
‏⁧‫#عاجل‬⁩ | قمة ⁧‫#مستقبل_الترفيه‬⁩ في ⁧‫#السعودية‬⁩: توقيع مذكرة تفاهم مع شركة "وآلت ديزني" لإقامة عروض ترفيهيه في ⁧‫#السعودية‬⁩.
‏⁧‫#محمد_بن_سلمان_في_لوس_انجلوس‬⁩
‏⁦‪#CrownPrinceinLA‬⁩
‏⁧‫#عكاظ‬⁩ ⁦‪@okaz_brk‬⁩
‏⁦‪okaz.com.sa‬⁩

 

[Power2030]

العروض اذا بيجيبون عرض
The Lion King
بكون اول الحاضرين

انصحك بـ Madagascar 3

 

[Power2030]

بالنسبة ل 10 انا كتبت اتوقع الله يسلمك، بالنسبة للي مثل قريبك نعم يحق له 100% معلومة واتمنى تطبق لدينا في الامارات ولا اعلم عن الكويت والباقي دور العرض تعمل شراكة مع البنوك بحيث مثلا في حال لديك حساب في بنك الامارات الوطني تحصل على خصم %20 من قيمة التذكرة او تكون التذكرة الثانية مجانية في حال الشراء

اتوقع فيه حلول كثيرة ... مثل ما تفضلت ، بالاضافة لتقليص قيمة تذكرة الأطفال 50%

 

[صقر القاتل]

انصحك بـ Madagascar 3

مشاهدة المرفق 110006

هذا عرض the lion king

 

[griim]

هذا عرض the lion king

هذي اخوي مسرحية لها ٨ سنوات مب فلم الفلم الى الان ما نزل له عرض