صحيح الولايات المتحدة ليها نفوذ كبير على أوروبا بأكملها
لكن لو لاحظت إن الدول اللي فيها نفوذ أمريكي لم تعد تثق بالولايات المتحدة
إنت شايف اليابان و خروجها من القوقعة داخل حدودها
شايف المانيا و دعوتها بتقوية الجيوش الأوروبية
فرنسا و دعوتها بضرورة متح مجال لصوت أوروبا منفردة
أما موضوع تنويع التسليح : فده مهم جداً جداً الخليجيين بوجه عام معجبين جداً بالسلاح الأمريكي و بيعتبروا السلاح الروسي خردة و الصيني درجة تانية من وجهة نظر الغالبية منهم . . و إذا إتكلمنا في الخصوص ده ممكن يعتبروا كلامنا نكوص أو إسقاط عليهم بما إننا بنستخدم السلاح الروسي و له قيمة كبيرة عندنا عكس نظرتهم للسلاح الروسي . بس بالتأكيد أنا موافقك . و على رأيك الزعيم الخالد ( اللي متغطي بالأمريكان عريان ) و بوجه عام الولايات المتحدة ماليهاش أمان بالمرة و إحنا شفنا لما أوباما أوقف عودة الأباتشي و قطع الغيار للأف 16 و أبراج الأبرامز بعد سقوط مرسي و جماعته في بلدنا و إزاي كان بيحاول يضغط بكل الطرق على الإدارة و الإرادة المصرية . لكن المسكين لقى إننا روحنا فرنسا و بعدها لروسيا و الصين و المانيا . يعني محدش يلوي دراعنا . و سوق السلاح سواء الشرعي أو الغير شرعي مفتوح و الكل ممكن يشتري لو دولاراته جاهزة .
موضوع الأموال الخليجية في أمريكا ديه مشكلة كبيرة بجد . الأمريكان ممكن يستغلوها أسوأ إستغلال و ممكن يوظفوها كمان للضغط عليهم بطريقة ما و هما أساتذة في الحكاية ديه بالذات إن العرب مستهلكين أكتر للسلع الأمريكية بعكس الصين اللي أمريكا مش عارفة تعمل حاجة معاها رغم إن الصين ليها سندات كبيرة و كتيرة و ليها أموال ضخمة على الذمة الأمريكية . . ما علينا . . ربنا يسهل و تستقيم الأمور بإذن الله
...
