مول ايكيا ومول فيسبوك ما كيتسوقوش لشي حاجة سميتها الماركة . كيما قالو سبنيول القرد واخة يلبس الحرير يبقى قرد .صحيح لا مشكلة قي فرض ضرائب على الكماليات خصوصا انه كانت هناك تلاعبات
فالمغرب لبس الماركة لا معنى له لأن كولشي لابس الماركة مدرحة مثلا northface و nike إلى شافونا الاوروبيين يسحابلهم لاباس علينا
هنا tracksuit د النايكي الموديل الجديد مثلا كيدير 200 أورو، فالمغرب تلقا replica ديالو منتشرة بنص ثمن وكيسحابلو بنادم راه ضارب دورجين
بلا ما نهضرو على غوتشي مثلا شنو دارو ليها المغاربة
شخصيا كنلقى راحتي فالجلابة والقندورة وسراول الكتان الرخاص كثر من دجينز يا ارماني يا لفيس.
شي مرات الحوايج الغاليين كيجيبو شي مضايقات الشخص كيكون في غنى عنها اذا كنتي في المكان الغير المناسب .
فأيام الطيش ديالي كونت كنلبس الماركة وانا حازق علاين نصف الراتب كيمشي فالحوايج واحد النهار دخلت لواحد لبلاصة ولي خدامين جالسين كيوجدولي الطابلة والجلسة ، قرب مني واحد الأوروبي قالي انت حازق قتلو كاين قالي مرة أخرى عرف فين تلبس الحوايج وعرف فين تبان وملي قالي خدمتو وشركتو شحال كتدخل قتلو كذبتي طلع السيد عندو فيراري وانا عندي بوجو 306 شاريها ب450 اورو
