# الرئيس السيسي ووزير الدفاع صدقى صبحى يلتقوا بوزير الصناعه الروسى

[GSN]

الخيال عندي حيكون خصب لحتى ما يعلنوا عن المشروع الجديد


شخصيا أرى أن مصر لابد أن ترجع لمشروع مقاتله محليه تصنعها متى تشاء وفي الحروب سواء وجد شيء مع الروس او الاتجاه الى fc1.. اضافة الى دبابة تعطي مصر مالم تعطيه الابرامز لتخرج مصر قريبا بدبابة نصفها ابرامز والاخر ارماتا (مستبعد) او تي 90 (أقرب) لكن مع هذا لا أظن أن الروس ممن يمنحون رخص لصناعاتهم الثقيله.

 

[13th_Warrior]

لكن اللقاء كان مع وزير الصناعة و لم يكن مع زير الدفاع , هل ممكن يكون فيه إتفاق على نقل تقنية أو نقل جزئ ؟؟ ممكن ؟!!

 

[Abobarean]

الرئيس عبد الفتاح السيسى أمر بسرعة تنفيذ المشروعات الروسية المتفق عليها مع الجانب الروسى فى مصر، خلال اجتماعه بالوفد الروسى برئاسة دنيس مونتوروف وزير التجارة والصناعة الروسى صباح اليوم، كما نبحث حاليا كيفية الإسراع فى تنفيذها.

وأضاف قابيل خلال المؤتمر الصحفى اليوم الثلاثاء: اجتماع الرئيس ناقش كافة المجالات فى قطاعات التجارة والصناعة والطيران مع الجانب الروسى، كما بحثنا المنطقة الصناعية الروسية المزمع إنشاؤها وعدد من المشروعات التى ستتم فى المنطقة والتى شهدنا توقيع أول مشروع بها اليوم. ​

 

[Abobarean]

النسخة البرية Alligator​

 

[AL RAGH]

لكن اللقاء كان مع وزير الصناعة و لم يكن مع زير الدفاع , هل ممكن يكون فيه إتفاق على نقل تقنية أو نقل جزئ ؟؟ ممكن ؟!!

نقل تقنيه لا مركز خدمه و صيانه و عمره كامله نعم مع امكانيه تصنيع قطع الغيار
بالنسبه لمنصب وزير الصناعة تذكر ان من اعلن صفقه الغواصات الالمانيه الاضافية كان وزير الاقتصاد و التجاره الالماني

 

[AL RAGH]

النسخة البرية Alligator​

هو نموذج فقط عموما هو غير النسخه المصريه المزودة بمنظومه ECO-52

 

[batteryneon]

كالعادة التمويه خلاط فساوي فاكس انا تعبت من الحوار دا
----------------------------------
اليجاتور بتلعب :جدا:

 

[Abobarean]

وزير التجارة والصناعة الروسي :

سيتم توقيع اتفاقية عمل مشترك في مجال التكنولوجيا مع مصر

الشراكة في مجالات التكنولوجيا المتقدمة لن تكون فقط بالدعم المالي للمشروعات المصرية ولكن تتمثل أيضا في إنشاء مشروعات مشتركة ونقل للتكنولوجيا.

______________

من ضمن المباحثات تطوير مصانع الستينات القديمة
​

 

[RS-24 Yars]

الخيال عندي حيكون خصب لحتى ما يعلنوا عن المشروع الجديد


شخصيا أرى أن مصر لابد أن ترجع لمشروع مقاتله محليه تصنعها متى تشاء وفي الحروب سواء وجد شيء مع الروس او الاتجاه الى fc1.. اضافة الى دبابة تعطي مصر مالم تعطيه الابرامز لتخرج مصر قريبا بدبابة نصفها ابرامز والاخر ارماتا (مستبعد) او تي 90 (أقرب) لكن مع هذا لا أظن أن الروس ممن يمنحون رخص لصناعاتهم الثقيله.

اعتقد ليس مجدي اقتصاديا اسرائيل مثلا بتشتري الطائرات وتصنع هي الافيونكس المهم صناعة الرادار ومنظومات التشويش والحماية

 

[RS-24 Yars]

انا افضل باك فا مع وضع اسمى على اوائل المشتريين للباك فا مع انتظار 6 سنوات افضل من اقتناء سو35 حتى لو هتيجى بكرا عدوى مش ايران عشان براحتى فى التسليح عدوى little united states with full support from all europe

الباك فا عنها مشاكل كبيرة في المحرك ومشكوك في شبحيتها والانظمة الالكترونية بتاعتها ليست علي مستوي الطائرات الغربية والبصمة الحرارية مصيبة

 

[Divisions_]

صورة حلوة جداً

 

[Divisions_]

من ضمن المباحثات تطوير مصانع الستينات القديمة
​

مصانع الستينات المدنية دي تطويرها هيكون من افشل الرهانات الخسرانة للحكومة اللي خسرت الف مرة و لسة ناويين يكرروها تاني و ربنا يستر

فيه شركات كتير في اخر 5 سنين مبارك اتطورت مع الصين و انتهى التطوير و اتصرف مبالغ رهيبة و للاسف اغلبها بيخسر بسببب سوء الادارة + عدد العاملين فيها فوق طاقتها 3 و 4 و 6 مرات

الافضل هو ايجاد صيغة جديدة لادارة هذه الشركات ببيعها في البورصة او بالدخول مع شريك او او او ...

 

[Divisions_]

نفسي اعرف قصده ايه بالصوبعين دول

يمكن قصده هناخد الاتنين

بغض النظر عن الماكيت الرخيص الجربان اللي الوزير الروسي جاي فرحان بيه ... اكل العيش مر

 

[mada30]

استقبل الرئيس عبد الفتاح السيسى، اليوم الثلاثاء، وزير الصناعة والتجارة الروسى دينيس مانتروف، وهو اللقاء الذى انتهى منذ قليل، بمقر رئاسة الجمهورية بمصر الجديدة. وقالت مصادر لـ"اليوم السابع"، إنه تم خلال اللقاء بحث إنشاء المنطقة الصناعية الروسية.

تجدر الإشارة إلى أن المنطقة الصناعية الروسية فى قناة السويس متواجدة فى أربع مناطق و6 موانئ، شرق بورسعيد، غرب القنطرة، شرق الإسماعيلية ثم العين السخنة، وأن جاهزية هذه المناطق مختلفة. ​

ناس طيبة اوي يا خال

انتم يا اصدقائي عارفين يعني ايه يكون هناك مصلحة اقتصادية روسية بالضخامة دي في هذة المنطقة من العالم

يعني درع نووي روسي لو لزم الامر .. ممنوع العبث هنا

مش بقولك ناس طيبين اوي يا خال

 

[Divisions_]

ناس طيبة اوي يا خال

انتم يا اصدقائي عارفين يعني ايه يكون هناك مصلحة اقتصادية روسية بالضخامة دي في هذة المنطقة من العالم

يعني درع نووي روسي لو لزم الامر .. ممنوع العبث هنا

مش بقولك ناس طيبين اوي يا خال

درع نووي و الروس ؟؟؟

علاقة مصر و وروسيا حتى في اقوى حالاتها كانت تتسم بعدم الثقة المتبادل من الطرفين ايام ناصر و اما الان فلا اعرف لكنها علاقة عادية يعني لا تصل لهذا

بخصوص الدرع النووي فـ ur out of ur depth buddy للاسف

 

[RS-24 Yars]

مصانع الستينات المدنية دي تطويرها هيكون من افشل الرهانات الخسرانة للحكومة

فيه شركات كتير في اخر 5 سنين مبارك اتطورت مع الصين و انتهى التطوير و اتصرف مبالغ رهيبة و للاسف اغلبها بيخسر بسببب سوء الادارة + عدد العاملين فيها فوق طاقتها 3 و 4 و 6 مرات

الافضل هو ايجاد صيغة جديدة لادارة هذه الشركات ببيعها في البورصة او بالدخول مع شريك او او او ...

ولية مايتمش زيادة القدرة الانتاجية للمصانع دي افضل من بيعها

 

[Divisions_]

ولية مايتمش زيادة القدرة الانتاجية للمصانع دي افضل من بيعها

يا باشا انا بتكلم عن مصانع انا متابع وضعها نتيجة عمل والدي فيها من زمان و عارف ليه بتخسر حتى لو تقدر تنتج بسهولة و حتى لو انتجت مش بتعرف تبيع المنتج زي رخص القطاع الخاص تخيل ؟؟؟

و ابرز دليل ترسانة الاسكندرية حتى بعد التطوير هاتلي سفينة واحدة باعتها ... سفينة واحدة .. مفيش

صدقني الدولة صانع فاشل جداً و تاجر افشل هذه حقيقة مهمة ...

الحل هو الخصخصة و المشاركة لكن الخصخصة بضمير مش خصخصة عاطف عبيد ربنا ينتقم منه

 

[Divisions_]

يا راجل دا حتى المقاولين العرب بتخسر ... عمر حد شاف شركة مقاولات بتخسر !!

و المضحك انك علشان تجيب المقاولين تاخد مشروع بتاخد ضعف اتعاب الشركات التانية و في الاخر يقولك شركات الحكومة و مال الدولة ومش عارف ايه و اكتر حاجة بتضيع موازنة البلد الشركات الخسرانة

 

[mada30]

درع نووي و الروس ؟؟؟

علاقة مصر و وروسيا حتى في اقوى حالاتها كانت تتسم بعدم الثقة المتبادل من الطرفين ايام ناصر و اما الان فلا اعرف لكنها علاقة عادية يعني لا تصل لهذا

بخصوص الدرع النووي فـ ur out of ur depth buddy للاسف

كلام غير صحيح روسيا هددت بتدخل نووي في 56
كان سبب حاسم في انسحاب فرنسا وبريطانيا واسرائيل والاسراع في اتخاذ قرار مجلس الامن بشأن انسحابهم
بينما امريكا اكتفت بتهديد بريطانيا بعقوبات اقتصادية

لولا تهديد روسيا لكان تم مسح قواتك في سينا بالنووي الامريكي (راجع الارشيف )

من الاخر لولا روسيا في كثير من مراحلنا كنا هنزعل جامد

روسيا دورها حاسم معانا الصراحة احنا اللي كنا بنقل معاها دايما

 

[Divisions_]

كلام غير صحيح روسيا هددت بتدخل نووي في 56
كان سبب حاسم في انسحاب فرنسا وبريطانيا واسرائيل والاسراع في اتخاذ قرار مجلس الامن بشأن انسحابهم
بينما امريكا اكتفت بتهديد بريطانيا بعقوبات اقتصادية

لولا تهديد روسيا لكان تم مسح قواتك في سينا بالنووي الامريكي (راجع الارشيف )

من الاخر لولا روسيا في كثير من مراحلنا كنا هنزعل جامد

روسيا دورها حاسم معانا الصراحة احنا اللي كنا بنقل معاها دايما

كلامك سليم لكن التدخل النووي كان مجرد كلام ده اولا ثانيا كان صراع قوى عظمى اكتر منه صراع على حليف (مصر)

اخيرا لا تنسى انه في 56 كان للمرة الاخيرة اول مرة يتوافق السوفيت و الامريكان على قضايا مصيرية كهذه و كان لاسباب كثيرة تختلف تماما عن نطاق الموضوع حاليا

56 كانت نهاية القوتين العظميتين التقليديتين لقرون (فرنسا و بريطانيا) و ظهور قوتين جديدتين بوضع جديد ...

ببساطة امريكا و السوفيت كانوا بيدفنوا اسلافهم مش اكتر