السناريو الاقرب للقوات الجوية المصرية

بسم الله الرحمن الرحيم
اولا ارجو من الاعضاء قراءة موضوعى كاملا وانا مستعد لاى مناقشة
فى الحقيقة انا عضو جديد معاكو ولكن مش جديد على المنتدى لانى متابع المنتديات العسكرية بشكل عام من اكتر من اربع سنين ولكن الحقيقة اللى كان مانعنى عن التسجيل انى فى هندسة كهرباء ووقتى ضيق شوية ومجرد القراءة كفيلة بتعطيلى واكيد المهندسين منكم عارفين دة
ثانيا مقدرش انكر انى استفدت خبرة كبيرة جدا من اعضاء رائعين اتشرف بمناقشتهم امثال الايمان ومحب مصر وغيرهم كتير
المهم من ضوء متابعتى لاربع سنين وتجميعى للاحداث والصفقات والاحاديث الصحفية
اعتقد ان السناريو الاقرب لمصر هو
بالنسبة لل jf_17 انا مش هرغى فيها كتير لانى معنديش ذرة شك ان انها هتدخل فى الخدمة بديلا للميج21 اجلا ام عاجلا
ومعتقدش ان مصر ممكن تفكر فى طيارة غيرها لانها هتخرج 250 طائرة
فاكيد اكيد لازم تكون الطائرة اللى هتدخل اقتصادية جدا لاحلال هذا العدد الضخم ودة المتوافر فقط فى جى اف 17 ولو فى حاليا مشاكل فى الصفقة اعتقد انها هتم هتم فى الاخر اما برضوخ باكستان لمطالب مصر او تراجع مصر عن بعض شروطها
ثانيا والاهم بالنسبة لمقاتلات الصف الاول
مصر حاليا كما هو معلن تمتلك 16 ميراج 2000
هذا العدد من وجهة نظرى المتواضعة وقد يختلف معى البعض انة لا يشفى ولا يسمن
بالاضافة انة يشكل عبئ لوجيستى ومصاريف صيانة وعمرة وغيرة يبقى بصراحة بناقص ولكن العدد مش هيفضل كدة من وجهة نظرى ومصر منذ فترة وهى واضعة فى خططها زيادة العدد والا كانت مصر باعت ال 16 طيارة
فاللى هيحصل كالاتى
مصر هتتعاقد على طائرات ميراج ممكن تكون الاماراتية الجميلة ميراج 2000_9
او يكون التعاقد بشكل مباشر مع فرنسا بعدد 50 او 60 مقاتلة
ودة الارجح معتقدش مصر هتقبل بطائرات مستعملة دى حاجة بالاضافة ان الميراج 2000_9 صنعت للامارات بشروط الامارات وبالتالى فهى تلبى حاجة الامارات ولكل سلاح جوي عقيدتة ومايناسبة
بالاضافة الى ان مصر هتعقد صفقة مقاتلات رفال بعدد 40 او 50 مقاتلة تشتغل مع الميراج وهيكونو ثنائى قوى جدا ومنافس شرس للصوفا والراعم الاسرائيليتين ناهيك عن الاف 16
وبالنسبة للتكلفة مصر هتتعاقد على 100 طائرة يعنى عدد ضخم فاكيد هيكون فى تخفيض او يتم تقسيط المبلغ بل ان مصر لو جمعت ايرادات قناة السويس لمدة 4 شهور فقط هتجيب حق الصفقة مصر ماديا مش فقيرة يا اخواننا
وبكدة مصر تكون حصلت على 100 مقاتلة قوية صف اول وحوالى 150 جى اف هيتم تصنيعهم فى مصر الحبيبة = 250 طائرة اللى مصر هتخرجهم من الخدمة
اما بقى لية انا رجحت السناريو دة فدة عشان عددة اسباب منها
ان مصر هتضمن ان الصفقة هتم فمش من المعقول ان فرنسا لو تعرضت لضغوط امريكية او غيرها هتوقف صفقة ب 100 مقاتلة ومنها 40 رفال اللى اصلا سوقها نايم
بالاضافة الى ما ذكرتة مسبقا ان سبب احتفاظ مصر بعدد متواضع من الميراج2000
هو خططها لزيادة العدد فى المستقبل وفى 3 خيوط لو جمعنا بينهم هنوصل لحاجة
1_تصريح المسئول الاسرائيلى بحصول مصر على مقاتلات اوربية بعدد 80 مقاتلة
2_الخبر اللى اتسرب او اشاعة حصول مصر على 100 طائرة مكس رفال وميراج
3_تصريحات السيد حمدى وهيبة نفسة لما قال ( هناك مفاوضات مع اكتر من دولة اوربية واسيوية)
اخيرا وليس اخرا محدش يقولى مصر بتفكر فى مقاتلات روسية
فهذا ضرب من الجنون
مصر لا تثق بالمقاتلات الروسية وروسيا لا تثق فى مصر بالاضافة الى ان صفقة زى دى هتتعرض لضغوط قوية جدا لايقافها من سوسو وماما وحتى لو الصفقة تمت كون مصر تتجة مجددا لروسيا هيعمل شرخ كبير فى العلاقات المصرية الامريكية وهيترتب علية حاجات مصر فى غنى عنها على الاقل فى الوقت الحالى بالاضافة الى عدم رغبة مصر اصلا فى المقاتلات الروسية بدليل ان مصر لم تعقد صفقة واحدة جوية مع روسيا منذ حرب اكتوبر بالرغم من توافر طائرات قوية جدا كال ميج 29 و31 و35 وسوخوى 27 و30
لهذة الاسباب رجحت اعتقادى لصعوبة ادخال مقاتلات روسية واستحالة ادخال طائرة جديدة امريكية وكذلك التايفون البريطانية ولذلك رجحت صفقة الميراج والرفال
فمصر حتى عندما اتجهت لروسيا فى صفقة الميج 29 كانت للضغط على امريكا لتنفيذ الصفقة المعطلة منذ عهد بوش واللى تمت مؤخرا فقطططططططططط

رد: السناريو الاقرب للقوات الجوية المصرية

موضوع الثقة المفتقدة بين مصر وروسيا اللي انت اتكلمت عنه دا يعني أظن انه تخمين منك وليس أكثر
ثانيا
من ضمن الموانع التي تحد من اتجاه مصر للمقاتلات الروسية هي التسهيلات المالية
(يعني روسيا عمرها ما هتدي تسهيلات في السداد زي أمريكا أو فرنسا)
ثالثا اعتقادي الشخصي أن مصر مازالت لم تقرر بعد ما هي المقاتله التي ستسد فراغ الميج 21 والهوة التي بين القوات الجوية المصرية والإسرائيلية
رابعا مصر مازالت تنظر إلى المقاتلات الروسية بإعجاب ومازالت مطروحة كاختيار للقوات الجوية
وأخير وهذا الأهم شكرا لك على الموضوع الشيق
وأرجو أن تكون إضافتي قد ساهمت في إثراء الموضوع

رد: السناريو الاقرب للقوات الجوية المصرية

العلاقات بين مصر و روسيا على أفضل ما يرام وأفضل مما يعتقد الكثيرين وهى أول دولة يتم التوقيع معها على التعاون النووى كجزء من حزمة تعاقدات و كل لبيبُ بالإشارةِ يفهمُ, وبالمناسبة, روسيا دولة أوروبية لأن الجزء الذى يقع فى أوروبا توجد به العاصمة موسكو.

رد: السناريو الاقرب للقوات الجوية المصرية

رد: السناريو الاقرب للقوات الجوية المصرية

deadmotion011 قال:

موضوع الثقة المفتقدة بين مصر وروسيا اللي انت اتكلمت عنه دا يعني أظن انه تخمين منك وليس أكثر
ثانيا
من ضمن الموانع التي تحد من اتجاه مصر للمقاتلات الروسية هي التسهيلات المالية
(يعني روسيا عمرها ما هتدي تسهيلات في السداد زي أمريكا أو فرنسا)
ثالثا اعتقادي الشخصي أن مصر مازالت لم تقرر بعد ما هي المقاتله التي ستسد فراغ الميج 21 والهوة التي بين القوات الجوية المصرية والإسرائيلية
رابعا مصر مازالت تنظر إلى المقاتلات الروسية بإعجاب ومازالت مطروحة كاختيار للقوات الجوية
وأخير وهذا الأهم شكرا لك على الموضوع الشيق
وأرجو أن تكون إضافتي قد ساهمت في إثراء الموضوع

أنقر للتوسيع...

يا باشا نورت الموضوع والله وانا هرد عليك واحدة واحدة
اولا موضوع الثقة ما بين مصر وروسيا هو نتيجة طبيعية لما حدث مسبقا وخد بالك من حاجة الروس مش سهلين واكيد مش ناسيين اللى انت عملتة فيهم لذلك لو فى صفقة طائرات روسيا هتطلب ضمانات كتير من مصر واشياء اخرى
ثانيا اتفق معاك وانا بدورى بضيف السبب دة للاسباب اللى انا ذكرتها
ثالثا خليك واقعى كم ضخم من الطائرات القديمة الشرقية طبيعى جدا انة هيخش بدلها شرقى بردة واقتصادى وتكون طائرة مميزة وفى موضوعات كتير اتكلمت على الجى اف والتطويرات اللى مصر ممكن تعملها على الطيارة وطبعا هيكون مهمتها الاسناد الارضى والاعتراض الجوى وانا مازلت مصر عند راي ومستعد اراهن اى حد انها مسالة وقت فقط والطيارة هتتصنع وتخش الخدمة
رابعا انا متفق معاك مفيش حد ميقدرش ميبصش على المقاتلات الروسية القوية جدا واقتصادية فى نفس الوقت ولكن انا اتكلمت فى الصعوبات ومجبتش سيرة ان مصر مش عجباها الطيارات الروسية
اخيرا شكرا ليك ونورت الموضوع يا باشا

رد: السناريو الاقرب للقوات الجوية المصرية

tamer قال:

العلاقات بين مصر و روسيا على أفضل ما يرام وأفضل مما يعتقد الكثيرين وهى أول دولة يتم التوقيع معها على التعاون النووى كجزء من حزمة تعاقدات و كل لبيبُ بالإشارةِ يفهمُ, وبالمناسبة, روسيا دولة أوروبية لأن الجزء الذى يقع فى أوروبا توجد به العاصمة موسكو.

أنقر للتوسيع...

متفق معاك تماما يا تمورة ومقدرش اغلطك فى اى كلمة
ولكن انا كلامى كان بخصوص المقاتلات ولكن بوجة عام العلاقات المصرية الروسية ممتازة

رد: السناريو الاقرب للقوات الجوية المصرية

matrex mido قال:

اخيرا وليس اخرا محدش يقولى مصر بتفكر فى مقاتلات روسية
فهذا ضرب من الجنون
مصر لا تثق بالمقاتلات الروسية وروسيا لا تثق فى مصر بالاضافة الى ان صفقة زى دى هتتعرض لضغوط قوية جدا لايقافها من سوسو وماما وحتى لو الصفقة تمت كون مصر تتجة مجددا لروسيا هيعمل شرخ كبير فى العلاقات المصرية الامريكية وهيترتب علية حاجات مصر فى غنى عنها على الاقل فى الوقت الحالى بالاضافة الى عدم رغبة مصر اصلا فى المقاتلات الروسية بدليل ان مصر لم تعقد صفقة واحدة جوية مع روسيا منذ حرب اكتوبر بالرغم من توافر طائرات قوية جدا كال ميج 29 و31 و35 وسوخوى 27 و30
لهذة الاسباب رجحت اعتقادى لصعوبة ادخال مقاتلات روسية واستحالة ادخال طائرة جديدة امريكية وكذلك التايفون البريطانية ولذلك رجحت صفقة الميراج والرفال
فمصر حتى عندما اتجهت لروسيا فى صفقة الميج 29 كانت للضغط على امريكا لتنفيذ الصفقة المعطلة منذ عهد بوش واللى تمت مؤخرا فقطططططططططط

أنقر للتوسيع...

اخى انت تقول انك متابع للمنتديات العسكريه منذ فتره كبيره الم يصادفك ابدا خبر توقيع اتفاقية الشراكه الاستراتيجيه بين مصر ورسيا اتمنى ان تبحث عن معنى هذه الشراكه فهو كافى لبيان حجم العلاقات المصريه الروسيه .......اما كلامك عن الشرخ فى العلاقات المصريه الامريكيه فاطمئن فهو ليس شرخ بل صدع وبتر وانفصال وطلاق بائن بينونه كبرى لاينفع فيه حتى المحلل.....اخى ان الدفه توجهت شرقا لدرجه لاتتخيلها احب ان اذكرك بكلمه قالها مبارك فى زيارته الاخيره لروسيا قال بالحرف....لقد توجهنا للسلاح الروسى لكونه افضل سلاح فى العالم ....هذه الجمله باختصار هى بصقه فى وجه امريكا....فكيف توصف العلاقه الروسيه المصريه بعلاقة عدم ثقه ....ايضا صفقة الميج 29 لم تكن للضغط على امريكا بل كانت رد على رفض امريكا اعطاء الاف 15 وايضا كحل مؤقت ......ساقولها لك اخى ان امريكا هى من تحاول استرضاء مصر والصفقه التى تقول انهاكانت معطله من عهد بوش ليست صفقة الاف 16 فمصر طلبت الاف15 .....هذه الصفقه بمنتهى البساطه هى بدل فاقد ليس الاوركز مع الكلمه التاليه ....امريكا كانت تريد صفقه اضخم لكن مصر رفضت تخيل .....اتعرف لماذا لانها نفذت وفعلت ما تصفه انت بضرب من الجنون فاعرف جيدا اخى ان صفقة الاف 16 بلوك 52 كانت لمنع مصر من هذا الجنون......لكن تصدق ده طلع احسن جنون حصل فى التاريخ​

رد: السناريو الاقرب للقوات الجوية المصرية

الطيفو قال:

اخى انت تقول انك متابع للمنتديات العسكريه منذ فتره كبيره الم يصادفك ابدا خبر توقيع اتفاقية الشراكه الاستراتيجيه بين مصر ورسيا اتمنى ان تبحث عن معنى هذه الشراكه فهو كافى لبيان حجم العلاقات المصريه الروسيه .......اما كلامك عن الشرخ فى العلاقات المصريه الامريكيه فاطمئن فهو ليس شرخ بل صدع وبتر وانفصال وطلاق بائن بينونه كبرى لاينفع فيه حتى المحلل.....اخى ان الدفه توجهت شرقا لدرجه لاتتخيلها احب ان اذكرك بكلمه قالها مبارك فى زيارته الاخيره لروسيا قال بالحرف....لقد توجهنا للسلاح الروسى لكونه افضل سلاح فى العالم ....هذه الجمله باختصار هى بصقه فى وجه امريكا....فكيف توصف العلاقه الروسيه المصريه بعلاقة عدم ثقه ....ايضا صفقة الميج 29 لم تكن للضغط على امريكا بل كانت رد على رفض امريكا اعطاء الاف 15 وايضا كحل مؤقت ......ساقولها لك اخى ان امريكا هى من تحاول استرضاء مصر والصفقه التى تقول انهاكانت معطله من عهد بوش ليست صفقة الاف 16 فمصر طلبت الاف15 .....هذه الصفقه بمنتهى البساطه هى بدل فاقد ليس الاوركز مع الكلمه التاليه ....امريكا كانت تريد صفقه اضخم لكن مصر رفضت تخيل .....اتعرف لماذا لانها نفذت وفعلت ما تصفه انت بضرب من الجنون فاعرف جيدا اخى ان صفقة الاف 16 بلوك 52 كانت لمنع مصر من هذا الجنون......لكن تصدق ده طلع احسن جنون حصل فى التاريخ​

أنقر للتوسيع...

اخى الكريم طيفو الحقيقة انت واحد من الاعضاء المميزين جدا فى هذا المنتدى وشرف لى على كل حال مناقشتك
بالنسبة لخبر الشراكة الاستراتيجية انا عارف الموضوع دة من زمان وبعدين انا لما اتكلمت عن توتر العلاقات المصرية الامريكية لو ركزت انا قولت جملة (على الاقل فى الوقت الحالى) لكن كدة كدة مصر هتنتر امريكا واسف فى اللفظ بس هو دة التعبير المناسب ولكن اعتقد مصر مستنية انتهاء وقت المعونة اللى هيخلص 2017
فمصر بكل تاكيد مش هترفض معونة ببلاش سنويا 1.3 مليار او على الاقل هتحاول متعملش حاجة تاثر على امتداد المعونة فعلاقة مصر بامريكا حاليا هى علاقة مصلحة
بالنسبة للميج 29 لو مصر فعلا كانت عايزاها كانت تعاقدت عليها وواجهت الضغوطات الامريكية واصرت الحصول عليها ومصر لما بتحب تعمل حاجة بتعملها واظن انت عارف حاجة زى دى كويس ولكن مصر استجابت للامر الواقع وتعطلت الصفقة
اللى يغلط الكلام دة كلة ان مصر تكون حصلت على المقاتلة فعلا وتعلن دة ولكن الطيارة دى بالذات انا مسميها الطيارة اللعينة ودة من كتر ما صدعت دماغنا وبردة محدش عارف حاجة عنها الا القيادة العليا

رد: السناريو الاقرب للقوات الجوية المصرية

يا جماعة انا ملاحظ ان كلكو اتكلمتو فى حتة روسيا بس ومحدش اتكلم فى احتمالية حدوث الصفقة المصرية الفرنسية

رد: السناريو الاقرب للقوات الجوية المصرية

كل هذا الكلام قد قتل بحثا فى المنتدى .. ما الجديد ؟

رد: السناريو الاقرب للقوات الجوية المصرية

matrex mido قال:

يا باشا نورت الموضوع والله وانا هرد عليك واحدة واحدة
اولا موضوع الثقة ما بين مصر وروسيا هو نتيجة طبيعية لما حدث مسبقا وخد بالك من حاجة الروس مش سهلين واكيد مش ناسيين اللى انت عملتة فيهم لذلك لو فى صفقة طائرات روسيا هتطلب ضمانات كتير من مصر واشياء اخرى
ثانيا اتفق معاك وانا بدورى بضيف السبب دة للاسباب اللى انا ذكرتها
ثالثا خليك واقعى كم ضخم من الطائرات القديمة الشرقية طبيعى جدا انة هيخش بدلها شرقى بردة واقتصادى وتكون طائرة مميزة وفى موضوعات كتير اتكلمت على الجى اف والتطويرات اللى مصر ممكن تعملها على الطيارة وطبعا هيكون مهمتها الاسناد الارضى والاعتراض الجوى وانا مازلت مصر عند راي ومستعد اراهن اى حد انها مسالة وقت فقط والطيارة هتتصنع وتخش الخدمة
رابعا انا متفق معاك مفيش حد ميقدرش ميبصش على المقاتلات الروسية القوية جدا واقتصادية فى نفس الوقت ولكن انا اتكلمت فى الصعوبات ومجبتش سيرة ان مصر مش عجباها الطيارات الروسية
اخيرا شكرا ليك ونورت الموضوع يا باشا

أنقر للتوسيع...

ألف شكر على الترحيب الجميل دا
أنت ملاحظ معايا أن تكاليف صيانة ما بعد الشراء بالنسبة للسلاح الفرنسي هاتكون عاليه ورأيي الشخصي أن مصر محتفظة بالميراج 2000 لسبب واحد بس وهو إضافة أجنحة الدلتا إلى القوات المسلحة لمعرفة رأي الطيارين فيها وهل نتجه لشراء مثل هذه الطائرات أم إلى الطائرات ذات الأجنحة العادية
ثم الطائرة الباكستانية بصراحة لن تضيف جديد وأظن أنها لا تدعم العقيدة الجوية المصرية
وأنا مش هاتكلم عن السوخوي 35 ولا الميج 35 بس يا باشا السوخوي 27 (زي الفل والله) وبتخدم الطيار المصري اللي أنا اعتقادي أنه بيفضل الطيارة الشرقية مش الأمريكية والكلام دا مش تخمين دا رأي الطيارين اللي جربوا الميج 21 وبعدها الأف 4
عموما أنا بيتهيألي أن مصر في المرحلة الجديدة ستتوجه للسلاح الشرقي بشكل كبير وتشترط على الغربي زي ما أخواتنا في السعودية عملو وأنا والله بحييهم على القوة دي وإحنا كمان في مصر ممكن نعمل زيهم ونتبع سياسة (الكل أو لا شيء)
وتصنيع الطيارة في مصر مش ها يبقى مشكلة مصنع برج العرب ممكن يغير النشاط عادي جدا

رد: السناريو الاقرب للقوات الجوية المصرية

الطيفو قال:

اخى انت تقول انك متابع للمنتديات العسكريه منذ فتره كبيره الم يصادفك ابدا خبر توقيع اتفاقية الشراكه الاستراتيجيه بين مصر ورسيا اتمنى ان تبحث عن معنى هذه الشراكه فهو كافى لبيان حجم العلاقات المصريه الروسيه .......اما كلامك عن الشرخ فى العلاقات المصريه الامريكيه فاطمئن فهو ليس شرخ بل صدع وبتر وانفصال وطلاق بائن بينونه كبرى لاينفع فيه حتى المحلل.....اخى ان الدفه توجهت شرقا لدرجه لاتتخيلها احب ان اذكرك بكلمه قالها مبارك فى زيارته الاخيره لروسيا قال بالحرف....لقد توجهنا للسلاح الروسى لكونه افضل سلاح فى العالم ....هذه الجمله باختصار هى بصقه فى وجه امريكا....فكيف توصف العلاقه الروسيه المصريه بعلاقة عدم ثقه ....ايضا صفقة الميج 29 لم تكن للضغط على امريكا بل كانت رد على رفض امريكا اعطاء الاف 15 وايضا كحل مؤقت ......ساقولها لك اخى ان امريكا هى من تحاول استرضاء مصر والصفقه التى تقول انهاكانت معطله من عهد بوش ليست صفقة الاف 16 فمصر طلبت الاف15 .....هذه الصفقه بمنتهى البساطه هى بدل فاقد ليس الاوركز مع الكلمه التاليه ....امريكا كانت تريد صفقه اضخم لكن مصر رفضت تخيل .....اتعرف لماذا لانها نفذت وفعلت ما تصفه انت بضرب من الجنون فاعرف جيدا اخى ان صفقة الاف 16 بلوك 52 كانت لمنع مصر من هذا الجنون......لكن تصدق ده طلع احسن جنون حصل فى التاريخ​

أنقر للتوسيع...

و الله كنت لسه هاقوله كده يا راجل دا اتفاقيه مدتها عشر سنين و استراتيجية مش علميه ولا اقتصاديه اعتقد ان مصر بتشتري مقاتلات روسيه سرا فهي من احسن المقاتلات وقادرة علي سد الفجوة بينا وبين اسرائيل وروسيا دلوقت مش زي الاتحاد السوفيتي واكيد هتسفيد من دوله في حجم مصر في ترويج سلاحها في الشرق الاوسط روسيا عاوزة ترجع للمنطقة تاني و مصر ممكن تفتح لها سوق الخليج كله فاعتقد ان تسهيلات السداد دا خيار متاح جدا وممكن نعمل حاجة ظريفة اوي نعفي السفن الروسيه العسكريه من رسوم عبور قناة السويس لمده واهي تعتبر ضمان وطريقه حلوة للسداد بجانب صفقات القمح الروسي (السليمه) فمصر وروسيا تحسنت علاقتهم كتير بعد الاتحاد السوفيتي الله يرحمه وخصوصا في الالفيه الجديده متنشاس ان معظم دفاعنا الجوي روسي فلازم نتعاون معاهم غصب عنك ويا طيفو اتعتقد ان مصر اكتفت بعشرين مقاتله اف 16 بلوك 50 انا لا اعتقد دا!!! لا تنسي ان عمك حسني تقريبا زار موسكو مرتين في عهد بوش في الوقت اللي مكنش بيروح فيه امريكا اعتقد انه مش رايح عشان ياكل كفيار روسي وبس!!!!

رد: السناريو الاقرب للقوات الجوية المصرية

el_king قال:

و الله كنت لسه هاقوله كده يا راجل دا اتفاقيه مدتها عشر سنين و استراتيجية مش علميه ولا اقتصاديه اعتقد ان مصر بتشتري مقاتلات روسيه سرا فهي من احسن المقاتلات وقادرة علي سد الفجوة بينا وبين اسرائيل وروسيا دلوقت مش زي الاتحاد السوفيتي واكيد هتسفيد من دوله في حجم مصر في ترويج سلاحها في الشرق الاوسط روسيا عاوزة ترجع للمنطقة تاني و مصر ممكن تفتح لها سوق الخليج كله فاعتقد ان تسهيلات السداد دا خيار متاح جدا وممكن نعمل حاجة ظريفة اوي نعفي السفن الروسيه العسكريه من رسوم عبور قناة السويس لمده واهي تعتبر ضمان وطريقه حلوة للسداد بجانب صفقات القمح الروسي (السليمه) فمصر وروسيا تحسنت علاقتهم كتير بعد الاتحاد السوفيتي الله يرحمه وخصوصا في الالفيه الجديده متنشاس ان معظم دفاعنا الجوي روسي فلازم نتعاون معاهم غصب عنك ويا طيفو اتعتقد ان مصر اكتفت بعشرين مقاتله اف 16 بلوك 50 انا لا اعتقد دا!!! لا تنسي ان عمك حسني تقريبا زار موسكو مرتين في عهد بوش في الوقت اللي مكنش بيروح فيه امريكا اعتقد انه مش رايح عشان ياكل كفيار روسي وبس!!!!

أنقر للتوسيع...

يا اخى el-king كيف تشترى الطائرات سراً فبالتاكيد هذه الطائرات ستنتقل جوا من روسيا الى مصر وايضا هناك التحليق بها فى الاجواء المصرية اثناء تدريبات الطيارين عليها

رد: السناريو الاقرب للقوات الجوية المصرية

Trojan King قال:

يا اخى el-king كيف تشترى الطائرات سراً فبالتاكيد هذه الطائرات ستنتقل جوا من روسيا الى مصر وايضا هناك التحليق بها فى الاجواء المصرية اثناء تدريبات الطيارين عليها

أنقر للتوسيع...

الله اعلم لكن مش شايف اي تعاون من الناحية الاسترتيجية اللي بيقولوا عليها عشان كده اعتقد انها تتم في الخفاء ومش شرط ان يتم النقل جوا!!!!:12[1]: وعندك قواعد في وسط الصحرا ما حواليهاش سكان ممكن تتدرب فيها براحتك!!:showoff[1]:

رد: السناريو الاقرب للقوات الجوية المصرية

deadmotion011 قال:

ألف شكر على الترحيب الجميل دا
أنت ملاحظ معايا أن تكاليف صيانة ما بعد الشراء بالنسبة للسلاح الفرنسي هاتكون عاليه ورأيي الشخصي أن مصر محتفظة بالميراج 2000 لسبب واحد بس وهو إضافة أجنحة الدلتا إلى القوات المسلحة لمعرفة رأي الطيارين فيها وهل نتجه لشراء مثل هذه الطائرات أم إلى الطائرات ذات الأجنحة العادية
ثم الطائرة الباكستانية بصراحة لن تضيف جديد وأظن أنها لا تدعم العقيدة الجوية المصرية
وأنا مش هاتكلم عن السوخوي 35 ولا الميج 35 بس يا باشا السوخوي 27 (زي الفل والله) وبتخدم الطيار المصري اللي أنا اعتقادي أنه بيفضل الطيارة الشرقية مش الأمريكية والكلام دا مش تخمين دا رأي الطيارين اللي جربوا الميج 21 وبعدها الأف 4
عموما أنا بيتهيألي أن مصر في المرحلة الجديدة ستتوجه للسلاح الشرقي بشكل كبير وتشترط على الغربي زي ما أخواتنا في السعودية عملو وأنا والله بحييهم على القوة دي وإحنا كمان في مصر ممكن نعمل زيهم ونتبع سياسة (الكل أو لا شيء)
وتصنيع الطيارة في مصر مش ها يبقى مشكلة مصنع برج العرب ممكن يغير النشاط عادي جدا

أنقر للتوسيع...

بالنسبة للسلاح الفرنسى والميراج انا رجحتها لانها الاقرب طبقا لما حللناة وانا شايف بصراحة مع الوضع اللى احنا فية والتهديدات اللى حوالينا مصر مش هتفكر قوى فى التكاليف قد ما هتفكر فى انها ازاى تحمى نفسها ومتنساش ان اسرائيل هتحصل على جيل خامس انت لا وعلى الاقل فى 2025
اما موضوع السوخوى 27 انا بصراحة اتمنى من اكتر الطيارات الروسية نجاحا وبتخدم فى دول كتير ومحدش اشتكى منها وانا بحبها جدا ولكن واضح انك ناسى حاجة مهمة ان مصر هتصنع وباكستان او الصين هيقدموا تنازلات مش زى روسيا والجى اف تحتاج شوية تعديلات وتبقى مقاتلة كويسة اة مش فى مستوى الاف 16 ولكن متنساش ان مهمتها الاساسية الاعتراض الجوى يعنى الطيارة مش هتعدى حدود مصر وبكدة مش هتعمل لوحدها يعنى هتشتغل مع منظومات الدفاع الجوى والاواكس والرادرات الارضية وكل دة هيخلق منها طيارة قوية يخليها ند قوى للاف 16 و15 ومتنساش التسليح بتاعها هيكون متنوع وهتلعب فى براحتك بشوية تعديلات
احترم وجهة نظرك ولكنى مصر عند راى انها هتدخل الخدمة وانها طيارة كويسة والموضوع مسالة وقت وكلة هيبان

رد: السناريو الاقرب للقوات الجوية المصرية

trojan king قال:

يا اخى el-king كيف تشترى الطائرات سراً فبالتاكيد هذه الطائرات ستنتقل جوا من روسيا الى مصر وايضا هناك التحليق بها فى الاجواء المصرية اثناء تدريبات الطيارين عليها

أنقر للتوسيع...

والله مش عارف اقولك اية خدتها من على لسانى
الكلام دة انا كنت بستغرب جدا لما بشوفة بصراحة
ومن السذاجة اننا نفكر ان فى سلاح فى مصر امريكا واسرائيل متعرفهوش الا لو كان سلاح محلى الصنع
يا جماعة امريكا تمتلك اقمار صناعية ووسائل تقنية هى الاحدث فى العالم تمكنها من معرفة ما يجرى فى شارع شبرا بالتفصيل دة غير الموساد الاسرائيلى من اقوى اجهزة المخابرات فى العالم ومع ذلك ممكن اقول ان فى بعض الاسلحة ممكن اخفاؤها زى مثلا نظام دفاع جوى صاروخ معين تم تفكيكة وتهريبة باى وسيلة ولكن محدش يقولى ان طيارة وكمان عدد كبير وهيتم اخفاؤها
يا جماعة متضحكوش على نفسكو

رد: السناريو الاقرب للقوات الجوية المصرية

matrex mido قال:

ومن السذاجة اننا نفكر ان فى سلاح فى مصر امريكا واسرائيل متعرفهوش الا لو كان سلاح محلى الصنع
يا جماعة امريكا تمتلك اقمار صناعية ووسائل تقنية هى الاحدث فى العالم تمكنها من معرفة ما يجرى فى شارع شبرا بالتفصيل دة غير الموساد الاسرائيلى من اقوى اجهزة المخابرات فى العالم ومع ذلك ممكن اقول ان فى بعض الاسلحة ممكن اخفاؤها زى مثلا نظام دفاع جوى صاروخ معين تم تفكيكة وتهريبة باى وسيلة ولكن محدش يقولى ان طيارة وكمان عدد كبير وهيتم اخفاؤها
يا جماعة متضحكوش على نفسكو

أنقر للتوسيع...

رد: السناريو الاقرب للقوات الجوية المصرية

اتوجة بالشكر لهذا الحوار الراقى والمحترم بين الاعضاء وربنا يديم علينا المحبة وكل واحد يقول راية ونستفاد من اراء بعض

رد: السناريو الاقرب للقوات الجوية المصرية

الطيفو قال:

ومن قال لك انهم لم او لايعرفوا ..... اكثر شئ اتعجب منه ان الجميع متفق على انه لو كان السلاح الفلانى موجود فان اسرائيل لن تسكت وتهدم الدنيا فالكل يتعامل مع هذه الفكره كانها من المسلمات التى لاتقبل اثبات العكس ..... لايا اخى اسرائيل تعرف ومن قبلها امريكا بوجود الكثير مما نتمناه من سلاح بل اكثر من ذلك فوجود طائرات جديده غير معلن عنها وغير معلن عن وجودها فى مصر من قبل اسرائيل لهو مؤشر على شئ مهم وهو تغير الاوضاع اوضاع الكل فامريكا اليوم ليست امريكا الامس وكذلك روسيا ومصر وحتى اسرائيل اذن فقد ولى زمان هذه الفكره فاسرائيل باعلانها عن وجود مثلا هذه الطائرات لن تحصل الا على شئ واحد وهو التاثير السلبى على المعنويات عندهم اى لن تستطيع منع مصر مما تريد الحصول عليه وذلك ببساطه لان اسرائيل كانت تضغط عن طريق امريكا وامريكا الان لاتستطيع الا ان تقدم البديل وفقا لما تراه مناسب لحفظ التوازن هذا فقط ما تستطيع ان تضغط به او تصمت اى ان الامر الان مرهون بما تريده مصر وليس امريكا وذلك بسبب تغير الظروف الدوليه والتى هى الحاكم الاول لكل شئ اما القول بانه لو كانت هذه الطائرات موجوده لرايت اعتقد انه غير كافى لاثبات عدم وجودها

أحييك أخى على هذا الرأى و أتفق معك تماما, و الدليل على حد علمى أن شيمون بيريز صرح منذ فترة أنهم على علم بصفقة مصرية ل 80 مقاتلة حديثة ولكنهم لم يتمادوا فى الحديث عنا. فالتوازنات الدولية إختلفت كثيراً عمّا مضى وللعلم أن ما تحتاجه القوات المسلحة وتراه ضرورى يتم شراؤه أو صنعه بطريقة أو بأخرى.​

أنقر للتوسيع...

رد: السناريو الاقرب للقوات الجوية المصرية

matrex mido قال:

بالنسبة للسلاح الفرنسى والميراج انا رجحتها لانها الاقرب طبقا لما حللناة وانا شايف بصراحة مع الوضع اللى احنا فية والتهديدات اللى حوالينا مصر مش هتفكر قوى فى التكاليف قد ما هتفكر فى انها ازاى تحمى نفسها ومتنساش ان اسرائيل هتحصل على جيل خامس انت لا وعلى الاقل فى 2025
اما موضوع السوخوى 27 انا بصراحة اتمنى من اكتر الطيارات الروسية نجاحا وبتخدم فى دول كتير ومحدش اشتكى منها وانا بحبها جدا ولكن واضح انك ناسى حاجة مهمة ان مصر هتصنع وباكستان او الصين هيقدموا تنازلات مش زى روسيا والجى اف تحتاج شوية تعديلات وتبقى مقاتلة كويسة اة مش فى مستوى الاف 16 ولكن متنساش ان مهمتها الاساسية الاعتراض الجوى يعنى الطيارة مش هتعدى حدود مصر وبكدة مش هتعمل لوحدها يعنى هتشتغل مع منظومات الدفاع الجوى والاواكس والرادرات الارضية وكل دة هيخلق منها طيارة قوية يخليها ند قوى للاف 16 و15 ومتنساش التسليح بتاعها هيكون متنوع وهتلعب فى براحتك بشوية تعديلات
احترم وجهة نظرك ولكنى مصر عند راى انها هتدخل الخدمة وانها طيارة كويسة والموضوع مسالة وقت وكلة هيبان

أنقر للتوسيع...

في العرض الأخير للقوات المسلحة كان في بيان عملي لتزود الطيرات بالوقود جوا
طبعا البيان دا بيقول كلام كتير
أول حاجة أن الطيارة المستقبلية لازم هتكون مداها أبعد من الطيارة الإعتراضية العادية
ثانيا أنت عارف مصر في موضوع الفلوس اليومين دول في البلد ربنا وحده أعلم بيهم
فبرضو التسليح مهما كان هياخد منهج الشاطرة تغزل برجل حمار
وأنا نفسي الرافال تدخل على فكرة لكن مستبعدها شوية عشان الجماعة بتوع فرنسا سعرهم عالي علينا قوي حتى لو قدموا لينا تسهيلات كبيره
والجي أف الباكستاني بصراحة مش قادر اهضمها لأنها فعلا في آخر الصف ومش هاتسد كسلاح متقدم وكخطوة أولى لبناء مصنع الطيرات بتاعك (الخطوة الأولى بالذات هي اللي بتحدد مسارك كله بعد كدا) فعشان كدا أنا مش محبذها
(عمرة موتور الأف 16 كلها كانت كاملة بتتعمل في مصر يعني إديني شوية ويبقى في مصر مصنع زي بتاع تركيا)