في حرب أكتوبر كان مركز 10 تحت قصر الطاهرة أو على طريق السويس مش متذكر ومركز قيادة عمليات الدفاع الجوي كان في الجيوشي والمركز التبادلي في وادي القمر.
الكيان العسكري بيضم حاجات كتير، لكن مش كل حاجة، وفيه حاجات فوق الأرض وحاجات تحت على عمق يتعدى 60 متر.
وتأمينه سواء على الأرض أو دفاع جوي أكيد مش بسيط. ولكن المبدأ الشهير موجود لا يمكن إغفاله أكيد "مفيش نظام أمني منيع 100%".
ولكن كلفة الضربة ممكن تكون ايه؟ هي دي الفكرة
بفرض مثلا إن إسرائيل تجرأت وضربته، أكيد فيه رد فعل هيمنعهم من عمل ده.
إسرائيل بعد 67 كانت تقدر تقصف مقر إقامة عبد الناصر في منشية البكري، ولكن معملوش ده .. ليه؟ لإن فيه تكلفة مرتفعة لده.
إسرائيل لم تقصف مثلًا وزارة الدفاع مع إنها كانت تقدر، ليه برضه؟ ... وهكذا
فيه فرق في تقييم الموقف والتوازنات العسكرية واعتبارات تانية كتير جدًا بين مصر وبين أي دولة تانية في المنطقة.
