يعني انا تابعت اّخر كام صفحة وكعادة مصر في 7 سنوات مضت تفسير مزدوج لأي حدث
يعني عملية عسكرية في سيناء
1-الأول ... السيسي بيفرغ رفح علشان صفقة القرن
2-الثاني...غيابات قسرية ويطلع الولد في التنظيم وعامل إصدار
3-الثالث... دي موجهة لسيناء وأهلها مع إن إمبارح في إصدار من الدواعش بحتة ترصدهم للجيش
4-الرابع... قال اسرائيل عملت 100 غاره في سيناء ولما دخلنا قال انتوا بتضربوا مدنيين
5-الخامس...قال لأ دي دعاية انتخابيه
...............................................................
نرد بالراحة
1-صفقة القرن ... لا بمزاج السيسي ولا غيره واعتقد أنا كنت واحد من اللي كانوا بيلوموا عملية الإتفاق مع شركة ايني في 2013 للغاز لكن اليوم عرفت اننا فرضنا أمر واقع ولو رجعنا أيامها للناس فيه اللي قال باع حقول غاز ولا اليونان دي ايه اللي تتفق معاها ... النهارده تركيا تعربد على قبرص لكن حفاراتك شغاله في اّبارك بل بتهدد أي حد يخش بمصير الهلاك ... فلما اراجع حالي ... ليه مايكونش ماهو موضوع أمامه من معلومات بيوجهه للتصرف ده والراجل قال ... فيه ارهاب وشال عليه رئيس أركان
2-النقطة التانيه بترد على نفسها بنفسها ... وزي مانا بتقول الجيش بيستغل طيبة الناس ففيه ناس تانيه برضك بتلعب على ذات الوتر وفي نفس الوقت وكأنهم لا يفعلون منكر
3-فيه عملية ضبط واحضار لأفراد من الجماعات
الرابع دي يعني شعار عنزة لو طارت
الخامس ... السيسي مش محتاج دعاية يعني الموضوع مبقاش انتخابات بقى استفتاء وانتهى ولو عاوز دعاية كان أولى يراعي مشاعر اللي بره
.............................................................
تقارير زادت ال 3 أشهر اللي فاتت عن انحدار الوضع في سيناء ... بتفكرني بباكستان ووزيرستان كده ... المتوقع طيارة بريداتور أمريكي تضرب هنا ولا صاروخ كروز هنا ...أعتقد ده اللي كان هيحصل حرفيا في زمن الكاوبوي ترامب
ياريت الناس بس ماتزايدش على وطنيتها لدرجة تخوين الرفاق في الوطن
النسر ماسابش العلم وحط على رأسك
وكل مؤتمن على لسانه لأنك المفروض انك بتخاطب ناس منهم من هو أقل منك دراية
والسلام
