مصــــر قدمت طلباً للتعاقد على طائرات النقل العسكرى A400M فى أقرب وقت ممكن

[العُقـاب الحـارس]

هو انضرب عليها الف صاروخ جو جو ولا ايه ايه كم الشعلات الحراريه دى
اه بالمناسبه انا لو جالى تخلف عقلى من كم الصفقات ونوعياتها محدش يستغرب

الرافال والتايفون والعروسه الجديده اه يانا ياما ​

 

[AL RAGH]

AMX160 بقى و وزع على العيال الناس كفرت و الله

ايه ال AMX 160 ده

 

[المخابرات العامة]

مبروك لمصر
المنتدى اصبح شغال على صفقات مصر

 

[aymn94]

بمناسبة التعاقد على الايرباص
فديو رائع للسى 130 المصرية لحظة الاقلاع بسلاسة
وهى مرشحة للخروج من الخدمة لصالح الايرباص
​

 

[batteryneon]

ايه ال AMX 160 ده

ARX160 سامحني

 

[Abobarean]

بالنسبة لنسخة الأواكس توقعاتكتكم إيه بالنسبة لنوع الرادار ...​

 

[MrHBK]

بالنسبة لنسخة الأواكس توقعاتكتكم إيه بالنسبة لنوع الرادار ...​

انا لسه حالا بدور في الاواكسات يا عمنا!!
للاسف مش لاقي A400 اواكس

 

[tiger attack]

هيا بنا نتوضأ ونصلى ركعتين شكرا لله رب العالمين

​

 

[MrHBK]

عموما طالما ال c130 ممكن ماتبقاش هي طياره النقل الاساسيه ممكن نعمل في اتنين مثلا منهم كده

 

[Mirage 4000]

لا اتوقع بل متاكد ان السي 130 في حالة ممتازة جدا ولن تخرج من الخدمة ان تعاقدت مصر على الايه 400

بل متاكد ان هناك وضع جديد وهو زيادة حجم وعدد طائرات النقل

 

[jack.beton.agent]

الجيش المصرى بمبدء من أين تؤكل الكتف ... يعنى شركة "ميكويان" واقعة وحالتها ضنك راح داخل إشترى صفقة كبيرة جداََ وأيضاََ نقل التكنولوجيا وتصنيعها هنا فى مصر ... الميسترال فرنسا بالبلدى كده كانت لبستها وضغط شركة DCNS كان عليها والرأى العام الداخلى كبير جداََ بسبب توقيع عقوبات ضد روسيا فمصر دخلت على الخط الأول ظبطت الروس وأخذت الأوكى وبعد كده راحت على "أولاند" الغرقان فى المشاكل وخلصت الصفقة فى وقت قياسى .. نفس القصة مع الرفال فشركة "داسو" كانت نفسها تفتح أبواب التصدير للتحفة الفرنسية لكن تعنت الفرنسيين ومغالتهم فى الأمر وقف حالها لحد ما مصر دخلت على الخط يعنى فكت النحس بتاع الرفال وأيضاََ إستلمت 3 فى وقت قياسى ... واليوم داخلة على شركة "إيرباص" وإستغلت إلغاء الصفقة الأسبانية وبما إن مصر أكبر مشغلى الأسبانية C297 فى العالم بعدد 24 طائرة فكان من السهل إقناع الشركة بقبول العرض المصرى خصوصاََ أن الطائرات لم تنتج معظمها لكن تم إنتاج العديد من أجزائها كالإلكترونيات والمحركات وبعض الأجزاء الأخرى .... طبعاََ العدد حيكون كبير فمن البديهى إن إحنا مش حنشغلها نقل عسكرى فقط عالباََ تانكر أيضاََ لكن أواكس لا أتوقع على الإطلاق ..

الصفقات المصرية الأخيرة تعتبر درس قاسى للأمريكان فصفقات الجيش ليست من باب إحراج القيادة السياسية الأمريكية أمام مجلس الشيوخ والبنتاجون لكن هى بالفعل تحويل البصلة للأبد ناحية المعسكر الشرقى والأوروبى .. يعنى مصر مش بتعمل كده من باب ( الدلع ) على الأمريكان لأن فيه حاجة مهمة جداََ حصلت الفترة إلى فاتت .. عندما زار الرئيس السيسى والملك عبدالله ملك الأردن و قيادة دولة الأمارات العربية المتحدة وأظن كان فيه تواجد سعودى عندما زار كل هؤلاء روسيا وإلتقوا الرئيس "بوتين" ورئيس جهاز ال "KGB" الروسى أطلعوهم على أدلة تورط أمريكا وخططها فى المنطقة كلها من تدمير المنطقة بما فيها المملكة وباقى دول الخليج و سوريا وطبعاََ مصر فالروس أطلعوهم على وثائق ومعلومات موثقة وحساسة جداََ ضد الأمريكان وقذارتها مع العرب .. لذلك حصل الأتى تم الإتفاق على دخول روسيا المعركة فى سوريا بموافقة مصرية أردنية إماراتية وأيضاََ سعودية حيث طلبت روسيا من مصر التوسط لدى السعودية من أجل الإبقاء على الرئيس "الأسد" لمرحلة إنتقالية حوالى 4 سنين حتى تقف الدولة السورية على قدمها من جديد .. وإن كنت أتوقع مشاركة مصرية وعربية مع التحالف الروسى إلى حيضم أيضاََ الصين للقضاء على الإرهاب فى المنطقة كلها بما فيها ليبيا .. ده كله مش حب فينا من روسيا لكن دفااع عن أمنهم القومى لأن ما فعلتة أمريكا من تخطيط ومساعدة للربيع الأوكرانى كان زى الخنجر فى ظهر روسيا .. عشان كده روسيا بتدى درس لأمريكا والعالم بأنهم لازالوا قادريين على الدفاع عن أمنهم القومى ومصالحهم وحلفائهم من حدود بعيدة فى الشرق الأوسط ...

 

[safelife]

 

[AL RAGH]

العلاقه بين اوباما و شركات السلاح الامريكيه حاليا

​

 

[IBRAHIM_EGYPT]

كل ما افتكر تصريحات بعض اعضاء الكونجرس
ان منع السلاح عن مصر سيجعلها تتجه لشراء 24 ميج 29

24 طياره يا جدعان هي خلاصه فكركم تجاه مصر ؟!!!

 

[أحمد عبد المقصود]

Air-to-Air Refuelling can be done either through two wing mounted hose and drogue under-wing refuelling pods or through a centre-line fuselage refuelling unit (FRU). Its built-in air-to-air refuelling capability allows it to be rapidly re-configured to become a tanker. With hard points, fuel lines and electrical connections already built into the wings, it takes under two hours to convert the A400M from an airlifter into a two-point tanker aircraft

السلام عليكم ورحمة الله

هذه الطائرة لا تحتاج لأي تعديل على هيكلها لتعمل كتانكر......مجرد تركيب خراطيم التزود بالواقود على جناحيها .......في اقل من ساعتين يمكن تحويل هذه الطائرة من طائرة نقل عسكري الى تانكر

ليس لديك تصريح لمشاهدة الرابط، فضلا قم ب تسجيل الدخول او تسجيل

 

[jack.beton.agent]

غالباََ لو مصر فعلاََ إتعاقدت على عدد كبير من ال A400M مش حتكون بديل لل C-130 المحترمة لكن حتكون موجة إلى "لواء التدخل السريع المحمول جواََ " .. على الأغلب بحيث هى و"الميسترال" و"الرفال" يشكلوا القوة الضاربة لمصر وقدرتها على نقل قوات كبيرة الحجم بكامل عتادها إلى أى مكان فى أسرع وقت أظن الإستراتيجية الجديدة لمصر بدأت تتضح شيئاََ فشيئاََ .

 

[MrHBK]

هذه الطائرة لا تحتاج لأي تعديل على هيكلها لتعمل كتانكر......مجرد تركيب خراطيم التزود بالواقود على جناحيها .......في اقل من ساعتين يمكن تحويل هذه الطائرة من طائرة نقل عسكري الى تانكر

كمان؟ ساعتين؟ خراطيم؟

 

[العُقـاب الحـارس]

عموما طالما ال c130 ممكن ماتبقاش هي طياره النقل الاساسيه ممكن نعمل في اتنين مثلا منهم كده

للاسف الصهاينه هما المتفوقين فى التقنيه دى وعملوها على الكاسا

لولا ان الرادار صهيونى لفعلناها لكن للاسف ولاد الكلب تقريبا محتكرين هذه التقنيه ومتفوقين فيها ​

 

[المخابرات العامة]

لا اتوقع بل متاكد ان السي 130 في حالة ممتازة جدا ولن تخرج من الخدمة ان تعاقدت مصر على الايه 400

بل متاكد ان هناك وضع جديد وهو زيادة حجم وعدد طائرات النقل

اتفق معاك تماما ..
مافيش خروج للـ C130 على المدى القريب خالص
الطائرات الجديدة لتدعيم قدرات النقل و الإنزال بشكل عام و قوات التدخل السريع بشكل خاص و كان مُتوقع من فترة ..

 

[MrHBK]

للاسف الصهاينه هما المتفوقين فى التقنيه دى وعملوها على الكاسا

لولا ان الرادار صهيونى لفعلناها لكن للاسف ولاد الكلب تقريبا محتكرين هذه التقنيه ومتفوقين فيها ​

انا قلت الكاسا دي ميكروباص طائر لا اواكس و لا تانكر
و هقولها تاني و اللي يزعل يزعل
لو كنا زي تركيا مع اسرائيل كان زمان عندنا علي الاقل 6 اواكس من دول بنخمس بيهم في السما