تمام يا كبير متفق معاك جدا ...طيب ازاى يكون كيان مصرى بالشراكة مع الشركات دى عشان يغطى احتيجاتنا و يصدر للمنطقة كمان ؟
دا سؤال صعب لان الموضوع مش منتج معقد بس و ازاي حتعمله
دي فلوس ناس كتير حتتاذى .. ناس مش سهلة و ناس تانية حتطلع مكانها
دي سياسة و اقتصاد حتى للحظة مش من مكامن قواتنا .. انت النهارده لما تحلل مصر كقيمة حتلاقيها كلها اصول فقط و عقارات ببساطة مفيش انتاج يذكر يسند الجنيه بدل ما هوا متشاط من الدولار في شهرين 45 قرش .. فا اذاي حتنتج سلاح للتصدير على فرض ان دا قصدك لاني لم اقرء باقي النقاش
معدات معامل ابحاث و دي تحتيها خط و افراد و افراد اهم شئ لان دي مختلفة شوية .. على سبيل المثال اصحاب الافكار المجنونة مش بتبقى ناس طبيعية .. عيل نيرد 16 سنة مثلا فاهم برمجة مقضيها صياعة بس احسن من كتيبة مهندسين حرب اليكترونية و حرفيا يوجع .. حتقنعني ان منظومة العمل المصرية الحالية حتوظفو و تتاقلم ليه عشان تستفيد منه .. استحالة
مش معنى كدا ان مش ممكن و الموضوع مستحيل .. لا ممكن و الامارات دليل بس دا عايز وقت و صرف في كل الاتجاهات
محتاج تفتح السوق اقتصديا للقطاع الخاص بحيث يصرف من جيبه من غير خوف على نقل تقنيات مماثلة و تدعمه و تراقبه و تستنى حبة حلويين و دي صعبة لان قياديي القطاع الخاص حاليا حرامية و مش بتوع الجو دا و امنيا كلهم ثقوب لامور مشابهة و عارفين ان الدولة لو عملت كدا حتنزل بشركاتها بغطاء مدني و شركات زي كدا ليها حدود دوليا فمحلك سر
محتاج تدفع للابحاث
بجدية و تطور معاملك ( انا مرة دخلت المركز القومي للبحوث حسيته مهجور كل المعدات متغطية و مفيش غيري و كام زميل من الكلية و الشخص اللي جوا !!)
و تعمل شكل معين لخلق افراد للقطاع دا سواق جامعات او قطاع خاص او اي حتة مدام بيطلع قماش مش طقم اساتذه جامعيين يخلوك تتمنى يوم الفصل عن يوم التخرج
و اهم شئ محتاج اوي اوي اوي تبص على السرقة و النصب في كل ميليمتر في كل دا
