- إنضم
- 21 فبراير 2017
- المشاركات
- 6,273
- التفاعل
- الدولة
اهلاً بالاخوه السعوديين. امبارح كان تاني مشاركه ليه في حياتي في هذا المنتدي. و دخلت اعلق علي موضوع المسترال. وبعد كتابتي للتعليق فوجءت بهجوم و استخفاف و استهزاء بكلامي. والسخريه مني و الهجوم علي بلدي مصر من بعضكم. طبعاً انا مكنتش فاهم حاجه واول مره اكتب تعليق واحاول اشارك في هذا المنتدي ولاقيت ما لا يسرني الصراحه و من ناس انا معرفهاش ولا عمري اتكلمت معاهم او غلط فيهم. المهم انا عايز اقولكم حاجه. انا معنديش حاجه عشان ابررها وله عندي فكره عن هذا الخلاف واول مره اعرف انكم زعلانين عشان موضوع اليمن اوي كده. بس انا صممت الصراحه اني ابعت المشاركه حتي ولو اتغلط فيه تاني بس عشان انا شايف ان في حاجات انتو فاهمنها غلط وفي حاجات مش حقيقيه. اولاً انا من شباب مصر العادي و مش خبير عسكري و لا عمري دخلت منتدي حتي بتاع حب وبتملم بلسان الشارع المصري. مش ممكن احنا كمصريين عاديين اننا نتخلي عن السعوديه او اي بلد خليجي ولا يمكن ان نناصر ايران ولا اي بلد خارجيه علي السعوديه. وحتي ولو في خلافات او بعض المشاحنات وقت الجد احنا قلبنا بياكولنا عليكم ولو حصل اي حاجه في الخليج غصب عننا هنجري علي الخليج بدون تفكير. وده راءي الشارع المصري بجد و مستغرب من كلامكم عن الاعلام!!!! اعلام ايه بظبط. ال هو مين يعني. اما الوضع في مصر اصلاً كله بيشتم في كله. ومش صحيح ان الاغلبيه ضد التدخل في اليمن. ده من الناحيه الشعبيه. انا السياسيه ف عايز اقولكم راءي متواضع بس. هي اثلاً السعوديه اتدخلت برياً. لا. مساعدات بسبطه جداً. طيب عايز مصر تدخل ازاي. طيب انتو مش واخدين بالكو ان تقريباً سيناريو ليبيا و اليمن واحد مع اختلاف الجغرافيه و الصروف و التكتيكات. بس عمليه مساعده عسكريه لمساعده قوات شرعيه لاستعاده النظام مره اخري الي دوله ما. بس بايد رجالتها مش بايد اي طرف خارجي. طبعاً مع الاختلاف بس الفكره واحده. مش يمكن هناك اصلاً اتفاق بينا بكده. وال بيحصل ده تمويه علي اعداء الامه. وانا من موءيدي السيسي بس ولاءي لمصر بس. يعني لو السيسي مش بيخدم مصلحه مصر يبقي يتكل علي الله. مصر والسعوديه اهم من ميت سيسي وميت حاكم عندنا او عنكو. هو مش ماشي بمزاجه وعايزكم تفهمو ان مينفعش تفكرو ان ممكن يوصل الموضوع ان هاتو فلوس عشان نعمل او نروح نقف جنب اخواتنا لان ده مش بمزاجنا ولا هو اوبشن. ده في مصر اسمه واجب علينا وعيب اننا منعملوش و عيب ان اخويا يفكر فيه كده اساساً. وعلي فكره كان احد الاخوه بيتريق علي كلمه مسافه السكه. يا اخي ديه مش كلمه السيسي وله هو بدعها. صدقني ديه الحقيقه اصلاً من زمان ولغايه اخر الزملن انشاء الله. واسمحلي اني اقولك انه قلها عشان تبقي رساله وتخذير لايران تحديداً بعدم التدخل فيما هو قادم وهي عاصفه الخزم. وده ال حصل فعلاً تقبلو مروري و تدخلي وبينا نقاش تلتي اذا سمحتولي بس علي موضوع سوريا و الاسد. بس ده محتلج نقاش منفرد. وشكراً
