الحكومة الايطالية تستعد للموافقة على بيع اسلحة لمصر

[davv]

اهم من كل التسليح ده التدريب و اتقان السلاح

 

[RAS DAHB]

للأمانة مبارك هو المقصر، 30 سنة منبطح تسليحياً كان فى ايده يغير كتير

مبارك علاقته مع كوريا الشمالية و التكنولوجيا اللي اخدناها منهم يشفعله , عكس السادات خان الامانة و ادي الميج-23 للامريكان و ضحك علينا قال انه عايز الاف-16 في حين كان عايز الاف-15 و تحت ضغوط الامريكان رضي ال16 و عشان كرامته قال انه مكنش راضي عن الاف-15.

شخصية دمرت جيش مصر.

 

[RAS DAHB]

دلوقتي عندنا قدرة الدخول مرة تانية في مجال التصنيع العسكري ( مش مجرد دانات و ذخائر) , عندنا قدرة ندخل مع باكستان في الدخول في تصنيع طائرتها , كل حاجه من المحرك للرادار, بس يا تري الاخ اللي ماسك دلوقتي هياخد نهج الشراء و يسمع نصيحة سيد بيه مشعل لما قال مفيش جدوي اقتصادية من التصنيع ولا هيصنع؟

 

[Panzerfaust]

مبارك علاقته مع كوريا الشمالية و التكنولوجيا اللي اخدناها منهم يشفعله , عكس السادات خان الامانة و ادي الميج-23 للامريكان و ضحك علينا قال انه عايز الاف-16 في حين كان عايز الاف-15 و تحت ضغوط الامريكان رضي ال16 و عشان كرامته قال انه مكنش راضي عن الاف-15.

شخصية دمرت جيش مصر.

بص أنا مش من محبى السادات لكن فى نقطة ال f16 تحديداً اللوم على مبارك لأنه مكانش مجبر ياخد تسليح منقوص بالطريقة كأنهم كاسرين عينه شخصيا كان يكفى انه يتقبل منع الf15 أنت لو أخدت 200 طيارة من أى دولة تانية كانوا عملولك تمثال وعطولك إمتيازات تصنيعية وتسليحية ، الراجل كان قائد قوات جوية فى مواجهة اسرائيل يعنى كان المتوقع أن أكثر واحد مدرك خطورة دورها يعنى البديهى أنه كان يبنى أقوى سلاح جوى فى الشرق الأوسط اكراماً لسمعته كطيار على الأقل

 

[Raptor6]

ولا قادره عالعطاء ولا حاجه تخيل كمان ١٠ سنين كدا وحصلت مواجهه بينا مع تركيا مش هقولك اسرائيل وضع الاف ١٦ بلوك ٤٠ بتاعتنا هيكون ايه ؟؟ تخيلت .. بل وحتي دلوقت حتي ميزه القصف الارضي فاستخدامها بعمليات بعيده هيقضي علي الحموله بتاعتها
اخرها تبقي دعم واسناد رضي ودا مش محتاج ٢١٦ طياره كفايه قوي سربين منها وشكرا
الاف ١٦ للاسف بتتحول تدىيجيا لعبئ عليك طائره لا فيها ردار محترم ولا مدي عملياتي كبير اخرها هتشتغل تحت المظله الدفاعيه ولا تسليح نوعي سايدويندر وسبارو اللي عفا عليهم الزمن + هاربون مفيش + عائله ال gbu نصها متحرم علينا مبارك الله يسامحه ويرحمه لان لا تجوز عليه الا الرحمه كان مفروض يتحاكم بتهمه الخيانه العظمي عاللي عملو وتحديدا من سنه ٢٠٠٠ فينا بعد انا مازلت مندهش ازاي الجيش صبر عليه كل دا ومازلت بدعي ربنا اننا نخرجها من الخدمه تدريجيا لحد ما نخلص منها

غير صحيح...انت تختصر كل تهديدات مصر فى الاتجاه الشرقى والشمالى فقط لكن هناك جبهات اخري تحتاج اسراب حماية و دعم ارضى ومش ضرورى تكون مقاتلات top notch زى الاتجاه الجنوبى و الاتجاه الغربي و الاستجابة السريعة والدعم ضد الهجمات الارهابية ومهام الدفاع عن نقطة الخ ....هل كانت الميج 21 و الاف 7 و الحورس باعدادهم الضخمة عبء لهذه الدرجة ؟ لا بل كان يتم توظيفهم فى جبهات ومهام مناسبة لامكانياتهم حتى انتهى عمرهم الافتراضى وبالتالى منطقيا هذا ما سيحدث مع الاف 16 بالتبعية...ستصبح البلوكات القديمة هى مقاتلات الصف الثانى المصرية باختصار

 

[batteryneon]

انا بحاول اتخيل شكل الصيانة مش مع الطائرات لا كمان مع الذخيرة .. دا حوار تاني لوحده خالص
و تكتيكات القتال الجوي لان عندك كدا اربع مدارس قتال حسب المعدة و حسب الذخيرة
دا حتى عدوك حيصوت لان لازم يطور 4 مدارس تكتيكات مضادة لطيرانه ضدك انت بس .. هلك معدات و فلوس تمرين فقط عنده بسببي فا اللي هوا حيجيلك يديك فلوس تشتري نوع واحد 150 حبة من اي داهية و تريح دماغه و دماغك ?

و الربط البياني و العملياتي سواء نوع لنوع او عبر اواكس او مع الدفاع الجوي .. يا ديني على الشغل اللي مش حيخلص

 

[Raptor6]

انا بحاول اتخيل شكل الصيانة مش مع الطائرات لا كمان مع الذخيرة .. دا حوار تاني لوحده خالص
و تكتيكات القتال الجوي لان عندك كدا اربع مدارس قتال حسب المعدة و حسب الذخيرة
دا حتى عدوك حيصوت لان لازم يطور 4 مدارس تكتيكات مضادة لطيرانه ضدك انت بس .. هلك معدات و فلوس تمرين فقط عنده بسببي فا اللي هوا حيجيلك يديك فلوس تشتري نوع واحد 150 حبة من اي داهية و تريح دماغه و دماغك ?

و الربط البياني و العملياتي سواء نوع لنوع او عبر اواكس .. يا ديني على الشغل اللي مش حيخلص

امور الصيانة لم تصبح بهذه الصعوبة مثل الماضى ...جميع المعدات الحديثة يكون لها اجهزة اوتوماتيكية لكشف الاعطاب و ال Troubleshooting ومعدات اخري لتسهيل عملية الاصلاح والصيانة فالموضوع اصبح اسهل واسرع بكثير ...وبالتالى يكفى ان يكون لديك فنيين ومهندسين قادرين على التعامل مع هذه النظم ومدربين على استخدام هذه الادوات فى الصيانة والاصلاح وقاموا بها اكثر من مرة وليس مطلوب ان تكون عالما بكل مسمار وترانزيستور بالمعدة لكى تكون قادر على اصلاحها....يمكن حتى ان يكون لديك مهندسين وفنيين قادرين على التعامل مع اكثر من طراز للطائرات

 

[batteryneon]

امور الصيانة لم تصبح بهذه الصعوبة مثل الماضى ...جميع المعدات الحديثة يكون لها اجهزة اوتوماتيكية لكشف الاعطاب و ال Troubleshooting ومعدات اخري لتسهيل عملية الاصلاح والصيانة فالموضوع اصبح اسهل واسرع بكثير ...وبالتالى يكفى ان يكون لديك فنيين ومهندسين قادرين على التعامل مع هذه النظم ومدربين على استخدام هذه الادوات فى الصيانة والاصلاح وليس مطلوب ان تكون عالما بكل مسمار وترانزيستور بالمعدة لكى تكون قادر على اصلاحها

كلامك صح و الاخ جاك سبارو وضحلي النقطة دي كا industry حتى بس مش دي الفكرة
عشان تضمن استدامة المعدة (سياسيا حتى) لازم تبقى عارف كل مسمار و ترانزيزتور فيها اينعم ، بالتالي كل مقاول من الباطن بالتالي بدائل و هكذا

عشان لو حصل ظرف سياسي تضمن تشغيل على الاقل لمده مقبولة استراتيجيا لان مش حتصنع
دا عايز وقت و تمرين و تكلفة و تدريب و برامج و ترقيات و و و ( السكالب مثال في قطعة واحدة رقاقة توجيه نزل اكتر من نص قيمته)

الفالكون بقالها 40 سنة تقريبا خبزناها محركات و عمرة و قطع غيار و صفقات ملحقة تقريبا 60% فرضا منها مما يمنح استدامة لو حصل ظرف سياسي لفترة حلوة
كل دا لازم يتحسب ، لو اشتريت لمجرد الشراء معتمدا على المورد فقط في ادواته باي باي ، و نفس الامر للذخيرة

كل دا على اعداد قليلة ممكن تزيد .. ساعتها بيس بس still مش حوار سهل عايز صرف و شغل محترم مش تقليلا من الناس خالص انا بس بنوه لحساسية و تعقيد المعده و ما يترتب عليها و ظروف و احتمالات تشغيلها

لازم تمنح قيادة العمليات عندك احسن خيارات لاسوء الظروف لكل المعدات و الافراد

 

[drmemo]

ولا قادره عالعطاء ولا حاجه تخيل كمان ١٠ سنين كدا وحصلت مواجهه بينا مع تركيا مش هقولك اسرائيل وضع الاف ١٦ بلوك ٤٠ بتاعتنا هيكون ايه ؟؟ تخيلت .. بل وحتي دلوقت حتي ميزه القصف الارضي فاستخدامها بعمليات بعيده هيقضي علي الحموله بتاعتها
اخرها تبقي دعم واسناد رضي ودا مش محتاج ٢١٦ طياره كفايه قوي سربين منها وشكرا
الاف ١٦ للاسف بتتحول تدىيجيا لعبئ عليك طائره لا فيها ردار محترم ولا مدي عملياتي كبير اخرها هتشتغل تحت المظله الدفاعيه ولا تسليح نوعي سايدويندر وسبارو اللي عفا عليهم الزمن + هاربون مفيش + عائله ال gbu نصها متحرم علينا مبارك الله يسامحه ويرحمه لان لا تجوز عليه الا الرحمه كان مفروض يتحاكم بتهمه الخيانه العظمي عاللي عملو وتحديدا من سنه ٢٠٠٠ فينا بعد انا مازلت مندهش ازاي الجيش صبر عليه كل دا ومازلت بدعي ربنا اننا نخرجها من الخدمه تدريجيا لحد ما نخلص منها

الطيارة دى حلها حاجة من التلاتة يا معيار الفايبر بتسليح كامل يا تطوير صينى يا تخرج من الخدمة لأن فعلا حتبقى مجرد عبىء، أى مواجهة مع اسرائيل البلوك 40 بتاعنا ده حيكرر مأساة الميج فى البقاع وحيبقى منظرنا مؤسف

ان تم تزويد الاف ١٦ بلوك ٤٠ بامرام فقط فهى ستمثل مشكلة لجميع المقاتلات الاسرائيلية باستثناء الاف ٣٥

 

[Wōden]

لدي تعقيب بسيط علي الصفقات المصرية في السنين الاخيرة و هو يمثل رأيي الشخصي.

البعض يقول انها صفقات مبالغ فيها و اكبر كثيرا من حجم التحديات التي تواجهها مصر فالموجود اكثر من كافي لتأمين حدود مصر و حماية مصالحها
برأيي السبب الرئيسي للخطوات الكبيرة التي تقوم بها مصر لبناء جيش عملاق هو موقع مصر الجيوسياسي ,
موقع مصر برغم عيوبه حيث انه دائما مطمع للقوى العالمية الا انه يمتكلم مميزات كبيرة جدا اهمها هو قابلية مصر لان تكون دولة عظمى اقليميا شرقي المتوسط ولعب دور كبير عالميا بمجرد امتلاك اقتصاد قوي و جيش وضخم قادر علي العمل خارج حدوده بكفائة بشرط وجود حاكم طموح لديه رؤية للامكانات الكبيرة التي تتميز بها مصر ، حدث هذا من قبل عندما تولى محمد علي الحكم وقام بتحديث الاقتصاد و الجيش، و كما يحدث اليوم اصطدم بالدولة العثمانية(تركيا) و سحق جيوشها ,و ما اراه هو ان الحكومة الحالية وعلي رأسها السيسي تمتلك هذه الرؤية و ما تم انجازه اقتصاديا و عسكريا ينبئ بالكثير و كما اصطدمت نهضة مصر محمد علي بتركيا العثمانية تصطدم نهضة مصر الان بتركيا و السبب في هذا ان موقع تركيا هو الموقع الوحيد المنافس لمصر من حيث الاهمية الجيوسياسية لهذا تسخر تركيا كل امكاناتها لتحجيم نهضة مصر لان صعود مصر يعني افول نجم تركيا و العكس صحيح

 

[Black_Ops]

الطيارة دى حلها حاجة من التلاتة يا معيار الفايبر بتسليح كامل يا تطوير صينى يا تخرج من الخدمة لأن فعلا حتبقى مجرد عبىء، أى مواجهة مع اسرائيل البلوك 40 بتاعنا ده حيكرر مأساة الميج فى البقاع وحيبقى منظرنا مؤسف

ودا بالظبط اللي بتكلم فيه مجرد تخيل اف ١٦ اسرائيليه محمله بما لذ وطاب بنظومات اعاقه وتشويش محترمه وردار قوي وتسليح مرعب وبمسانده الراعم ودون حتي التطرق الي الاف ٣٥ الطائرات دي لو شافت اف ١٦ بتاعتنا وبافتراض واقع المعركه وان الاف ١٦ قطعا مش هتطلع بره مظله الدفاع الجوي السيناريوهات كتير لكن صدقني مش هيبقي عندك اوبشن كتير وهيبقي كان الله فعون الطيار.

وصدقني حتي موضوغ الفايبر اوانه فات :

اولا في ٨٦ تم تسلمهم فالفتره من ٨٢ ل ٨٨ دول بره النقاش مبدأيا لان عمرهم الافتراضي داخل في ٤٠ سنه واعتقد خروجهم مسأله سنوات قليله جدا

ثانيا في تقريبا ٩٢ طائره استلمتهم من ٨٨ لحد ٩٥ والحديث عن تطويرهم وبافتراض البدا في التطوير من السنه القادمه يعني الانتهاء مش قبل٢٠٢٧ عالاقل يعني مرور اكثر من ٤٠ عام عليهم فالخدمه وبعد التطوير كام سنه هتديك ٦ او ٧ سنوات اخري علي الاكثر
اصبح الاجدي الحديث عن تطوير ٤٤ مقاتله فقط المتبقيين اللي تم استلامهم من ٩٩ ل٢٠٠١ و٢٠١٠ -٢٠١٣
النقطه الاهم : هل ستاخذ تطوير محترم اصلا ؟؟ هل امريكا هتوافق بمعيار فايبر كامل بردار ايسا وهاربون وجدام وامرام d او c حتي والقائمه المحظوره ... الخ ؟؟
وان حصل معجزه ووافقت هل هتضمن توفير قدر محترم من الذخائر ولا تسليح بالقطاره ومجرد ٥٠ صاروخ امرام واعداد محدوده جدا من القنابل الموجهه واستمرار نفس المسلسل المكسيكي السخيف ولو حصل مواجهه هتضمن استمرار توريد القطع والذخائر اللازمه ؟؟
فالحقيقه مقوله الروس ابخل خلق الله معرفش اذا كان السادات قالها بجد ولا لا لكن لو هسمي اللي الروس عملوه معانا ايام عبد الناصر ودلوقت دا بخل هسمي اللي امريكا عملتو ايه ؟

 

[Black_Ops]

للأمانة مبارك هو المقصر، 30 سنة منبطح تسليحياً كان فى ايده يغير كتير

مبارك كان عنده ٣٠ سنه سلام مدخلش حرب واحده !! ومش هعتبر حرب تحرير الكويت كانت حرب بالمعني بخلاف كدا فتره طويله قوي كان يتعمل فيها الكثير والكثير كان قادر ينقل البلد نقله تانيه خالص !!! لو ركزت هتلاقي كتير من المشاريع اللي بتتم دلوقت او حتي عقود التسليح مش جديده كان الكلام عليها من ايامه يعني مشاريع موجود فكرتها من زمان لكن كان مشغول بحاجات تانيه ودلوقت احنا بنسابق الزمن واصرار الدوله دايما علي تقليل وقت تنفيذ اي مشروع او حتي صفقات السلاح المستعجله يأكد دا اننا متاخرين كتير وسياسه الانبطاح التام لامريكا واراضاؤه ليهم لا نفعته هو نفسو ... الله يرحمه

 

[no body]

مشاهدة المرفق 270863

بغض النظر ان الموضوع عن مصر ولا اعلم ما ادخل راس دهب في قصة البتريوت والاف 15 السعوديه
بس على حسب ما عندي من معلومات ان السرب 13 السعودي يضع اربع نجوم على شعاره لاسقاطه طائرتين عراقيتين وطائرتين ايرانيتين واتذكر ان العراقيتين اسقطهما طيار سعودي واحد ... لا اتذكر علاقة اي امريكي بقصة اسقاط الطايرتين العراقيتين

 

[no body]

دلوقتي عندنا قدرة الدخول مرة تانية في مجال التصنيع العسكري ( مش مجرد دانات و ذخائر) , عندنا قدرة ندخل مع باكستان في الدخول في تصنيع طائرتها , كل حاجه من المحرك للرادار, بس يا تري الاخ اللي ماسك دلوقتي هياخد نهج الشراء و يسمع نصيحة سيد بيه مشعل لما قال مفيش جدوي اقتصادية من التصنيع ولا هيصنع؟

صلي على النبي الثاندر نفسو الرادار بتاعو صيني والمحركات ايضا ليست تصنيع باكستاني ومعندهمش القدرة التقنيه لكده
هتخش تصنعها ازاي مع الباكستانين انت تقصد تخش تصنع مع الصينين ؟؟؟

 

[Egyptian Spirit]

مبارك علاقته مع كوريا الشمالية و التكنولوجيا اللي اخدناها منهم يشفعله , عكس السادات خان الامانة و ادي الميج-23 للامريكان و ضحك علينا قال انه عايز الاف-16 في حين كان عايز الاف-15 و تحت ضغوط الامريكان رضي ال16 و عشان كرامته قال انه مكنش راضي عن الاف-15.

شخصية دمرت جيش مصر.

انت بتقول ايه؟ بتجيب الكلام ده منين!! السادات دمر جيش مصر لما جاب ف ١٦ من ٣٠ سنة وكانت احسن طياره عنده ميج ٢١. بصراحه كلامك غريب

 

[Black_Ops]

غير صحيح...انت تختصر كل تهديدات مصر فى الاتجاه الشرقى والشمالى فقط لكن هناك جبهات اخري تحتاج اسراب حماية و دعم ارضى ومش ضرورى تكون مقاتلات top notch زى الاتجاه الجنوبى و الاتجاه الغربي و الاستجابة السريعة والدعم ضد الهجمات الارهابية ومهام الدفاع عن نقطة الخ ....هل كانت الميج 21 و الاف 7 و الحورس باعدادهم الضخمة عبء لهذه الدرجة ؟ لا بل كان يتم توظيفهم فى جبهات ومهام مناسبة لامكانياتهم حتى انتهى عمرهم الافتراضى وبالتالى منطقيا هذا ما سيحدث مع الاف 16 بالتبعية...ستصبح البلوكات القديمة هى مقاتلات الصف الثانى المصرية باختصار

خلينا نكون صرحاء مع بعض ٩٩% من تهديدات مصر من الشرق والشمال هل السودان ممكن يهجم عليك مثلا ولا ليبيا اللي حتي بافتراض سيطره الوفاق علي الوضع فالاف ١٦ مش هتكون كافيه لمداها الضعيف وتوافر بعض الانظمه الدفاعيه التركيه لميليشيات الوفاق حاليا حتي سد اثيوبيا لو تقرر تدميره وكان القرار تدميره جويا لن يكون للاف ١٦ نصيب فالمشاركه لانها مش هتقدم شيء
الميج ٢١ والاف ٧ وجودهم انتهي حتي مطلع الالفينات والوضع وقتها حاجه ودلوقت حاجه تانيه خالص

 

[meky]

صلي على النبي الثاندر نفسو الرادار بتاعو صيني والمحركات ايضا ليست تصنيع باكستاني ومعندهمش القدرة التقنيه لكده
هتخش تصنعها ازاي مع الباكستانين انت تقصد تخش تصنع مع الصينين ؟؟؟

باكستان فى البلوك 3 ربنا كرمها وبقت تصنع حوالى 50% من البدن اما باقى البدن وباقى المعدات تستوردها وتجمعها من الصين
بس على صعيد اخر بتوفرلك تسليح ممتاز + قابليه لاضافه اى مكون سواء غربى او حتى محلى الصنع ( وده مهم لو عايز تبدأ برامج تصنيع ذخائر / صواريخ او الكترونيات عندك فى مصر )

 

[no body]

باكستان فى البلوك 3 ربنا كرمها وبقت تصنع حوالى 50% من البدن اما باقى البدن وباقى المعدات تستوردها وتجمعها من الصين
بس على صعيد اخر بتوفرلك تسليح ممتاز + قابليه لاضافه اى مكون سواء غربى او حتى محلى الصنع ( وده مهم لو عايز تبدأ برامج تصنيع ذخائر / صواريخ او الكترونيات عندك فى مصر )

هيا اكيد السبيكه الصين مش هطلع اسرارها بس اتوقع اننا نتعامل مع الصين مباشره افضل وممكن من ناحية الذخائر وغيرها نعم مع باكستان
لكن الافضل انك تتعامل مع الاساس خصوصا ان ليك تجربه مع الصينين في تصنيع ال الكي 8

 

[Black_Ops]

مبارك علاقته مع كوريا الشمالية و التكنولوجيا اللي اخدناها منهم يشفعله , عكس السادات خان الامانة و ادي الميج-23 للامريكان و ضحك علينا قال انه عايز الاف-16 في حين كان عايز الاف-15 و تحت ضغوط الامريكان رضي ال16 و عشان كرامته قال انه مكنش راضي عن الاف-15.

شخصية دمرت جيش مصر.

استاذي راجع الفتره دي كويس لأن اللي بتقوله غلط
انا مختلف مع السادات الله يرحمه بردو فامور كتيره ومنها موضوع الثغره الله يسامحه ،
لكن راجع نسخ الاف ١٦ اللي خدنها فالاول هتلاقيها كانت نسخ محترمه وقريبه جدا فالقدرات مع الاسرائيليه مكانش فيه الفجوه الرهيبه اللي موجوده دلوقت بينا الاف ١٦ بتاعتنا وبتاعهم
سياسه الانبطاح التام اللي مبارك اتخذها مع الامريكان وزدات جدا مع بدايه الالفينات هيا اللي اخرت الجيش بموافقته علي نسخ فقيره في مختلف افرع الجيش وعدم اتخاذ صفقات بديله لصفقات كتير رفضتها امريكا وظهرت نواقص جمه فمختلف افرع القوات المسلحه والباشا مكانش فدماغه !!
رجاءا بلاش نزيف التاريخ لانه مش ناقص

 

[الحكيم المصرى]

ايه علاقة الصفقه ب الاف16 والباتريوت وحرب الخليج والسادات ومبارك والاف15 والهوك وغيرهم