- إنضم
- 26 يناير 2015
- المشاركات
- 4,638
- التفاعل
الكلام ده مهم جدا جدا جدا واتمنى الجميع يقراه بعنايه ويفهم ايه اللى بيحصل حوالينا بالظبط مشروع حفر قناة السويس الثانيه اللى تم الاعلان عنه هو ثالث حدث قومي سيغير مجري التاريخ المصري السياسي والعسكري والاقتصادي بعد تاميم القناة في عام 1956 وبناء السد العالي ..... واللي كان سبب مباشر في تحالف دولي عسكري وقيام العدوان الثلاثي في توجيه ضربه عسكريه ضد مصر .....
ولازم نعرف ان المشروع ده ضربة في( مقتل للاقتصاد الاسرائيلي ) لانه قضي تماما وللابد على مشروعها القومي لانشاء خط بري او بحري بديل ومنافس قوي لقناة السويس واللى كانت اسرائيل تضع عليه امل كبير في نقل اعتمادها على المعونات الامريكيه الى مصدر دخل ثابت حقيقي وفي نفس الوقت ضرب قناة السويس واقتصاد عدوتها اللدوده مصر في مقتل والى الابد ....
وايضا توقيت الاعلان السنة إلى فاتت عن المشروع قاتل لانه قبل مؤتمر الدول المانحه لمصر .... واللى خلي دول كبيره تتسابق عشان تحط استثمارات كبيره في مشروع واعد زي ده وفي بلد مستقبله الاقتصادي مبشر جدا .... وحيجعل مصر هي الممر والمخزن الرئيسي للبضائع والتجاره العالميه ..... واللى حــ ينقل مصر نقله هاااائله اقتصاديا في المستقبل القريب وهو ما يعني ترسيخ استقلاليه القرار المصري السياسي والاقتصادي.
طب هل اسرائيل وامريكا والغرب حـيسيبوا مصر في حالها .....وهل سيوجهوا ضربه لمصر تصل الى
ضربه عسكريه لاجهاض كل التحركات الاقتصاديه والسياسيه لارجاعنا عشرات السنين للوراء زي ما عملوا مع عبد الناصر في الخمسينات وبعدها في الستينات ؟؟؟؟ولازم نضع في اعتبارنا استخدام الرئيس السيسي لمصطلح "معركة بقاء" بدلا من مصطلح "حالة حرب" .... يعني احنا في معادلة صفريه .... فلا وجود لمصر بوجود العدو .... وبقاء مصر يعتمد على القضاء تماما عليه وليس فقط النصر عليه.
طيب عشان نعرف احنا رايحين على فين لازم نعيد شوية معلومات اتكلمنا عليها كتير قبل كده وبـ التفصيل في مقالات سابقه ..... لان تأصيل الامور هو اهم شيء في معرفه الحلول .... ولان مهم جدا نربطها مع اللى الجاي علشان الصوره توضح وتعرفوا كان مصيرنا ايه وحيبقي ايه....
بـــــــصوا بـــــــــــــقي اتكلمنا فى البداية ان اصل الموضوع هو التقاء مصالح :mad: امريكا – اسرائيل :mad: من جهه مع اوروبا من جهه اخرى في الاصرار على تفتيت المنطقه .... :mad: امريكا واسرائيل :mad: ايدولوجياََ في القضاء على العرب و روسيا في ضربه واحده .. اما بالنسبه الى :mad: اوروبا :mad: فهي في الاستيلاء على مصادر الطاقه (الغاز) و استبدال المصدر الروسي المحتكر للطاقه الى اوروبا
بالغاز القطري و مخزون غاز البحر المتوسط الواعد ( المصري – الاسرائيلي ) .... و بكده تستفاد ايضا امريكا بسقوط الاقتصاد الروسي المعتمد على تصدير مصادر الطاقه ...و اتفقنا ان ماسورة الغاز الام اللى بتغذي اوروبا حاليا جايه من روسيا .... و الحاج بوتين لو زعل بس و حط ايده على محبس الغاز .... تترعب الحكومات الاوروبيه لان المواطن الاوروبي
حــيموت متجمد من البرد في الشتا و المصانع هناك حتقف .فكـــــــان البديل ان يتم استبدال روسيا كمصدَر للطاقه و مد خط غاز من ( قطر عبر العراق و سوريا الى تركيا ) .... و من البحر المتوسط (مصر و اسرائيل) الى سوريا ثم تركيا ..... عشان كده كان التركيز على سوريا كبير جدا لانها متحالفه مع روسيا و مش حتسمح بالخطه دي .... فكان لازم تدميرها و تغير النظام فيها الى نظام مفكك لكن حليف ... و ده سبب استماتة روسيا في الدفاع عن سوريا و دعم بشار و النظام السوري .... لان ما يحدث لسوريا موجه اصلا الى روسيا .....
و زي مهو باين من الخريطه كده ان الخط ده بيتجمع في تركيا و ينتقل عبر شبه جزيره القرم الى اوكرانيا ثم الى اوروبا .....• و عشان الموضوع يكمل كان لازم يتم تغير النظام في اوكرانيا ايضا .... فقاموا هناك بتطبيق خطة التخريف العربي و ثورة مزعومه علشان تيجي حكومه حليفه للغرب .... و تدخل اوكرانيا حلف الناتو ..... و بكده يضربوا عصفورين بحجر .... منها ان الناتو يقوم بحماية خط الغاز رسميا و منها انه يكون فيه قوات امريكيه على الحدود الروسيه فهمي نظمي رسمي لاول مره في التاريخ .....
• و لو بصيتوا على الخريطه ..... حتلاقوا ان بالاستيلاء على اوكرانيا و خصوصا
اقليم القرم ..... حيتم غلق المخرج الوحيد لروسيا بحريا من البحر الاسود على الشرق الاوسط .... يعني يقطعوا رجل روسيا تماما من التواجد في البحر المتوسط و الشرق الاوسط كله .• و طبعا المخطط كان تنفيذ النموذج الافغاني في الدول العربيه .... افتكروا كده لما طالبان مسكت الحكم هناك قامت الحروب الاهليه هناك و دبحوا في بعض ..... فــ الاول يتم تفكيك الجيوش النظاميه و تحويلها الى ميلشيات مسلحه .... و بعدين كله يدَبح في بعضه زي مهو حاصل دلوقتي في العراق و سوريا و ليبيا .... داعش بتضرب في النصره و الاتنين بيضربوا في الشيعه و المسيحيين .... و الشيعه بتضرب في الاتنين .... و المسلمين كلهم يخلصوا على بعض .... و لاحظوا ان قادة كل التنظيمات دي يا اما كانوا ظباط مخابرات او عملاء سابقين للغرب .... او اتخرجوا من مدارس جوانتانموا لاعداد الارهابيين الغربيين .....
" [/COLOR]كلهم اولادي " .• كده اسرائيل و امريكا استفادت بتنفيذ هدفهم الايدولوجي ايا كان المسمي بتاعه زي الماسونيه او غيره بتدمير العرب..... و اوروبا اخدت الغاز و البترول برخص التراب و لعشرات السنين قدام .
• الخطه كانت ماشيه زي الحلاوه و تم تدمير العراق و سوريا .... و تم تدمير ليبيا لتطويق مصر اللى تم الاستيلاء عليها بوصول مرسي العياط للحكم لتحييد اقوي دولة في المنطقه و تفكيكها و طبعا السعوديه و الخليج كانوا مرعوبين لانهم بسقوط مصر كانوا مش حياخدوا في اديهم غلوه ....
• كل ده يوضح ليكم ليه
؟؟؟؟؟ بتستميت في دعم المشروع الاخواني لان المفروض كانت الاسره الحاكمه هناك تاخد الجايزه بتاعتها انهم يحكموا الخليج العربي كله بعد تفتيت السعوديه و الامارات و الكويت .... و يبقي إسمه ملك الجزيره العربيه.• و اللى يأكد ده ان
؟؟؟؟؟ كسَبوها اقامة كاس العالم و تعهدوا باقامة البطوله على 12 استاد ..... و بعد 30 يونيو و لما لقوا ان الحكايه باظت ...... بعتوا خطاب للفيفا يترجوهم انهم يعملوا البطوله على 8 استادات فقط بحجة ان مساحة الدولة الحاليه لا تستوعب غير بناء 8 استادات فقط...... و ده يأكد انهم كانوا بيخططوا ان على ما يجي عام ؟؟؟؟؟؟؟ المفروض ان مساحة الدولة كانت مش حتكون على المساحه الحاليه و ان البطوله كانت حتقام على استادات في بلاد اخري في المنطقةتحت اسم ؟؟؟؟؟؟؟؟؟ • وكل ده معناه ان روسيا كانت حتواجه مصيرها لوحدها مع الصين و كوريا الشماليه ..... و افتكروا كده لما اوباما قال حيضرب سوريا عسكريا علشان الموضوع طول و الوقت بيداهمه و عايز يخلص قبل ما روسيا تفوق ... قام بوتين خلَا الواد المجنون بتاع
كوريا الشماليه يوجه صواريخه النوويه الى امريكا و هدد بمحو امريكا من الخريطه .... فامريكا جابت المرشدير العظيم و تراجعت عن ضرب سوريا ..... الخــــــــــلاصــــــــه ان الموضوع كان حينتهي بمواجهه عسكريه حتميه ما بين روسيا و حلفاؤها من جهه .... و امريكا و الغرب من جهه اخري ..... يعني فناء العالم في حرب عالميه قد تكون نوويه .... لانها حتكون حرب بقاء بين قوي عظمي.
مين بقي اللى غير المعادله دي كلها و حمي العالم من مصير كارثي بسبب حروب عسكريه ...... و خلا روسيا تتنفس من جديد .... ؟؟
هو تحالف الجيش و الشعب المصري في
30-6 و اللى بسببه تم تدمير المخطط ده بالكااااامل ..... و بدون حرب عسكريه مباشره و لا حاجه ..... و هو اللى فرض اسلوب و شكل جديد في الحرب الدائره ..... و التحرك الفجائي ده ضرب 100 عصفور بحجر واحد
القضاء على المخطط الشيطاني الغربي للمنطقه. تحويل المواجهه من مواجهه عسكريه الى مواجهه مخابراتيه و ده حمي مصر و الخليج و روسيا من ويلات الحروب. الحفاظ على دول الخليج من مصيرها .... و ده يبين لينا سبب استماته السعوديه و الامارات في دعم مصر لانها حائط الصد ليهم حاليا و مستقبلا. تغيرت الاستراتيجيه الروسيه من التوجه الى مواجه عسكريه الى مواجهه سياسيه و اقتصاديه ..... فقام الحاج بوتن بضم اقليم القرم ذات نفسه باللى فيه لروسيا و قطع عليهم جغرافيا سكه خط الغاز من اصله .... ( روسيا ممكن تعمل تمثال للسيسي عندهم ) .
مع اني متاكد ان التنسيق الامني و المخابراتي مع روسيا كان من زمان .. بس تم الاعلان عن التحالف ضد امريكا رسميا في زيارة السيسي لروسيا و ارتداؤه الجاكيت العسكري الروسي .... الرساله كانت الى امريكا و انجلترا الشريره .. " نشكركم على حسن تعاونكم معنا " و كان فاضل يطلعولهم لسانهم في الصوره .
توسيع التحالف ضد الغرب لم يقتصر على الشرق الاقصي فقط و لكن اصبح على الارض في الشرق الاوسط و تغيرت الاستراتيجيه من المواجهه العسكريه الى المواجهه الاقتصاديه و العسكريه . من الكلام اللى فات ده يبين لينا كمان حاجه مهمه جدا ..... و هو سر مرض الحاج قردوغان بفوبيا السيسي .... و كل ما يطلع في مكان لازم يشتم في السيسي و الجيش المصري .... الراجل بيمشي يكلم نفسه و بيشد في شعره زي المجنون ..... ليه ؟؟؟
لانه بعد ما كان معشم نفسه و خلاص " حتبقي الماسوره الام بتاعة غاز اوروبا عنده " .... و حيبقي ليه اهميه استراتيجيه كبيره و حيكون ليه دعم غربي و لمشروعه الاخواني و حلم الخلافة العثمانيه ....
طلعله السيسي و الجيش المصري فجاةً و اداله صابونه لوكس حكااااايه
التعديل الأخير بواسطة المشرف:
