الكشف عن جريمة مروعة جديدة لزعيم كوريا الشمالية

[محمد_نبيل]

يا جدعان عيب برده تشتغلوا على الراجل كده

عم كيم برده و ابوه كان مظبطنا صواريخ نودونج و اخو دونج و ام دونج من ايام الثمانينات برده و احنا ناس مبتنساش جميل

وبعتوا طيارين فى حرب أكتوبر بس أنا أتمنى ربنا يخلص الشعب الكورى الشمالى من الراجل دة.

 

[Divisions_]

يا جدعان عيب برده تشتغلوا على الراجل كده

عم كيم برده و ابوه كان مظبطنا صواريخ نودونج و اخو دونج و ام دونج من ايام الثمانينات برده و احنا ناس مبتنساش جميل

يا عم الصواريخ دي كلها فضلة خيرنا اساسا

برامج صواريخ الدول المارقة دي كلها بدأت بصاروخين بعتهم السادات ليونج الجد سنة 77 نسخوها و شيبوا بيها العالم

يستحقوا رفع القبعة على برانامج الارهاب الباليستي ده بصراحة , بدأوه من العدم

 

[Bader Atif 1]

يا جدعان عيب برده تشتغلوا على الراجل كده

عم كيم برده و ابوه كان مظبطنا صواريخ نودونج و اخو دونج و ام دونج من ايام الثمانينات برده و احنا ناس مبتنساش جميل

اي جميل مع ابن الهبله ده
انا الحين عرفت ليه امريكا بتخاف منه ده مجنون لو قام يوم من النوم زهجان ممكن يولع في امريكا
لا ويتفنن في اسلوب الاعدام مره مدفع 23 ومره سم ومره كلاب سعرانه كانه يرسم في لوحه

 

[Divisions_]

 

[Divisions_]

الكحك و البسكوت ده لو معجبهوش هيفجر المصنع بالقنابل القذرة

 

[Divisions_]

 

[Tayga]

هناك كلام فى النت ان سفارة كوريا الشمالية فى الجزائر قد كذبت هذا الخبر , هل هذا صحيح؟

 

[abdo 22]

وبعدين بقى فى الراجل ده بصراحة اتمنى واحد زيه يحكم اسرائيل اهو نخلص منهم خالص

لو واحد زيه هو اللي حكم اسرائيل اخشي اقول ان هو اللي هايخلص علينا والحمد لله مش هاييجي زيه

 

[drng]

هناك كلام فى النت ان سفارة كوريا الشمالية فى الجزائر قد كذبت هذا الخبر , هل هذا صحيح؟

ممكن لعلمك انا ملاحظ ان اكثر من خبر عالمى عن كوريا الشمالية بيكون كذب بحت

يعنى مثلا الفيديو اللى ادعوا فيه الاعلام العالمى كله انهم فى كوريا الشمالية اعلنوا فوز فريقهم بكاس العالم طلع متفبرك من الغرب

افلام مأفورة عن دولتهم زى فيلم The interview
و كم الاهانات الجنسية فيه و امريكا فاكراه انه بيكشف الكوريين الشماليين مثلا و انه بروباجندا مضادة

و حتى اختراق موقع سونى طلع متفبرك كمان و مش الكوريين عاملينه حتى

بينما الشعب الكورى الشمالى كشعب شرقى متدين جدا و ملتزم جدا و الايحاءات الجنسية دية مرفوضة تماما عندهم
بل ان الفيلم نفسه لو اتعرض فى كوريا الشمالية هيكون لصالح النظام الدكتاتورى هناك لانه بيحقر من الكوريين كشعب و ليس كنظام

على اى حال فى لعب عالمى بالروباجاندا برده ضد الدولة ديه المفروض يخلينا منصدقش ربع الاخبار عنهم

 

[Tayga]

بينما الشعب الكورى الشمالى كشعب شرقى متدين جدا و ملتزم جدا و الايحاءات الجنسية دية مرفوضة تماما عندهم

اختلف معك فى هذة النقطة لا يوجد تدين عندهم ولا اى ديانة لان الشيوعية قضت عليها منذ زمن وطالما النظام الشيوعى سيظل قائما بهذا الشكل فلا ذكر لكلمة ديانة او تدين .
ولكن اتفق معك فى كثير من النقاط الاخرى فى ردك .

 

[alaa tamer]

وبعدين بقى فى الراجل ده بصراحة اتمنى واحد زيه يحكم اسرائيل اهو نخلص منهم خالص

يحكم اسرائيل

ده كان زمانه هرانا حروب

 

[drng]

اختلف معك فى هذة النقطة لا يوجد تدين عندهم ولا اى ديانة لان الشيوعية قضت عليها منذ زمن وطالما النظام الشيوعى سيظل قائما بهذا الشكل فلا ذكر لكلمة ديانة او تدين .
ولكن اتفق معك فى كثير من النقاط الاخرى فى ردك .

انا اعرف واحد كورى شمالى اتعرفت عليه على الفيس و كان فى كلية السن فى مصر و كان ليا تساؤلات مشابهة لتساؤلاتك و هو كورى منشق عن بلدهم بس منشق نص نص يعنى بيشنع على نظام حكمهم و بيكره الامريكان و الجنوبيين كره العمى

اللى فهمته منه ان الكوريين الشماليين كمجتمع شبهنا كعرب فى عادتهم و تقاليدهم فى الزواج و انهم مماثلين لينا ثقافيا فى نقط كتير

و لا انا و لا انت وفقنا فى وصفهم الصحيح من ناحية الدين

هما عندهم دين الاغلبية دين اسمه الجوشى juche

جوشى ده خليط بين تعاليم كونفوشيوس و تعاليم الحزب الشيوعى بس الجانب الاخلاقى منه يعتبر كونفشيوسى و اللى منه حرمانية الزنا و وجوب الزواج

بس كله كفر برده و فيه تخاريف و فى تأليه لشخص مؤسسين الدولة الكورية الشمالية و تأليه برده لبعض مؤسسين كوريا الموحدة اسطوريا من الملوك السابقين ليها

باقى الشعب و تقريبا يماثل ثلثه موزع بين ديانات محلية كورية و كونفوشيوسية و بوذيين و مسيحيين

 

[يزيد 999]

المشكله انه صغير بالسن
والخوف من تهوره بالمستقبل
فهذا واشكاله ماعندهم شي يخسرونه
وقاطع التواصل بين شعبه والعالم بجميع اشكاله فلا يمكن لاي دوله ان تدعم ثوره او انقلاب في الداخل ولا حتى تقوم باغتياله

 

[Tayga]

انا اعرف واحد كورى شمالى اتعرفت عليه على الفيس و كان فى كلية السن فى مصر و كان ليا تساؤلات مشابهة لتساؤلاتك و هو كورى منشق عن بلدهم بس منشق نص نص يعنى بيشنع على نظام حكمهم و بيكره الامريكان و الجنوبيين كره العمى

اللى فهمته منه ان الكوريين الشماليين كمجتمع شبهنا كعرب فى عادتهم و تقاليدهم فى الزواج و انهم مماثلين لينا ثقافيا فى نقط كتير

بالنسبة للمجتمع الكورى الشمالى او الجنوبى كمجتمع من المجتمعات الشرقية فهم مثلنا وهناك ايضا اليابانيين والصينيين وان كان اليابانيين هم اكثر المجتمعات تمسكا بالعادات والتقاليد حتى الان على عكس الكورييين والصينيين الذين تخلوا منذ زمن عن اكثر عاداتهم وتقاليدهم .
اما بالنسبة لهذا الشخص الذى ذكرتة فلا تعليق عن نفسى اود ان تسقت السلطة الشيوعية وتعود الكوريتين كوريا واحدة فهذا افضل , وخاصة ان كوريا الجنوبية واليابان كانوا
من الدول التى ساعدت مصر بالمال والخبرات والاستثمارات ولازالوا يساعدوننا حتى الان .

 

[drng]

بالنسبة للمجتمع الكورى الشمالى او الجنوبى كمجتمع من المجتمعات الشرقية فهم مثلنا وهناك ايضا اليابانيين والصينيين وان كان اليابانيين هم اكثر المجتمعات تمسكا بالعادات والتقاليد حتى الان على عكس الكورييين والصينيين الذين تخلوا منذ زمن عن اكثر عاداتهم وتقاليدهم .
اما بالنسبة لهذا الشخص الذى ذكرتة فلا تعليق عن نفسى اود ان تسقت السلطة الشيوعية وتعود الكوريتين كوريا واحدة فهذا افضل , وخاصة ان كوريا الجنوبية واليابان كانوا
من الدول التى ساعدت مصر بالمال والخبرات والاستثمارات ولازالوا يساعدوننا حتى الان .

الكورية الجنوبية حاليا اشبه بمستعمرة و ماسخة و بشده عن تقاليدهم القديمة
فى عقبات ثقافية كثيرة تمنع الوحدة بين الشعبين للأسف
برده اصل الانشقاق هو كان اجرام امريكى لدرجة ان كل كيلومتر فى كوريا سقط فيه ما يزيد عن عشر قنابل امريكية فكم الكره بغض النظر عن الديكتاتورية للكوريين لشماليين تجاه الامريكان يفوق كل الحدود و مجرد قبول كوريا الجنوبية بوجود امريكى فى كوريا هينسف اى محاولات للوحدة حتى لو الديمقراطية وصلت كوريا الشمالية

 

[Tayga]

الكورية الجنوبية حاليا اشبه بمستعمرة و ماسخة و بشده عن تقاليدهم القديمة
فى عقبات ثقافية كثيرة تمنع الوحدة بين الشعبين للأسف
برده اصل الانشقاق هو كان اجرام امريكى لدرجة ان كل كيلومتر فى كوريا سقط فيه ما يزيد عن عشر قنابل امريكية فكم الكره بغض النظر عن الديكتاتورية للكوريين لشماليين تجاه الامريكان يفوق كل الحدود و مجرد قبول كوريا الجنوبية بوجود امريكى فى كوريا هينسف اى محاولات للوحدة حتى لو الديمقراطية وصلت كوريا الشمالية

ماشى معك ولكن قبول كوريا الجنوبية بوجود امريكا هو الخوف من كوريا الشمالية والصين ونظامهم الشيوعى , اما بالنسبة للحرب الكورية فكوريا الشمالية هى التى بدات الحرب وهجمت على كوريا الجنوبية عقب انسحاب الغرب منها والباقى انت تعرفة .
وبغض النظر عن الوجود الامريكى فى كوريا نحن نتكلم عن ماساة ومهزلة ومعاناة شعب وبالنسبة لكرة الكوريين الشماليين لامريكا فهذا الكرة سيتبدد مع الزمن والمعاناة التى يلاقونها على يد النظام الشيوعى وايضا رؤيتهم لكوريا الجنوبية وهى تنمو وتزدهر وتنعم بالثراء سيجعلهم ينسون وكما قلت سابقا هذا افضل للطرفين . اما بالنسبة للوجود الامريكى فتوحد كوريا سوف ينهى هذا التواجد او يجعلة اقل حيث ان الخطر الوحيد سيكون الصين والصين حاليا اقل عدائية من كوريا الشمالية ,ولذلك الوحدة بين الكوريتين هى الحل الوحيد لكل المشاكل .

 

[أسد العرب]

ههههههههههههههههه اما بمدفع مضاد للطائرات

الحمد لله على نعمة العقل

 

[المستقبل العربي]

 

[khalid_73]

نقلت وسائل إعلام في كورية الجنوبية عن مصدر استخباراتي أن وزيردفاع كوريا الشمالية هيون يونج تشول أعدم مؤخرا بسبب نومه خلال عرض عسكري في حضور زعيم البلاد كيم جونغ أون.
وقالت وكالة الأنباء الكورية الجنوبية يونهاب إن وزير القوات المسلحة الشعبية لكوريا الشمالية هيون يونج تشول أعدم "بإطلاق نيران مدفع مضاد للطائرات في 30 أبريل الماضي بحضور مئات الأشخاص".
وأكدت الوكالة الكورية الجنوبية استنادا إلى معلومات تلقتها من أعضاء في البرلمان الكوري الجنوبي شاركوا في مؤتمر صحفي لممثل عن الاستخبارات الكورية الجنوبية، منعت وسائل الإعلام من حضوره، أن وزير الدفاع الكوري الشمالي أقيل من منصبه وأعدم بتهمة الخيانة لأنه "غفى في حضور زعيم كوريا الشمالية كيم جونغ أون خلال عرض عسكري".
يذكر أن وسائل الإعلام الكورية الجنوبية دأبت مؤخرا على نشر معلومات عن إعدام مسؤولين كبار وعن عمليات تطهير في كوريا الشمالية من بينها، تنحية وإعدام الرجل الثاني في هرم القيادة وهو زوج عمة زعيم البلاد كيم جونغ أون، عام 2013 بعد اتهامه بالفساد وارتكاب جرائم تضر باقتصاد البلاد.

 

[jack.beton.agent]

يا جماعة المشكلة إن أغلبية شعوب جنوب شرق أسيا عينيهم أصلاََ ضيقة يعنى ما تعرفش إذا كان نايم ولا هو كده أصلاََ .. ربنا يستر .؟