السوق العالمي ماحد يحكمه النفط لو ماوصل 80 راح يوصل 70 بنسبة 90% على حسب طريقتي في التجارة
وانا اتفق معك وبقوة ان الاقتصاد السعودي مقلع لفوق لاكن ماراح يكون صعود قوي ما اقصده ان المده 10 سنين مده مناسبة للوصول للمستوى المطلوب 14 الف
اضيف على كلامي ممكن يكون الوصول لمستوى 70 او 80 لمدة قصيرة جدا يعنى اليوم كان 40 يوصل 70 في نفس اليوم وبكره وهو في ال40 فاهم قصدي نسميها ذيل
14000 نقطه بنوصلها اذا القطاعات تخصخصت في سوقنا خصوصا
بس ممكن تزودني بوجهه نظرك الفنيه ليش النفط سيرتفع؟
انا نظرتي له انه بيتذبذب بين ال٦٠ الى ٦٩ ولن يتعدى وممكن يكون بين ال٥٠ الى ٥٩ بعد لان ببساطه السوق متخم والناس تستغني عن النفط كل يوم اكثر من اللي قبله
توقع خاص ١٥ سنه سيتم الاستغناء عن ٥٠٪ من استهلاك النفط اليومي في قطاع الطاقه
الاقتصاد السعودي بيرتفع قبل ان يعاود الانكماش ثانيه والله يخيب توقعي
لان مافيه تغير ملموس عالارض فعلي
كلنا نشتغل ونعرف ناس يشتغلون ماتغيرت سياسات عملهم بشكل كبير بس زادت عدد الشعارات واللافتات اللي تكلف ملايين في انحاء القطاعات ولاشيء ملموس
الملموس فعليا من الناحيه الاجتماعيه تغييرات على بعض الشرائح في المجتمع لم تزدهم لا رقي ولاثقافه اعتبرها شيء جيد بس مو كذا والله
المحلات قفلت والشقق فضت وعوائل الاجانب مشوا وبقى رب الاسره يحول لهم الفلوس
فيه حركه سعوده جيده للمحلات وهذا مؤشر ممتاز لكن المدير عليهم اجنبي اسعود وظيفه ٣ الاف واترك وظيفه ١٥ الف وفوق مع ان السعوده والتأنيث كانت بعهد الملك عبدالله الله يرحمه باديه وزادت وتضاعفت حاليا وهو ايجابي من جهه وسيء في تطبيقه
صندوق الاستثمارات كان يستثمر في السندات الامريكيه عائدات اقل بنسب خسائر اقل
الان اصبح راس مال جريء ممكن يربح ممكن يخسر ٥٠٪ ٥٠٪ مابي اوصل تريليونين في ١٠ بس مابي اخسر الاحتياطي حقنا ينقص اكثر ممايزيد
والصندوق صار يكوش على اشياء كثيره هنا مثل اراضي شمال الرياض بس يبي ارباح ولو كانت ماتعكس استدامه
الهجره للمدن مازالت بنفس الوتيره والرياض وجده كم سنه تقفل
الرياض ٧-٨ مليون نسمه تقريبا ثلث عدد السعوديه فيها موب معقول وكل مالهم يزيدون المهاجرين
غلاء المعيشه وزياده العاطلين مشاكل عويصه
اللي بيتقشف يبدأ من نفسه قبل مايقول الناس مازالت تشتري وتبيع الناس والناس والناس
بعد مالتغيير يبدأ من النفس المدارس يضاف مناهج تقويميه تعليميه تنشئ الجيل القادم على اسس مدروسه مو مناهج كل ماتغير وزير تغيرت
مع اعجابي بالمناهج الحاليه لكن مواد الاخلاق والثقافه مهمه
ثم من البلديات قتل البيروقراطيه الموجوده فيها وتحديثها وتحديث المواد والانظمه القديمه جدا وتعيين مهندسين ذوي كفاءه وفلتات في مجالهم (الاستفاده من البلديات الانجليزيه معجب بتنظيمهم جدا )
هنا التغيير التدريجي يبدأ من ٠ الى القمه اما تجمل الراس والجسد مترهل مايصلح
والله الكلام يطول ولو تكلمنا احتجنا ايام نكتب والله ينفع بالرؤيه (ونصير اول دوله من العالم )
