لله يسعدك ولا تعصب ولا تزعل وانا وجهة نظري مكن تفرق شوي فما يهمني ريبوت طاير والا صناعه خارقه وتركن يهمني لو جلد حمار مطلوب وينباع الله يكرم القارئ لان المهم الماده الي تجي عن طريق صناعه توصل لاكبر عدد ممكن
الي عندنا النفط يساهم في اكثر من ربع مليون صناعه وتقريبا الي ذكرت في رد ثاني عن الملابس والجوال وحتى الكمبيوتر الي عندك تخش فيه صناعات بتروليه ومو مجرد وقود يعني لو مافي بترول كان كثير من الصناعات ما قامت لكن العيب ان يباع خام وبثمن بخس ترجع فيه الصناعات باسعار باهضه
صحيح سياره وبوك وملابس لاحظتها لكنك تجاهلت بيتك الي تسكن فيه راجع الصناعات السعوديه الي داخله فيه دقق فيه وشوف المنتجات ولا تعاند فعنادك بيكون محدود فيك وحدك وراجع المنتجات الغذائيه الي تستهلكها اذا اخذت لك مقاضي شوف وش المنتجات السعوديه فيه بتقول مافي شي وما تاخذ منتجات سعوديه فحدد موقعك من الاعراب في مسألة المطالبه بصناعه سعوديه
نسمع كلام ان السعوديه دوله مستهلكه وعاله على الشعوب فاذا هي عاله هل هي دوله تشحذ وكم حجم صادراتها مقابل كم حجم وارداتها فمافي احد يقول دولته تصدر كل شي وما تستورد شي بمافيها الدول الصناعيه واذا ان بلدنا يكون عاله اذا يستورد فدول الشرق والغرب عاله لانها تستورد
اذا فيه منتج تريد تصنعه هل راح تبدى من الصفر وتصنع المصنع الي تصنع فيه الصناعه او انك في حاجه لمن يصنع لك المصنع بنفس الاستنساخ لصناعه مع تعديل القوالب حتى تعطي شكل مختلف ابرة الخياطه هي نفس ابرة الخياطه ولو حبيت تعدل تعديل بسيط هي هي صبها وردها والسياره هي نفس السياره ما خبرنا سياره يابانيه تطير بجناح فوق الطرقات ولا سياره المانيه تحفر تحت الارض عشان تكمل مشوار صبها وردها مع تغيير التصميم سيدان ولا حوض والا عائليه عدل في التصميم واكبس لك من كم مصنع اسلاك على محركات على زجاج على كوم صاجات مكبوس على بلاستيكيات وكم شغله معدلين التصميم يعنني وهم مو بادين بصناعة المصنع الي يصنع لهم فوش الابتكار المستحدث الا نقل التقنيه والاهم والمهم موالاستعراض بالصناعه المهم كم الناتج من الصناعه كم القرنقش كم المحصله السنويه لنفرض صنعنا 10 مليون سياره والارباح في كل سياره 50 الف بعد خصم كلفة الصناعه والتشغيل والشحن حتى ينتج معانا 500 مليار وش بيزيد حتى لو كان مبلغ مبالغ فيه وخرافي مقارنه بارباح شركه تويوتا الي تنتج قرابة 9 مليون سياره وبربح قرابة 5 مليار دولار بينما سابك الي تتريق فيها ارباحها لثلاث شهور 2 مليار دولار فما بالك بارامكو واذا تويوتا داخله منتجاتها لكثير من الدول فكم داخله منتجات سابك في كم دوله
خذلك جوله في الصفحه هذي وقرب الصور وشوف المصانع يمكن يشرح لك الصناعات الموجوده من دون الحاجه لالغائها بمجرد كبسة كيبورد
اضغط على شعار المدينه الصناعيه الي تريد وشوف المنتجات الي تصنع هل ترتقي لطاقيه وشماغ او مافي صناعه تذكر
وعاد قارن المبيعات مع مبيعات غواصة ابو ديه اذا كتب لها ربي ان في دوله تشتري لها غواصه ديدويه حتى تجري فيها ابحاث في قاع المحيط
المهم الماده كم يجيك والمهم كم زبون بيشري منك وكم بيعطيك ارباح اما صناعه عشان ينقال نصنع وووز طاااع لا تتفوق على صناعة الشرق ولا الغرب فحلو نقل التقنيه اذا منها جدوى اقتصاديه اذا بتنافس او خلك على البترول والبتروكيماويات المربحه واشتر بجزء من ارباحها بدال ما تحط لك مصانع عرطله لا وجه في مقعد ومغير تطارد فيها دول تطارد الي سبقتها بعقود فخل اوربا والصين وروسيا يصنعون لك اسحله تفضلها على الاسلحه الامريكيه ثم اذا تطوروا المحاربين القداما رواد الحربين يمدي الشرق الاوسط يصنع طائره تنافس الجربين والا اقولك يمدحون السسنا الي هاوي صناعة طيران ياخذ فره فيها والي تكسبه من صناعه العب به
اضافه صحيح تنويع الصناعه يعطي ناتج اكبر زي امريكا ناتجها 15 تلريون دولار في السنه واليابان 5 تلريون دولار لكن وين مصير التلريونات هل هي في خزينة الدول ويلمس نتايجها الشعب او انها ملك تجار يرمون للموظفين الفتات وكدسوا ثرواتهم لجل تحسب مجرد ارقام والي تحصله الحكومه يا شراكه او جمركه او تاجير او ضريبه والباقي خارج السيطره ممكن في اي وقت يرحل التاجر ويستثمر في بلدان متعدده او يقلص تاجر استثماراته في البلد وعندك قرابة 6 تلريون ريال استثمارات خارجيه من التجار السعوديين لاحصائيه سابقه ممكن زادت يضاف معها 1.7 تلريون استثمارات مؤسسة النقد خارجيا تفرق في ناتجك المحلي وتصب في ناتجك القومي فوش ياترى تسوي في الخارج اتوقع انهم يقشروا فيها بصل ومنتضرين رايي ورايك والا فاضين يقرونه فاهلا بالصناعه لكن يكون مردودها مادي وحيا الله البترول الي يجينا منه فايده خل صناعة زعيط ومعيط
![:walw[1]:](/vb/data/assets/smilies/c39c84e393dbca960a05b9f45e20e07203df7b3c.gif "-- :walw[1]:")
