رد: معادله جديد للامين العام لحزب الله
هههههه عنجد اكتر شي عجبني بالموضوع حس الدعابة يلي عند البعض
شي بيقول انو السيد حسن عم ينفذ اجنده ايرانية وشي بيقول الحزب ما انتصر بالحرب عشان صار في قتلى ودمار
لا ولو شو عم تحكو ,, على اساس هاي اول حرب بيروح فيها قتلى ودمار ,, الحروب التانية ما صار فيها قتلى ولا تدمر حجر
شو عم تحكو انتو !! يعني ما زال الاخ ادهم تفضل وحكى عن الحروب المصرية مع اسرائيل ,, معليش كم شهيد مصري استشهد بالحرب وكم بناية وقعت ؟؟؟ يعني ها انتصار وهيداك لاء
وهلء في اخوان بدن يقولو انو الحزب هو سبب بدء الحرب ,, طبعا كلكن خبراء بالامور العسكرية او على القليلة بتعرفو بالحروب العسكرية وشو صار على مر السنين ,, شي مرة شفتو حرب بهل الضخامة كرمال اسيرين
واذا هل الاسيرين سبب لنشوب الحرب ,, قبل الحرب كان في اد ما بدكن معتقلين لبنانين بالسجون الاسرائيلية يعني كان بيحقلنا نعمل حرب اضرب من هاي على 100 مرة
طيب وفي حال كل هل الحجج ما كانت مقنعة الكن ,, مين الطرف يلي طالب بوقوف الحرب ؟ مش الاسرائيلي ؟؟ يعني معقول الاسرائيلي هو المنتصر وكمان طالب بانتهاء الحرب !!
هاي مسألة انتصار الحزب محسومة ويا عمي اذا ما بدكن تسموها انتصار الحزب سموها هزيمة اسرائيل ,,
تاني شغلة,, قصة الاجندة الايرانية ,, خلينا نحكي بالواقع العقلاني ,, حزب الله عم يحارب الصهاينة بما انن خطر عليه ,, وايران هي القوة الوحيدة يلي داعمة الحزب بالسلاح ,, هيدا الشي ما بيعني التبعية ,, يعني لو اجت سورية او تركيا او حيلا بلد بالعالم وعطى الحزب سلاح بيكون تابع الو ؟؟ طب ها امريكا عم تدعم مصر وغيرها من الدول بالسلاح ,, هيدا الشي بيعني انو مصر تابعة لامريكا ؟؟؟ نحنا عايشين على الحدود وبندافع عن ارضنا وبيوتنا لو بالحجر والسكين والحمد لله في مين يدعمنا بالسلاح
وبالنسبة للجليل ,, مش مضطرين تصدقو السيد حسن وحزب الله بس الكل بيتذكر التقارير الامريكية يلي نشرت من سنة على الانترنت عن خطر دخول حزب الله على الجليل وحكو بشكل مفصل عن الاحتمالات والخطط وبعض الامور ,, بعدين عمق الجليل كلو 15 كيلومتر يعني مش هل الشي الصعب لحتى نقول انو امر مستحيل
مش غلط يفوت الحزب على الجليل بلكي الخطوة القادمة بتكون تحرير القدس ان شاء الله وبترجع فلسطين لاهلها ونخلص من هل الكيان الغاصب
30[1]:
ما حدا رح يزعل اذا تحررت فلسطين ان شاء الله يحررها الحزب او الصومال او الهند او كوريا ,, المهم انو فلسطين تتحرر مش مهم مين بيحررها
مشكور خيي على طرح الموضوع
