وزير الصناعة المصرى الجديد فى تصريحات اثارت الجدل عن الصناعه فى مصر

[EL-3kaad]

والله هيا العقارات محدش ينكر انها بتحفز صناعة الحديد والاسمنت في مصر ادام مفيش نية لتصدير الحديد والاسمنت المصري الى كل دول العالم . يعني عندنا صناعات متاحة كتير وعجز في الميزان التجاري واحنا محلك سر .

لازم ننقل مصر لعصر صناعة خطوط الانتاج لاى صناعة من الصفر بايدي مصرية تماما . وده كمان لازم ننقل تقنياته من الخارج لنواكب عصر الصناعة . متنقلش مصر تقنيات الصناعة نفسها وننسى خطوط الانتاج اللى هيا اصلا اساس اي صناعة . لانه بكده مصر تحت رحمة الدول الاخرى وانا كرامتى كمصري لا يمكن ابدا ارضى بالقليل . ميكمن ده سبب ضعف الناتج المحلى الصناعى المصري .

مش فاهم إنت واخد الموضوع على كرامتك ليه؟

إحنا مش بنتكلم عشان نقلل من البلد، بالعكس.. بنتكلم لأن مصر تستحق أكتر بكتير. بإمكانياتها وموقعها وسوقها، الطبيعي وعدد سكانها إن صادراتها تكون في حدود 150 مليار دولار مش 48 مليار دولار اغلبها مشتقات بترول وتعدين

بص حواليك وقارن نفسك بالناجحين ده حتى إسرائيل صادراتها بتوصل لحوالي 160 مليار دولار

المشكلة الحقيقية فى الفكرة إن فيه فجوة كبيرة بين اللي نقدر نوصله واللي وصلناله.



أنا متفائل بالوزير انه فاهم بجد مش بوط دعائى ، بس أصل المشكلة فالمنظومة كلها بداية من التعليم واهتمام الحكومه والقطاع الخاص بالصناعة مش بالسبوبه والسمسره والعقارات والخدمات
مفيش دوله بتبنى قوه صناعية حقيقة بالدعاية وتغطي المشاكل تحت السجادة


الأرقام دائماً فاضحة

 

[Egyptian Army Hell March]

مش فاهم إنت واخد الموضوع على كرامتك ليه؟

إحنا مش بنتكلم عشان نقلل من البلد، بالعكس.. بنتكلم لأن مصر تستحق أكتر بكتير. بإمكانياتها وموقعها وسوقها، الطبيعي وعدد سكانها إن صادراتها تكون في حدود 150 مليار دولار مش 48 مليار دولار اغلبها مشتقات بترول وتعدين

بص حواليك وقارن نفسك بالناجحين ده حتى إسرائيل صادراتها بتوصل لحوالي 160 مليار دولار

المشكلة الحقيقية فى الفكرة إن فيه فجوة كبيرة بين اللي نقدر نوصله واللي وصلناله.



أنا متفائل بالوزير انه فاهم بجد مش بوط دعائى ، بس أصل المشكلة فالمنظومة كلها بداية من التعليم واهتمام الحكومه والقطاع الخاص بالصناعة مش بالسبوبه والسمسره والعقارات والخدمات
مفيش دوله بتبنى قوه صناعية حقيقة بالدعاية وتغطي المشاكل تحت السجادة


الأرقام دائماً فاضحة

انا زي حضرتك بالضبط دايما دايما متفائل جدا وعارف اننا فراعنة اولاد فراعنة والتانيين مين وولاد مين . لكن ساعات بيجيلي خنقة وببقى زهقان زهق مش طبيعي مش اكتر ولا اقل وحضرتك اخ عزيز جدا بشكرك على التفاؤل الزهق عندي خف شوية من المشاركة الحلوة دى . مصر هتقوم يعني هتقوم بينا ان شاء الله . هما حبت زهق وهيروحوا ان شاء الله .

 

[EL-3kaad]

وزير الصناعة المصري، خالد هاشم:

نعمل مع مكتب استشاري عالمي لتحديد نحو 6 صناعات يمكن أن تصبح مصر ضمن أفضل 3 دول عالمياً فيها خلال 5 إلى 7 سنوات

ندرس إطلاق صناديق استثمارية لتوجيه مدخرات المصريين نحو القطاع الصناعي

السماح بتأجير الأراضي الصناعية دون اشتراط مرور 3 سنوات تشغيل لتسريع وتيرة الاستثمار

حوافزإضافية لمحافظات الصعيد تشمل تسهيلات في أسعار الأراضي وسرعة التراخيص

 

[EL-3kaad]

 

[صقور مصر]

جريئ وصريح وبتعجبني افكاره

 

[Egyptian Army Hell March]

هوا يقصد ان الواحد لما بيبدأ كرجل اعمال بيبدأ بشركة صغيرة او متوسطة وبيكبر بعد كده لان دى هي البداية الحقيقية لاى حد كبير انه بيبدأ صغير والمفروض نراعيه ونحل مشاكله عشان يكبر .

 

[EL-3kaad]

هوا يقصد ان الواحد لما بيبدأ كرجل اعمال بيبدأ بشركة صغيرة او متوسطة وبيكبر بعد كده لان دى هي البداية الحقيقية لاى حد كبير انه بيبدأ صغير والمفروض نراعيه ونحل مشاكله عشان يكبر .

لا هو يقصد ان التسهيلات من الحكومه والبنوك بتكون ميسره لرجال الأعمال الكبار بينما الورش الصغيره والمتوسطة بيكون الامر صعب عليهم وان ألمانيا بدأت بالصناعات المغذيه والمصانع الصغيره

 

[Egyptian Army Hell March]

لا هو يقصد ان التسهيلات من الحكومه والبنوك بتكون ميسره لرجال الأعمال الكبار بينما الورش الصغيره والمتوسطة بيكون الامر صعب عليهم وان ألمانيا بدأت بالصناعات المغذيه والمصانع الصغيره

منا بقول برضوا من منظور اخر . يعنى معنى من معانى كلامه . متقلقش كلام سليم .

 

[9M728]

اعجبني الرجل ما شاء الله

 

[gohman]

إجمالي الصادرات السلعية المصرية لعام 2025 (يناير-ديسمبر):
52.009 مليار دولار أمريكي

الصادرات غير البترولية منها: 48.567 مليار دولار

توزيع الصادرات غير البترولية حسب أهم القطاعات
-مواد البناء: 14.880 مليار
-المنتجات الكيماوية والأسمدة: 9.419 مليار
-الصناعات الغذائية: 6.803 مليار
-السلع الهندسية والإلكترونية: 6.468 مليار
-الحاصلات الزراعية: 4.692 مليار
-الملابس الجاهزة: 3.394 مليار
-الغزل والمنسوجات: 1.167 مليار
-الصناعات الطبية: 996 مليون دولار
-الطباعة والتغليف والورق والكتب: 935 مليون دولار
-المفروشات: 638 مليون دولار.
-الأثاث: 427 مليون دولار.
-الجلود والأحذية والمنتجات الجلدية: 107 ملايين دولار.
-صادرات الذهب: 7.6 مليار دولار

 

[Egyptian Army Hell March]

إجمالي الصادرات السلعية المصرية لعام 2025 (يناير-ديسمبر):
52.009 مليار دولار أمريكي

الصادرات غير البترولية منها: 48.567 مليار دولار

توزيع الصادرات غير البترولية حسب أهم القطاعات
-مواد البناء: 14.880 مليار
-المنتجات الكيماوية والأسمدة: 9.419 مليار
-الصناعات الغذائية: 6.803 مليار
-السلع الهندسية والإلكترونية: 6.468 مليار
-الحاصلات الزراعية: 4.692 مليار
-الملابس الجاهزة: 3.394 مليار
-الغزل والمنسوجات: 1.167 مليار
-الصناعات الطبية: 996 مليون دولار
-الطباعة والتغليف والورق والكتب: 935 مليون دولار
-المفروشات: 638 مليون دولار.
-الأثاث: 427 مليون دولار.
-الجلود والأحذية والمنتجات الجلدية: 107 ملايين دولار.
-صادرات الذهب: 7.6 مليار دولار

هوا الواحد الصراحة رأيه انه مصر لما تحاول تعزز صادرتها من الزراعة لازم فعلا تحقق الاكتفاء الذاتي من كل السلع تماما وتحقق فائضا لنفسها اولا قبل ان تصدر للاخرين ويجب ان تكون كل الزراعات ذات جودة ولمدة امنة جدا .

الواردات البترولية انا مش زعلان منها ابدا عايزنها بزيادة دائما هي وبقية المعادن الاخرى وابدا ليكون لدينا احتياطي استراتيجي يكفي لشهرين وثلاثة اشهر .

ايضا لازم تكون الصناعة هي الحل . لان ميزان العجز التجاري المصري بلغ في السنة الواحدة 60 مليار دولار ما يعني ان هناك امكانية تصدير 60 مليار دولار صادرات . يجب ان تدرس مصر ما هى امكاناتها الصناعية لسد هذا العجز تماما والتصدير للدول الاخرى . مثل تصدير الحديد والاسمنت على سبيل المثال الى الصين .التى تصدر لنا 19.97 مليار دولار بينما مصر تصدر لها ما يقرب من 819 مليون دولار فلماذا لا تكون الصادرات المصرية الى الصين مساوية بنفس المقدار للصادرات الصينية الى مصر .

وان لا نوقف استيرادنا للسلع من الدول الاخرى لاننى اتمنى ان يظل العجز مستمرا ونحن نقوم بمحاولة سد هذا العجز حتى يكون لمصر احقية في سد هذا العجز باستمرار لتزيد صادراتنا الصناعية وتنموا من دون توقف .

 

[Ozone]

ان كان الكلام صحيح فلماذا تركيا تقدمت ولم نسمع لها صوت ؟؟؟؟

تركيا كلما توسعت صناعيا زاد التضخم و انخفظ سعر الليره بسبب المكون الاجنبي و زياده الاستيراد و زياده الطلب على الدولار

 

[kh.ka.13]

لا هو يقصد ان التسهيلات من الحكومه والبنوك بتكون ميسره لرجال الأعمال الكبار بينما الورش الصغيره والمتوسطة بيكون الامر صعب عليهم وان ألمانيا بدأت بالصناعات المغذيه والمصانع الصغيره

بالظبط الي كان بيسال هنا تركيا نهضت ازاي روح شوف اردوغان لما جه كان مخلي بنوك الدولة و المنح الاوروبية كلها قروض لاصحاب الورش و المصانع الصغيرة و المتوسطة بفوادي لا تذكر لغايت ما بقي فيه قاعدة صناعية محترمه احنا و احنا صغيريين حضرنا الشركات التركيه الي شغاله مثلا في مجال السلاح كلها و هي لسة اصحبها شباب و تعتبر حلم صغير شوف وصلو لايه دلوقتي مش بلد تاخد كل المنح الاوروبية لوزير واحد عمال يصرفها علي وسايل نقل مش هتلاقي حاجه تنقلها يعني بيجلنا منح من سنين عشان نعمل مشاريع للمحافظات الطاردة للشباب للهجرة لاوروبا انا من كفر الشيخ مثلا الي هي مركذ رايسي للهجرة حد سمع عن مدينه صناعية ولا مشاريع بالفلوس دي من ضمن الفلوس دي منح للتعليم الصناعي اوروبا بتقلك بدل ما بتيجي اسود بتدي مصر منح المفروض تعلم شباب المحافظات دي حرف اوروبا محتجاها ويسافرو شرعي حد شاف المشاريع دي الوزير المرادي اتكلم ان الفلوس دي لازم تتصرف علي المحافظات دي و يتعمل نها صندوق يساعد الشباب هناك تعمل ورش و مصانع صغيرة كا صناعات مغذية للصناعات الكبيرة ابسط حاجه اتكلم فيها ان مصانع الاسمنت و الصلب بتستورد سنويا صوف حراري لتبطين الافران بحوالي 150 مليون دولار يعني دخلين في مليار الا ربع سنويا لو اتبني مصانع صغيرة عل حدود القري الي بتهجر عيالها كل ١٠ شباب يمتلكوا خط انتاج صغير و هما يبقو الملاك و العمال دي لوحدها هاتقوم كام قرية مليار حنيه سنويا منتج دائم الطلب و بيخش اصلا في ميات الصناعات و ممكن تصدرة عرفين لو تم تجميع الحجات البسيطة دي بس ممكن يبقي عندك فوق ال 500 نوع صناعة صغيرة محتاك في كل واحدة مش اقل من 100 مصنع و رشة من صغيرة لمتوسطة كان حد عندة مشكلة بيتكلم ان مصر بتستورد احماض و ملح لمون سنويا باكتر من ٤ مليار دولار ل 12نوع حمض و املاح حمضية و مكناش بندخل الصناعة دي عشان بتحتاجتكلفه و مصانع ضخمة دلوقتي الصين بمكينات جديدة صغرت حجم المصانع و التكلفة الراجل حب يصنع ملح اللمون و ٣ احماض تانية مدوخينه بقالة ٦ سنين السبع دوخات عشان مش ع فين يوصفو نوع الصناعة ايه و يقلولة اصل جامعة القاهرة عملت دراسة قبل كدة وقالت التكلفة عالية جدا يقلهم دا كلام قديم و بعدين انتم مالكم اظوني الرخصة و المساحه الي طلبها وحسبوني الراجل بيتكلم انه يقدر يوفر من مصنع واحد من ١٥ ل٢٠ مليار جنيه مستوردات من اصل ٤ مليار يعني ٢٠٠ مليار جنيه جالك حد بمصنع واحد هايوفر 10 % من فاتورة استيراد المواد دي و دي اكيد بدايه هاتشجع غيرة يفتح فا ممكن تقلب الرقم من عجز 4 مليار دولار ل تصدير بنفس الرقم يعني عمليا هاتبقي بتكسب 8 مليار دولار لغايت يومنا ده الراجل لا اخد رخصه و لا ارض

 

[Amenmobi]

يا اخي اخيرا حد بيفهم وقال مشكلتنا فين
في مشكلة كمان كبيرة .... احنا اذا اخدنا منتج وصنعناه مش بنعرف نسوقه كويس ونبيعه كويس .. ودي ملاحظه اوي


نقطة في غاية الأهمية برده اتقالت في الاخبار .. انا كمواطن مش بثق في البورصة المصرية .. ملهاش كاتلوج.. حتى الذهب برده مبقاش عندي ثقة فيه بسبب لعب التجار في مصر



فالدولة تشوف ايه الصناعات أو الحجات الصغيرة اللي ناقصة عندنا وتبدأ توزع أسهم بناء للمصانع دي وتبين المميزات بتاعتها وايه مستقبلها .. خيا بدأت بعقارات زي nawy share وكده ... نفس الأمر يتعمل في المصانع و الناس تشغل فلوسها و الحكومة و الرقابة المالية تشرف على الموضوع ده .. و البلد تشوف ايه المشروعات الصغيرة اللي تخدم على مشاريع كبيرة وتجيب عوائد و الناس تستثمر فيها .. و العجلة شغالة .. وتنظم ليه قيود تحافظ على المنشآت دي وتفضل شغالة

و المصريين مش بيغلبوا .. كده هتلاقي المصري اللي بره وكمان اللي جوا شغال وبيستثمر وكمان شايف ان فيه عجلة دايرة فعلا مش قاعد على شهادة في بنك ولا عقار ولا ذهب ولا صندوق أسهم .... الكلام ده كله نش هينفع البلد الا في حجات ثانوية .. اكن الخطة دي تمشي البلد وتخليك تعمل مصانع كتير و ورش صغيرة تحولها شبه الصين حرفيا

 

[kh.ka.13]

تركيا كلما توسعت صناعيا زاد التضخم و انخفظ سعر الليره بسبب المكون الاجنبي و زياده الاستيراد و زياده الطلب على الدولار

مشاهدة المرفق 870291

فية فترة كانت بتحصل مضاربات من دول الخليج علي الليرة التركي ايام الخصام و هو دا كان سبب رايسي في انهيار العملة بس برضو نكون وضحين العملة لما انهارت تم رفع الاجور بمايوازي انهيار العملة مش زي عندنا العملة وقعت و الاجور زي مكانت في ٢٠١٦

 

[kh.ka.13]

يا اخي اخيرا حد بيفهم وقال مشكلتنا فين
في مشكلة كمان كبيرة .... احنا اذا اخدنا منتج وصنعناه مش بنعرف نسوقه كويس ونبيعه كويس .. ودي ملاحظه اوي


نقطة في غاية الأهمية برده اتقالت في الاخبار .. انا كمواطن مش بثق في البورصة المصرية .. ملهاش كاتلوج.. حتى الذهب برده مبقاش عندي ثقة فيه بسبب لعب التجار في مصر



فالدولة تشوف ايه الصناعات أو الحجات الصغيرة اللي ناقصة عندنا وتبدأ توزع أسهم بناء للمصانع دي وتبين المميزات بتاعتها وايه مستقبلها .. خيا بدأت بعقارات زي nawy share وكده ... نفس الأمر يتعمل في المصانع و الناس تشغل فلوسها و الحكومة و الرقابة المالية تشرف على الموضوع ده .. و البلد تشوف ايه المشروعات الصغيرة اللي تخدم على مشاريع كبيرة وتجيب عوائد و الناس تستثمر فيها .. و العجلة شغالة .. وتنظم ليه قيود تحافظ على المنشآت دي وتفضل شغالة

و المصريين مش بيغلبوا .. كده هتلاقي المصري اللي بره وكمان اللي جوا شغال وبيستثمر وكمان شايف ان فيه عجلة دايرة فعلا مش قاعد على شهادة في بنك ولا عقار ولا ذهب ولا صندوق أسهم .... الكلام ده كله نش هينفع البلد الا في حجات ثانوية .. اكن الخطة دي تمشي البلد وتخليك تعمل مصانع كتير و ورش صغيرة تحولها شبه الصين حرفيا

تخيل فعلا لو اتنشا صندوق استثماري للصناعات الصغيرة و المغذية و يتضخ فية نص التحويلات الي بتيجي من برة بدل ما بيتعمل بيها شهدات بنوك تستثمر في شراء ديون الدولة وزيادة التضخم و تدمير العملة و يبقي فية وعد ان انت لو استثمرت ٥ سنين او اكتر الصندوق هايساعدك بانه يوفرلك شريك و مصنع صغير في صناعة من الصناعات دي لما ترجع بلد بلد ام المشاريع الفاشلة الي كلها في تجارة خايبة الي بتضيع الفلوس و ترجع غص عنك مضطر تسارف تشتغل تاني لان فلوسك راحت

 

[Amenmobi]

تخيل فعلا لو اتنشا صندوق استثماري للصناعات الصغيرة و المغذية و يتضخ فية نص التحويلات الي بتيجي من برة بدل ما بيتعمل بيها شهدات بنوك تستثمر في شراء ديون الدولة وزيادة التضخم و تدمير العملة و يبقي فية وعد ان انت لو استثمرت ٥ سنين او اكتر الصندوق هايساعدك بانه يوفرلك شريك و مصنع صغير في صناعة من الصناعات دي لما ترجع بلد بلد ام المشاريع الفاشلة الي كلها في تجارة خايبة الي بتضيع الفلوس و ترجع غص عنك مضطر تسارف تشتغل تاني لان فلوسك راحت

صدقت

الواحد تعب من الفشلة اللي موجودين

 

[Ozone]

فية فترة كانت بتحصل مضاربات من دول الخليج علي الليرة التركي ايام الخصام و هو دا كان سبب رايسي في انهيار العملة بس برضو نكون وضحين العملة لما انهارت تم رفع الاجور بمايوازي انهيار العملة مش زي عندنا العملة وقعت و الاجور زي مكانت في ٢٠١٦

اشاعه مضاربات دول الخليج بالليره مجرد ادعاء من خرفان قردو لتبرير السقوط.. و الرواتب ارتفعت لكن ليس بما يوازي التضخم او حتى قريب منه كثير من الاتراك في الطبقه تحت المتوسطة يبحث عن فرصه الهروب الي اوروبا

سقوط الليره مستمر منذ 2010 بشكل سنوي و بسبب خلل إداري و مالي في تركيا مثل الاصرار علَى عدم رفع نسبه الفائدة و بسبب تضخم فاتوره الواردات و الطاقه و تكلفه الديون

 

[فيـصل فيـصل عضو موثق.]

في مفاجآت للكثيرين قال المهندس خالد هاشم وزير الصناعة منذ أيام إنه لكي نصل إلى صادرات ١٠٠مليار دولار فإنه يتعين أن نستور مكونات أجنبية ب ١٤٠ مليار دولار فيما اعتبره البعض مفاجاة كبيرة وخلل في منظومة الصادرات
وان فى بعض الصناعات المكون الاجنبى يصل فيها 85% وياخذ دعم حكومى من تنمية الصادرات

وان الوصول لصادرات 100 مليار دولار فى 2030 غير واقعى

التغلب على ذلك يكون بتعميق التصنيع المحلي وزيادة نسبة المكون الوطني في المنتجات المراد تصديرها وتوطين الصناعات المغذية لها وربط دعم الصادرات بالقيمة المضافة المحلية لا بقيمة الصادرات فقط .
عندها تصبح زيادة الصادرات أكثر استدامة وتحقق أثراً حقيقيًا على الاقتصاد .

و المقصود بـ ربط دعم الصادرات بالقيمة المضافة المحلية هو أن يكون مقدار الدعم مرتبطًا بما أُنتج داخل البلد وليس بقيمة السلعة المصدّرة فقط ومثال بسيط على ذلك .
1. مصنع يصدر منتجًا بقيمة 100 دولار.
2. لكنه استورد مكونات بقيمة 85 دولارًا.
3. إذن القيمة التي أضافها محليًا (أجور، تصنيع، تجميع، مواد محلية، أرباح...) هي 15 دولارًا فقط.
في هذه الحالة، يكون الدعم الحكومي مبنيًا على 15 دولارًا من القيمة المضافة المحلية أو على نسبة المكون المحلي وليس على كامل الـ100 دولار والهدف من ذلك هو تشجيع الشركات على :
1. زيادة استخدام المكونات المحلية.
2. توطين الصناعات المغذية.
3. خلق وظائف وقيمة اقتصادية أكبر داخل الدولة بدل الاعتماد على تجميع مكونات مستوردة ثم إعادة تصديرها .​

 

[فيـصل فيـصل عضو موثق.]

اشاعه مضاربات دول الخليج بالليره مجرد ادعاء من خرفان قردو لتبرير السقوط.. و الرواتب ارتفعت لكن ليس بما يوازي التضخم او حتى قريب منه كثير من الاتراك في الطبقه تحت المتوسطة يبحث عن فرصه الهروب الي اوروبا

سقوط الليره مستمر منذ 2010 بشكل سنوي و بسبب خلل إداري و مالي في تركيا مثل الاصرار علَى عدم رفع نسبه الفائدة و بسبب تضخم فاتوره الواردات و الطاقه و تكلفه الديون

الدولار مقابل الليرة التركية فقط فترة 5 او 6 سنوات