وشهد شاهداً من اهله
جبنالكم حكم مصري يتكلم
وضع
@Marwan2001 و
@بأحث في التاريخ
بعد ما خطة نحط اللوم عالتحكيم خربت
يا سيدي الفاضل الموضوع مش لقطة واحده او جول ملغي بس حصل امامة جول بنفس الطريقة
بل كل اسلوب ادارة المباراة تحيز واضح
- شناوي دفع للارض بدون كورة و محصلش كرت
- امام عاشور تم ضربه باليد على الوجه بعيدا عن الكورة او فائدتها بشكل غير مبرر اطلاقا و محصلش كارت
- صلاح تم دفعه في كرة قبل موضوع منطقة الجزاء لما ضحك للحكم انه محصلش حاجة و محصلش كارت
- ميشي شخصيا راح بتخانق مع الجهاز الفني و لما ردينا اطرد من عندنا حد
انا امبارح قلت الغلطة غلطتنا لان التركيز ضاع في 10 دقايق و كنا متقدمين 2-0 صفر فا ازاي يدخل فيك 3 اجوال و تنسى تركيزك .. اللي دخل فينا الاجوال الارجنتين مش الحكم .. امبارح انا كنت شايف دي غلطتنا فعلا او ان المدرب و اللاعيبة الكبار لازم يهدو الصغار و نركز على الكورة و النتيجة لكن جيت افكر فيها تاني انت كا انسان ايا كنت كبير صغير محترف او لا ليك طاقه لو حسيت انك بتحارب ظلم مصمم انك تخسر حتى لو الظلم دا كان 60% او اقل من اللي انت اقتنعت بيه حتفقد تركيزك انت بشر في النهاية فا ليه نوصل للمرحلة دي و دا كلام الان شيرار حتستعمل الفار للدرجة دي ب 80 متر بعد اللعبه يبقى تستعمله لكل ظرف و كل موقف و كل ثانية لان دي بطولة ضخمه ... العدل .. حطلع كارت لمصر على تدخل عنيف او صغير يبقى تطلعه لميسي لما تدخل على لاعب الجزائر و كانت رجله حتكسر
فكرة تعليق الشماعه على التحكيم يأس بس في نفس الوقت فيها منطق ما انا كبشر و كلنا مختلفين في ال trigger النفسي لكن ضمن حشد و بطولة و مسؤولية و مقدم اداء ممتاز الاقي كل التحيز التحكيمي دا حفقد اعصابي انا مش عارف كل لاعب كان حاسس بايه لما الاقتناع دا زاد سواء كان مبرر او لا بس هوا حصل و اكيد حصل بسبب قرارات التحكيم التحيزية .. انا مش عارف التحم بلاعبين الارجنتين على راحتي عشان حاخد كرت دا اقتناع حصل لان الكروت عماله تطلعلي على ولا حاجة و النتيجة الارجنتين ارتاحت اكتر في الالتحام فا هيثم اتصاب و بالتالي منطقة نقل اللعب لدينا انتهت و اصبحت الارجنتين اكتر خطورة بكتير .. قبل خروج هيثم الارجنتين حرفيا لم تاتي المباراة و بعده انفجرت هل دا ذنبي ؟!
هل المنتخب اخطا في قرارات و تبديلات و خطط و استعداد و ترك اخر 10 دقايق تضيع من موقع متقدم ... نعم بلا ادنى شك
بس هل الوم انهيار النفسية البشرية على المنتخب اللي ادت لتلك القرارات الخاطئة ... لا طبعا السبب فيها التحكيم
هيا الفكرة عدل بس متقولش امبارح ولا لاعب ارجنتيني ماخدش ولا كارت خصوصا زقة شوبير و المثير للشفقة ان الارجنتين و ميسي مش محتاجين حركات قرعة زي دي عشان يكسبو او يكونو الارجنتين بالعكس انت بتاخد من مجدهم و مسيرتهم و تاريخهم و انجزاتهم بهكذا امور بتقلل منهم من الاخر .. المعزة مش محتاج حكم يظبطه المعزة عمل في 17 سنه اللي متعملش مين انت عشان تضيف ليه .. و النتيجة كل الكوكب نازل فيه شتيمه و في الفيفا هل دا تسويق ناجح هل دا حيفرح ميسي بعد 20 سنه لما يبص على الموضوع من منظور اخر الا لو هوا حابب بقى و مش فارقه معاه حينها طز
