مجموعة طلعت مصطفى المصرية تبني مدينة جديدة "The Spine" بقيمة 27 مليار دولار شرق القاهرة

[batteryneon]

برنس التسويق العقاري هنا
رؤيتكك دايما واضحة وصحيحة في المجال ده
ما شاء الله عليك ربنا يحفظك

حبيبي تسلم

 

[batteryneon]

مشروعهم في الجلالة اسمه المونت الجلالة كان معروض عليا وقتها وكان رخيص جدا لكن بعد تجربتي معاهم في فوكا اقتنعت انهم شركة غير ملتزمة بمواعيد ومنصحش حد يتعاقد معاهم

بعتها من زمان لا بيه ولا حاجة اتزنقت في فلوسها في شغلي وسيلتها بالاقساط بتاعتها لاحد الاصدقاء

هو عامه انا شايف ان الشراء في الساحل مبالغه مالية ملهاش قيمه لان انا لو نفسي اصيف في الساحل او اقضي وقت الايجار يغني طبعا " يعني شايفها وجاهة اجتماعية اونطة لانك بتتدفع مبالغ ضخمه سنوية للخدمات والصيانه وفي الاخر بتكتشف انك دافع رقم من سبع ارقام عشان شاليه مصيفي هتقضي فيه اسبوعين بالكتير وكام يوم بتوع الاعياد وباقي السنه صحابك وزمايلك بياخدوها منك بالتناوب وشكرا

لما حسبتها لقيت مبلغ مدفوع ضخم + مبلغ من ٦ ارقام صيانه وخدمات سنويا عشان اسبوعين ثلاثه فسح = تبذير اوفر ، هي وجاهة اجتماعية لا اكثر وانا شخصيا مبحبش ده لذلك هتلاقيني ماسك تلفون سامسونج فئه متوسطه عادي وراكب عربية موديل ٢٠٠٨ عادي

بصراحه العقارات الفارهة في مصر شايفه رايح لطريق طبقي قذر متعودناش عليه في مصر ومنصحش حد يقع في فخ الوجاهة الاجتماعية حتي لو كنت ملياردير

لييييييييييييييييييييييييييييييييييييييه !! يا عم دخل حد معاك العقد او كذا حد و تبقى حصص و تأجروه بالدولار حيجيب والله

انت معاك حق ان العقارات في مصر بقيت واجهة اجتماعية و انا اقول كمان بقت عبارة عن فصل عنصري اجتماعي .. تنقية على الشكل و المظهر و المركز و مؤخرا على الباسبور كمان عيني عينك .. اللي هوا انت مصري انت متستهلش تبقى هنا .. معاك حق

و مصاريف الصيانه عالية قول شاليه اوضتين بكهربا و غاز حيوصل 100 او 150 الف انهارده لان مفيش عدادات هناك بتدفع الاستهلاك مع الصيانه شفت كدا في كذا مشروع و لسه الضرايب اللي طبقت

بس الفكرة راس مال .. استثمار .. بس ، في الزمن دا صعب تلاقي حاجة تجيب تمنها او تحفظ قيمتها ، انهارده نفس الشاليه دا مش حيقل عن 20 مليون و نص سعره تشطيب .. مستحيل re entry دا كان تمن فيلا في 2019 و صف اول على البحر كمان

مفيش مطور في مصر بيلتزم بمواعيد .. و مفيش مطور اصلا الا و بيظبط اموره في العقد بحيث لو هوا اتاخر ميأذيش نفسه لكن انت لو اتاخرت عن قسط واحد حيديك غرامه و حيسحب الوحده و يخصم من فلوسك 10% من تمن الوحده الكامل ... انا عارف كلهم عقود اذعان حتى سوديك اللي سمعت مش بتسلمك الا بتوكيل بيع لنفسها لو مكنتش مغطي 60-70% من تمن الوحده حين الاستلام في east vale ... الوحيد اللي بيبني قبل ما بيسلم هوا محمد الهادي في لافيستا معرفش بيعملها ازاي هوا الوحيد

عشان كدا في الشراء انت مجبر تدور على المطور السمعه لانك حتكون تحت رحمته للاسف في كل حاجة تقريبا و عشان كدا بكره مشاريع طلعت معلي نفسه سعريا اوي و مش بيقدم مستوى اللي فوق .. في حين لو فضل في مستواه حيحل ازمة السكن في مصر لانه urban developer مش مجرد مجرد مطور عقاري و معاه دراع مقاولات ضخم

و دي غلطة الدولة عشان مش موحده العقود بالانصاف للجميع و مراقبة حتة الصيانه لانه اصلا المطور واخد منك دفعة صيانه في تمن الوحده 10% فا بيدفعك صيانه سنوي تاني ليه ... بس الدولة نازلة السوق معاهم اصلا فا من مصلحتها ان دا يستمر