عندك خيارين تختار الحرب وتحارب وانت عارف النتيجة التدميرية لانك ماتقدرش توصل واشنطن او تختار اللعب السياسي والاعلامي الصح اللي يبعدك عن الحرب !!
لكن القصد من الكلام اننا فاشلين سياسيا واعلامياً ومخابراتياً ولازم نقر بالفشل عشان نعرف ننجح واي نفوذ نخلق عكننة اعلامية او سياسية مالهاش لزمة
سوريا تعاملنا معها بعبط من بداية الثورة وتدخلات مالهاش اي ستين لزمة سواء عن طريق اعلاميين او فنانيين وده محسوب عليك
وحتى بعد هروب بشار استعباط سياسي و اعلامي ماكنش المفروض يحصل سيب الناس هم احرار
ليبيا و السودان تدخلنا بشكل مالوش لزمة وكان ممكن نحلها لاحقا قسمنا البلدين نصين
مش البرهان عمل سلام مع اسرائيل ! افتكر حفتر ولا حد من اولاده ولا حكومة طرابلس وهي تستقبلهم او يروح عندهم وكل ده اضرار امنية مستقبلية
ممكن تسال حضرتك ايه البلد اللي ليك نفوذ فيها ف المنطقة !
بالنهاية انا مش عايز حرب لان النتيجة اوردي معروفة لكن نشتغل على انفسنا شوية والاهم نعترف بالعلة الظاهرة عيان بيان قبل معالجتها
الحرب في غزة لو اتوقفت فكرك الضغوط على مصر حتتوقف !! لا انت حتبقى مسؤول عن الناس بالداخل لانهم على حدودك
احنا ممكن نشوف تشابك اطفال و نسوان على الحدود مع جيشنا على الحدود او امن مركزي وضغوطات دولية و انسانية
الكلام ده انا كتبته في موضوع الحرب في غزة من اشهر وكل اللي اكتبه بشوفه يقرب
الكلام اللي انتا بتقوله ده مع كلمل الاحترام لشخصك عباره عن هراء محض
يعني ايه اصل العدو قدامي قوي فنسيبه يحتل ارضنا
دي مصيبه لو ده تفكيرك
اومال ايه لازمه الجيوش والاسلحه يبقا نوفر فلوسهم احسن
وبعدين هوا معيار النفوذ عندك اني اتدخل في كل المنطقه
وبعدين سوريا اللي النظام فيها هوا المعادي لمصر من قبل مايمسك الحكم حتي
ويأوون ارهابيين مصريين يمثلون خطر عليك
ثانيا ليبيا لولا تدخلنا لسيطر الاتراك والغرب المعادي لمصر علي الشرق ووصلو لحدودك
ثالثا السودان لولا دعمك ومساندتك للجيش السوداني لسيطر حميدتي علي كامل السودان
وعشان اريحك انا مش مطلوب مني التدخل في كل المنطقه
انا مش مطالب اني اضيع مواردي واشتت قوتي علي شعوب ودول مفتته
الوقت الحالي احاول احافظ علي الحد الادني من مصالحي وامني القومي
واركز داخل البلد اقوي اقتصادي اقوي جيشي واعيد تقويه نفوذي في المنطقه
اقتصادك لو بقا قوي وكبر مع قوتك العسكريه محدش حيعرف يضغط عليك او يلوي دراعك
