تمرد المارينز علي إنزال خرج !!
المسؤولين الامريكان ابلغوا اسرائيل و دول تانية في المنطقة , انهم بيستعدوا فعلا لتنفيذ العملية للسيطرة علي جزيرة خرج , و كتبوا علي ما يبدو انه مفيش بديل عن عملية عسكرية برية للسيطرة علي جزيرة خارك الايرانية , و ان عملية نشر الاف الجنود من مشاة البحرية بدا بالفعل , و لكن الامر الغير متوقع هنا من داخل الجيش الامريكي نفسه , بتكشفه صحيفة هاف بوست الامريكية , و اللي كشفت ان الجنود في الجيش الامريكي , متشككين في العملية , و متشككين في استراتيجية ترامب بالكامل , و معتبرين ان العملية كلها من اجل اسرائيل , و انهم مش شايفين سبب للتضحية عشانها , و انهم مش عارفين يحموا قاعدة برية , يعني القواعد الموجودة في المنطقة بيتم استهدافها بالدرونات و الصواريخ الايرانية , يعني لحد الدفعة الاخيرة من الصواريخ و الدرونات اللي اطلقتها ايران , بتصيب فعلا القواعد الامريكية في الخليج , فالجنود نفسهم بيتسائلوا اذا كنا مش عارفين نحمي قاعدة برية , ايه هيكون الوضع بالنسبة للجزيرة اللي بتعتبر ارض ايرانية , هيتم ارسالهم اليها , و هتكون معرضة للاستهداف بالصواريخ و الدرونات , و فيها مستودعات لتخزين النفط الايراني , اللي كان بيتم تصديره , الصحيفة اشارت لان فيه استطلاعات اتعملت فعلا للقوات المشاركة في الحرب , بتكشف عن الشعور بالضعف , و الضغط النفسي و خيبة الامل , الكلام دا في صحيفة هاف بوست , اللي اشارت لان القوات دي ممكن يتم تسريحهم من الخدمة العسكرية , و نقلت عن واحد من الجنود اللي تم استطلاع رايهم , ان معندهمش خطة , و اذا كانوا مش عارفين يحموا قاعدة برية واحدة في منطقة مسؤوليتهم , ايه هيكون الوضع في جزيرة ايرانية ؟ اما المسؤول الامريكي المستقيل جوزيف كنت , و اللي كان واحد من ضباط القوات الخاصة , و اللي شارك في 11 عملية خاصة خلال مسيرته العملية , فهو كمان طلع حذر من عملية برية في جزيرة خرج , و عمل لقاء مع الواشنطن بوست , وصف العملية في جزيرة خرج انها هتكون خطأ فادح , و ممكن تتسبب فعليا في تسليم القوات رهينة لايران , اللي هتكون قادرة علي استهداف الجزيرة بالصواريخ و الدرونات , دا مسؤول عسكري و استخباراتي رفيع المستوي , بيقدم رايه في العملية بناء علي المعطيات الميدانية , و الواقع القائم حاليا , متوافق تماما مع اللي بيقوله الجنود الامريكان في الاستطلاع اللي اتكلمت عنه هاف بوست , اما نيويورك تايمز فاشارت للجزء الغائب من الخطة , ايه هو الجزء الغائب من الخطة ؟ هو مشاركة الاكراد في عمليات برية و تمرد داخلي في ايران , يكون مدعوم من امريكا و اسرائيل , ضمن خطة كان هدفها النهائي تغيير النظام في ايران نشرتها نيويورك تايمز , الرهان فيها كان علي تحريك الداخل الايراني , لكنهم علي مدار 3 اسابيع لم ينجحوا فيه , و علي عكس التوقعات , محصلش انهيار في النظام الايراني , بل علي العكس ازداد قوة , و الصراع تصاعد لمستوي جديد , الصحيفة اشارت لان فيه خطأ فادح في التحضير , نتيجتها ان الصراع امتد في كل انحاء الشرق الاوسط , بدل ما كان هيحصل تفكك داخلي في ايران , و التقرير اشار لان الخطة دي , اللي اعدها هو ديفيد بارنيا و عجبت ترامب و رحب بيها , الا ان اهم عنصر فيها , هو الجزء الغائب عنها , و هو تحريك القوات الكردية من العراق للغزو البري داخل ايران , و لكن ترامب رفض علنا الدفع بالاكراد , و كنت نقلت لحضراتكم تقرير رويترز اللي اشار لان الاكراد في سوريا , نصحوا اكراد ايران , بعد المشاركة في العملية , لان نتيجتها هتكون اتفاق بين ايران و امريكا و بعدها هيكون عليهم مواجهة ايران لوحدهم , و تحمل التبعات لوحدهم , لدرجة ان ترامب طالبهم بتحديد موقفهم , اما مع ايران , او مع امريكا و اسرائيل , فقيادات الاكراد تجنبوا المشاركة في الصراع , و خد بالك ان القواعد و مراكز تدريب القوات الكردية في العراق , لحد النهاردة بيتم استهدافها بالدرونات الايرانيه
منقول من صفحة
الثقافة_العسكرية
️
... المشكلة ان ايران محرجة اكثر منك ، وتنفي ... ترفض إيران رسمياً الاتهامات باستهداف البنية التحتية المدنية أو محطات الغاز، حيث يرى مراقبون أن هذا الإنكار يهدف لتجنب ردود فعل دولية انتقامية أو ملاحقات قانونية دولية.
