اكيد متفق وغير كده سعر ٣٠ حته هيبقا كبير جدا بس لو بصينا بناحيه فنية هتلاقي ان صفقه ٢٤ رفال الاولانيين كانوا تقريبا ب ٧ مليار دولار ، كفيل يجيبولك من الصين من ٢٥ الي ٣٠ غواصه بتسليح متحلمش بيه مع AIP صيني
طبعا الامريكان لا جدال علي جبروتهم وقوتهم وتكنولوجيتهم بس حشد بحري ضخم زي ده هيفكر الف مرة لو عارف ان عندك ٣٠ غواصه تحته بتسليح مختلف
لكن كجو انا رامي طوبتها من زمان خصوصا مع الصهاينه ، يعني حتي لو هتلجأ للكم عشان توازن الكيف الرهيب اللي عندهم بتتكلم في ١٠٠٠ مقاتله حرفيا سواء من روسيا او الصين عشان توازنهم كجو ويظلو تكنولوجيا اقوي بكتير غير التكلفه المرعبة لشراء عدد زي ده من المقاتلات
الايرانيين عندهم فتحه صدر كدابة وحرب ١٢ كشفت قدراتهم المحدودة ، احيانا السكوت وعدم الدخول في حروب بيديلك هيبة لكن لما تتورط بتنكشف قدراتك
بس مبدئيا كده لازم طريقه فعليه لزيادة اعداد الغواصات وياسلام لو عرفت تجيبها بمحرك نووي ، بصمه صفرية تحت الماء حرفيا لا حس ولا صوت مع قدرات تسليحيه تقدر تضايق التخين موش مهم تكسب لكن تعمل حساب وردع حتي لو ظاهري
بصراحه في مصر عندنا كارثه ، مستويات التسليح والتعاقدات دون المستوي وخصوصا جويا يعني مفيش امل فعلا ضد اي دولة خليجيه مابالك بالصهاينه
ع العموم انا مجهز الفشار واللب زي المرة اللي فاتت عشان نقعد نتفرج وننظر ع بعض كعادتنا
![:walw[1]:](/vb/data/assets/smilies/c39c84e393dbca960a05b9f45e20e07203df7b3c.gif "-- :walw[1]:")
