- إنضم
- 7 مارس 2022
- المشاركات
- 11,598
- التفاعل
- الدولة
تعالى احكيلك حدوتة محدش تاني هيحكيهالك
.
هقولك عيب في الطيار المصري .. بس بعد ما ارد على السؤال اللى شوفته كتير ( ليه الطيارين منطوش من الطيارة قبل ما تقع في راس البر ) ..
.
الاجابة ..
مش كل الطيارات فيها انجكشن سيت .. وبتكلم عن الطيارات الحربية فما بالك بطيارات التدريب
العميد غريب مقالناش الطيارة اللى وقعت كانت نوعها ايه .. لكن لو كانت الطيارة مصرية الصنع K8E ففيها مقعد قاذف .. متستغربش ان فيه طيارة محلية .. دي طلعت السنة اللى فاتت بشراكة كورية جنوبية .. احنا اساسا كنا بنصنع طيارات لحد 1969 .. وفيه مقاتلة مصرية من الجيل الرابع هتطلع خلال سنتين ان شاء الله كمقدمة لتوطين صناعة المقاتلات في مصر .. هتكون نسخة مطورة من هال تيجاس الهندية ودي زي ما قلتلك مقدمة هايلة .. بقولك معلومة من الكنترول اهو .. عد الجمايل ..
.
طيب لو كانت الطيارة المصرية مقذفوش نفسهم ليه ؟!
بص يا مولانا
الاحتمال الاكبر ان حصل عطل مفاجىء في الطيارة وكانوا على وشط الارتطام بمدنيين .. فكان ادامهم اما يجنحوا بالطيارة في البحر وبالتالى محدش يتأذى .. او يشدوا دراع الانجكشن من بين رجليهم ويطيروا والطيارة تدخل في الفندق او الشط ومدنيين يموتوا ..
فاختاروا انهم يجنحوا بالطيارة ومكنش فيه وقت يقذفوا نفسهم ..
.
او ممكن يكونوا اصلا قذفوا نفسهم وماتوا .. ازاي ؟!
مقعد القذف دا اسطورة ميكانيكية ... هات اعظم مهندس ميكانيكا وحط ادامه مقعد قذف و طيارة .. هينفض للطيارة ويدخل في علاقة غرامية مع مقعد القذف ..
المقعد دا مكون من مئات القطع اللى بتشتغل مع بعض علشان يفتح باب الطيارة العلوي .. وتحرر الكرسي من المجرى المثبت عليها .. و تحمي رأس الطيار من اي شظايا .. وبعدين تشات الصاروخ اللى هيقذفها واحيانا بتكون عملية القذف على مرحلتين بسرعتين مختلفتين .. وبعد ما يبعد الطيار بمسافة كافية عن المقاتلة بيفتح باراشوت او يهبط لارتفاع مناسب وبعدين يفتحه ..
.
طيب ما الدنيا حلوة اهي ..
لأ مش حلوة .. الطبيعي ان 1-2 من كل 10 بيموتوا في المرحلة دي ..
وال 8 الباقيين منهم اللى بيرجع متكسر ومتدشدش ..ليه؟!
لإن اطلاق صاروخ المقعد بيحرك الطيار بعجلة كبيرة جدا .. ممكن توصل لنتيجة تأثير انك تبقى قاعد كدا وفجأة يقع عليك حاجة وزنها عشرين ضعف وزنك .. فلك ان تتخيل النتيجة ..
كل ما كانت سرعة الطيارة اكبر .. و ارتفاعها اقل .. ووزن الطيار اكبر ( دا مش موجودة لان الطيار الفايتر لازم يكون اوزعة ومش تخين ) .. كل ما كان الخطر اكبر ..
.
لو هتسألني بميل لأنهي احتمال هقولك انهم ضحوا بنفسهم علشان محدش يتصاب من المدنيين .. وبالمناسبة الحوار دا اتكرر قبل كدا كذا مرة .. ربنا يتقبل شهادتهم يارب ..
..
.
طيب ايه عيب الطيار المصري ؟!
هو مش عيب اوي بس انا حبيت افرح طيور الظلام في اول البوست وبعدين أنكد عليهم في اخره ..
.
الطيار المصري عنده عقيدة - مببالغش في الوصف - انه يموت ولا انه يسيب طيارته .. بيتعامل معاها كأنها شرفه .. زي القسم اللى اقسمنا عليه كلنا (( وأن أحافظ على سلاحي .. لا أتركه قط .. حتى أذوق الموت )) .. في حين اني كواحد من اقرب الناس للمقاتلات وعارف بتكلف البلد كام في امتلاكها وصيانتها و تدريبها و تشغيلها و ((((( هندستها عكسيا )))) .. روح الطيار شايفها أهم من 10 طيارات ..
بشوف دا عيب وميزة في الطيار المصري ..
عيب لانه يمكن مش مدرك انه اغلى من الطيارة ..وبيقدسها اكتر من اللازم .
وميزة لان العقيدة القتالية دي هي اللى خلت طيارينا يمرجحوا طيارين الكيان في حرب اكتوبر .. مع ان طيارينا كانوا راكبين تكاتك .. وطياريهم كانوا راكبين ماي باخ ..
.
هقولك عيب في الطيار المصري .. بس بعد ما ارد على السؤال اللى شوفته كتير ( ليه الطيارين منطوش من الطيارة قبل ما تقع في راس البر ) ..
.
الاجابة ..
مش كل الطيارات فيها انجكشن سيت .. وبتكلم عن الطيارات الحربية فما بالك بطيارات التدريب
العميد غريب مقالناش الطيارة اللى وقعت كانت نوعها ايه .. لكن لو كانت الطيارة مصرية الصنع K8E ففيها مقعد قاذف .. متستغربش ان فيه طيارة محلية .. دي طلعت السنة اللى فاتت بشراكة كورية جنوبية .. احنا اساسا كنا بنصنع طيارات لحد 1969 .. وفيه مقاتلة مصرية من الجيل الرابع هتطلع خلال سنتين ان شاء الله كمقدمة لتوطين صناعة المقاتلات في مصر .. هتكون نسخة مطورة من هال تيجاس الهندية ودي زي ما قلتلك مقدمة هايلة .. بقولك معلومة من الكنترول اهو .. عد الجمايل ..
.
طيب لو كانت الطيارة المصرية مقذفوش نفسهم ليه ؟!
بص يا مولانا
الاحتمال الاكبر ان حصل عطل مفاجىء في الطيارة وكانوا على وشط الارتطام بمدنيين .. فكان ادامهم اما يجنحوا بالطيارة في البحر وبالتالى محدش يتأذى .. او يشدوا دراع الانجكشن من بين رجليهم ويطيروا والطيارة تدخل في الفندق او الشط ومدنيين يموتوا ..
فاختاروا انهم يجنحوا بالطيارة ومكنش فيه وقت يقذفوا نفسهم ..
.
او ممكن يكونوا اصلا قذفوا نفسهم وماتوا .. ازاي ؟!
مقعد القذف دا اسطورة ميكانيكية ... هات اعظم مهندس ميكانيكا وحط ادامه مقعد قذف و طيارة .. هينفض للطيارة ويدخل في علاقة غرامية مع مقعد القذف ..
المقعد دا مكون من مئات القطع اللى بتشتغل مع بعض علشان يفتح باب الطيارة العلوي .. وتحرر الكرسي من المجرى المثبت عليها .. و تحمي رأس الطيار من اي شظايا .. وبعدين تشات الصاروخ اللى هيقذفها واحيانا بتكون عملية القذف على مرحلتين بسرعتين مختلفتين .. وبعد ما يبعد الطيار بمسافة كافية عن المقاتلة بيفتح باراشوت او يهبط لارتفاع مناسب وبعدين يفتحه ..
.
طيب ما الدنيا حلوة اهي ..
لأ مش حلوة .. الطبيعي ان 1-2 من كل 10 بيموتوا في المرحلة دي ..
وال 8 الباقيين منهم اللى بيرجع متكسر ومتدشدش ..ليه؟!
لإن اطلاق صاروخ المقعد بيحرك الطيار بعجلة كبيرة جدا .. ممكن توصل لنتيجة تأثير انك تبقى قاعد كدا وفجأة يقع عليك حاجة وزنها عشرين ضعف وزنك .. فلك ان تتخيل النتيجة ..
كل ما كانت سرعة الطيارة اكبر .. و ارتفاعها اقل .. ووزن الطيار اكبر ( دا مش موجودة لان الطيار الفايتر لازم يكون اوزعة ومش تخين ) .. كل ما كان الخطر اكبر ..
.
لو هتسألني بميل لأنهي احتمال هقولك انهم ضحوا بنفسهم علشان محدش يتصاب من المدنيين .. وبالمناسبة الحوار دا اتكرر قبل كدا كذا مرة .. ربنا يتقبل شهادتهم يارب ..
..
.
طيب ايه عيب الطيار المصري ؟!
هو مش عيب اوي بس انا حبيت افرح طيور الظلام في اول البوست وبعدين أنكد عليهم في اخره ..
.
الطيار المصري عنده عقيدة - مببالغش في الوصف - انه يموت ولا انه يسيب طيارته .. بيتعامل معاها كأنها شرفه .. زي القسم اللى اقسمنا عليه كلنا (( وأن أحافظ على سلاحي .. لا أتركه قط .. حتى أذوق الموت )) .. في حين اني كواحد من اقرب الناس للمقاتلات وعارف بتكلف البلد كام في امتلاكها وصيانتها و تدريبها و تشغيلها و ((((( هندستها عكسيا )))) .. روح الطيار شايفها أهم من 10 طيارات ..
بشوف دا عيب وميزة في الطيار المصري ..
عيب لانه يمكن مش مدرك انه اغلى من الطيارة ..وبيقدسها اكتر من اللازم .
وميزة لان العقيدة القتالية دي هي اللى خلت طيارينا يمرجحوا طيارين الكيان في حرب اكتوبر .. مع ان طيارينا كانوا راكبين تكاتك .. وطياريهم كانوا راكبين ماي باخ ..
