استفسارات
* هى مصر عاملة المعرض ده ليه ولمين
* لو عشان نعرض منتجاتنا العسكرية فان مستوانا متاخر جدااا مقارنة بمنافسينا فى المعرض ولم نحقق منذ اول نسخة مبيعات عسكرية تذكر
* فى المقابل نعلن عن اسلحة ثم نعلن اننا نرغب فى استيراد اسلحة من نفس النوع مثل الدرونات ثم نشترى بيرقدار
* لو كملنا بالمستوى دا ممكن نصنع المنجنيق فى نسخة المعرض رقم 20
* قنابل الحافظ اللى فرحانيين بيها ... هى قنبلة حدف بدائية .. الشقيقة السودان تصنع قنابل بركان الموجهه منذ سنوات
* الراجمة شىء مؤسف ولا داعى للشرح ... اقرا تفاصيلها وانت يجيلك احباط لمدة شهر
* تصورت فى البداية ان رعد 200 هى 200 مم او 200 كيلو ... الصواريخ والعربة الحاملة من مخلفات الحرب العالمية الاولى
* نعلن عن برامج ادارة نيران وابراج غير ماهولة ولم نطبق اى منها على تطوير سلاح دروعنا
* عشان تعمل معرض يبقى انت عايز تبيع سلاح انما بالشكل دا احنا بنبيع بلح
* لو احنا قدراتنا الحقيقية اكبر من كدا ومخبينها لاعتبارات الامن القومى ... يبقى منعملش معرض نعرض فيه الفضايح دى خلينا ساكتين ونعرض الخرده دى فى اى عروض او مناسبات ... وما خفى خليه خفى
* لو الهدف ترويجى وسياحة مؤتمرات يبقى نجهز حاجة محترمة ونعرضها
اتمنى ان النسخة القادمة منعرضش فيها العجلة الحربية ... اتمنى الافضل لبلدى .. اتمنى نشتغل تصنيع مدنى بشكل مكثف ومتنوع دا هيقودنا لتصنيع عسكرى يفرح بشكل تلقائى
اللهم بارك في أخوتنا في مصر
