مقارنة حماس بمصر دا هلس. مصر ماعملتش عمليات ارهابية ضد مدنيين اسرائيليين ولكن حرب احترافية ضد جنود مسلحين. الهدف من حرب 73 كان استرجاع سيناء مش القضاء على اليهود. لذلك كان فيه فرصة تفاوض بتحضر وقدرت مصر تكون بالشخصية اللي عليها دلوقتي دولة محترمة تتعامل مع جيرانها على اساس المصلحة. 67 وما قبلها كان اصوات القضاء على اليهود والجهاد ضد اليهود والخطاب العنصري الارهابي العنجهي اللي لو مصر كملت فيه كان زماننا في وضع الدول الارهابية. لذلك المفتاح هنا هو التحضر والتخلص من خطاب الكراهية العنصري والجهاد. لولا سياسة السلام ماكناش بقينا في الشخصية اللي احنا عليها دلوقتي بسياسة التعمير والبناء. اعتقد واضح
مقارنة مصر بحماس على اساس ان حماس تقدر تعمل حرب تقام على اساسها دولة فلسطين بعد ضياع غزة بعد 7 اكتوبر ومقارنة الوضع ب73 هو هلس ايضا. حماس ماتقدرش تعمل اي شئ ولا اي جماعة ارهابية هما مش في وضع يسمح باكتر من تمني الهرب. او الموت الحتمي. اسرائيل هي دولة امر واقع ولن يتغير وعلى اساس الحقيقة دي مصر بتعمل علاقات مع اسرائيل طالما اسرائيل لا تضر بمصلحة مصر طبعا. لان لا فرق بين اسرائيل واي دولة جارة لمصر والعلاقات دي هي على اساس قانونية وجود دولة اسرائيل بالاساس. اللي تاريخ انشائها طويل ومليان ملابسات وتشويه من الجماعات الجهادية لكن من وجهة النظر المصرية وجود اسرائيل هو شرعي وقانوني على حدود ما قبل 67 وعلى اساسها تقام العلاقات.
الفكر الارهابي اللي بيتعامل بعداء مع اسرائيل على اساس العرق والدين ودى دول في داهية من 48 ومصر مش من الدول دي
