لا حياه فيمن تنادى , 57 دوله اسلاميه و22 دوله عربيه كلهم مستنيين بعض وبينظروا على بعض وكلهم اقماع بلاستيك مالهاش غير فى الشجب والأدانه
حماس للأسف معملتش حساب ده , كانوا فاكرين ان الحرب بينهم وبين اسرائيل وميعرفوش ان اسرائيل هتدفع أهل غزه كلهم بنسائهم وأطفالهم حساب مقاومتها دلوقتى وفى المستقبل
وعلشان مفيش أى ذره نخوه أو حميه فى عصر التحالفات السياسيه والمصالح , وخصوصا حلفاء امريكا العرب اللى اتضح أنهم ولا ليهم أى لازمه ولا أهميه لما يتعلق الأمر بمصالح اسرائيل فبقى ال Skip Goat زى مابيقولوا للبعض منهم هو حماس
حماس السبب فى اللى بيحصل ايه اللى خلاهم يتهوروا
حماس السبب علشان مستخبيين بين المدنين
حماس السبب مايسلموا الرهائن لاسرائيل وينتحروا يمكن اسرائيل تصفح عن أهل غزه , طيب ياعم حماس متهوره بنت كلب بس فين أنتوا من اللى بيحصل فى الضفه بقالنا سنين فين أنتوا من انتهاكات اسرائيل على مدار 20 سنه للدول العربيه كلها مش فلسطين بس , اسرائيل ضربت المفاعل النووى العراقى والسورى وضربت مقر منظمه التحرير فى تونس ومحتفظه بأراضى من لبنان وسوريا لحد اللحظه بس ازاى دا كله خلينى فى نغمه لوم الضحيه اللى بتقاوم على جرايم الجلاد علشان مفيش حد قادر ولا فيه حد قدر يعمل أى حاجه للضحيه على مدار 75 سنه
الله يرحمه أحمد خالد توفيق عمرى ماهنسى عبارته لما قال :
الحقيقة أن إسرائيل سعيدة الحظ إذ وجدتنا خصومها .. يلذ لي أن اتخيل مصيرها لو كان جيرانها صينيين أو يابانيين !”
