كأس العالم السعودية 2034

[MQ-1]

ماراح يعطلهم هذا عن الحضور ، اللي بيشتري التذكره قبلها بشهور راح يكون قادر على تنسيق وقته بكل سهوله

ولا اعتقد ان المباريات بتكون في النهار

حنا اخذنا اجازة بمناسبة الفوز على الارجنتين فما بالك كاس العالم اللي مايتكرر إلا مرة بالعمر بتكون كمكرمة اكثر من كونها احتياج فعلي للتنظيم

 

[رٍسِـــلآنٍ]

حسب ما أشوف
نيوم تحتاج وقت طويل حتى تكون مهيأة تستضيف آلاف من البشر والزوار
واستحالة تكون كل المباريات فيها
لكن متأكد أنها راح تكون ضمن الملف وتستفيد من البنية التحتية لتبوك

المدن الثانية تعتبر فيه أساسات وقوة بشرية راح تشتغل في التنظيم
كل خوفي أنه يكون التنظيم في المدن الرئيسية الثلاثة فقط
كذا ما راح يكون فيه تنمية وتفعيل حقيقي لملف السياحة

ينبع وتبوك مدن قريبة من العلا وفيها طاقة بشرية وكذا نضمن أن الزوار يكون عندهم
وقت ورحلات على العلا والجزر والمناطق السياحية في البحر الأحمر وكروز السعودية

أبها والطائف والباحة سبق استضافت البطولة العربية وأتوقع أنها كانت
بطولة تجريبية حتى يكتشف المسؤولين النواقص وتكون بداية لهذي المدن
وهذي هي المناطق الباردة اللي مفترض تكون ضمن الملف حتى يتم بناء صورة نمطية
مختلفة عن الصور المعروفة عن السعودية

نيوم حولها الاردن ومصر

الشرقيه بغض النظر عن قوتها الكافيه وزياده لكن جنبها البحرين وقطر والكويت



البطوله العربيه لا يقاس عليها لا من ناحيه الحضور ولا شي نهائيا لانها اشبه بمباريات الدوري

 

[Galy]

ماراح يعطلهم هذا عن الحضور ، اللي بيشتري التذكره قبلها بشهور راح يكون قادر على تنسيق وقته بكل سهوله

ولا اعتقد ان المباريات بتكون في النهار

كيف مايعطلهم
مثلا عنده محاضرات بنفس يوم المباراه والمسافه من جده او الرياض للشمال مثلا اكثر من ١٠٠٠ كيلو

كيف ينسق

 

[رٍسِـــلآنٍ]

كيف مايعطلهم
مثلا عنده محاضرات بنفس يوم المباراه والمسافه من جده للشمال مثلا اكثر من ١٠٠٠ كيلو

كيف ينسق

طيران سهله

غير طرق اللف والدوران بالسكليف

هم ينسقون نفسهم على فعاليات اتفه من كاس العالم فكيف بكاس العالم

 

[Galy]

طيران سهله

غير طرق اللف والدوران بالسكليف

هم ينسقون نفسهم على فعاليات اتفه من كاس العالم فكيف بكاس العالم

الطيران في كثير من المدن رحله وحده يوميا
يعني يروح والعوده ثاني يوم ويمكن ثاني يوم فيه مباراه يبغى يحضرها

راح عليه يومين

 

[القائد شان كونغ الحكيم]

كيف مايعطلهم
مثلا عنده محاضرات بنفس يوم المباراه والمسافه من جده او الرياض للشمال مثلا اكثر من ١٠٠٠ كيلو

كيف ينسق

الي ناوي يجي بيدبر عمره لاتخاف عليهم

 

[القائد شان كونغ الحكيم]

الطيران في كثير من المدن رحله وحده يوميا
يعني يروح والعوده ثاني يوم

راح عليه يومين

انت تتكلم 2034 مع شركات الطيران الجديده والتوسع بها راح يتغير كثير

 

[MQ-1]

يعني افهم من كلامكم ان افضل بمشروع بفترة كاس العالم مستوصف

 

[Jokerr]

انت تتكلم 2034 مع شركات الطيران الجديده والتوسع بها راح يتغير كثير

ما اعتقد ان الطيران يبي يكون الأعتماد عليه افضل شي القطارات ​

 

[Galy]

انت تتكلم 2034 مع شركات الطيران الجديده والتوسع بها راح يتغير كثير

صدقني اغلب الشباب راح يروحون مجموعه في سياره

الطيران غالي عليهم مجموعه في سياره اوفر كثير

 

[القائد شان كونغ الحكيم]

ما اعتقد ان الطيران يبي يكون الأعتماد عليه افضل شي القطارات ​

راح يكون مزيج بين الامرين قطارات وطيران

 

[MQ-1]

بيكون رحلات ترددية من كل المدن نفس نظام الرحلات من الرياض والدمام وجدة والقصيم للدوحة تطلع 6 او 9 الصباح وترجع 10 او 12 بالليل وبدون شحن عشان سهولة تنظيم الرحلات

حضرت مباراة السعودية وبولندا وتعشيت بالرياض

 

[القائد شان كونغ الحكيم]

صدقني اغلب الشباب راح يروحون مجموعه في سياره

الطيران غالي عليهم مجموعه في سياره اوفر كثير

انت مراح تحظر كل المباريات الي تبيها وتنسقها اجازه يومين او سكليف

 

[Jokerr]

راح يكون مزيج بين الامرين قطارات وطيران

الطيران راح يكون مُكلف في قطارات اسرع حتى من الطياره اذكر فيه ان الحكومة الصينة عرضت على السعودية الأستثمار في بناء شبكة قطارات من جده للرياض التكلفة تقريباً 120 مليار على ان الصين تحصل على امتيازات لوجستية

 

[Galy]

بيكون رحلات ترددية من كل المدن نفس نظام الرحلات من الرياض والدمام وجدة والقصيم للدوحة تطلع 6 او 9 الصباح وترجع 12 بالليل وبدون شحن عشان سهولة تنظيم الرحلات

روحه ورجعه فقدت المتعه في مشاهدة كاس العالم

انا مثلا ابى اروح للرياض واجلس عشرة ايام احضر فيها مثلا ثلاث مباريات
واشوف شعوب وجماهير الدول الاخرى

مساله احجز وشف المباره وارجع ما تسوى

 

[MQ-1]

روحه ورجعه فقدت المتعه في مشاهدة كاس العالم

انا مثلا ابى اروح للرياض واجلس عشرة ايام اسوف فيها مثلا ثلاث مباريات
واسوف شعوب وجماهير الدول الاخرى

مساله احجز وشف المباره وارجع ما تسوى

ماعليك فيه اجازة بإذن الله

 

[MQ-1]

أنا بحياتي ماشفت احد شايل هم دوام عقب 11 سنة ، الله يحينا ونحضره بافضل صحة وأتم حال

 

[Galy]

ماعليك فيه اجازة بإذن الله

متاكد مليون بالميه اذا اقيم في الشتاء فيه اجازه
مع انني اتوقع يقام في الصيف

والله اعلم

 

[🕒رُبـع سـاعـة🕒]

​

 

[نياف بن عياف]

كأس اسيا 2027 اكسبو 2030 كأس العالم 3034 اولمبياد 3036 استضافات بترافقها مشاريع ضخمة زيادة على مشاريع الرؤية وبيكون فيه ضخ مالي عالي وحركة اقتصادية كبيرة حرام الواحد مايشوف له فرصة ويستفيد اتوقع هذه بتكون اخر فرصة متاحة للافراد لدخول نادي المليونيرات بعدها بيتقفل النادي نهائي..