المرعب لأسرائيل أكتر مش العملية نفسها، ولكن حجم الفشل
لما بصيت على الخريطة وشفت مكان معبر ابو عويجة ده لقيت كذا حاجة تستاهل انهم يترعبوا فعلا بس الاول فيه معلومة مهمة
المنطقة ديه اسرائيل من كام سنة انهت انشاء سور حدودي الكتروني بارتفاع ٨ امتار فيه مجموعه من احدث التكنولوجيات اللي قدروا يوصلولها لمنع التسلل تشمل مستشعرات كهروبصرية وصوتية وكلها حاجات بمدى كويس جدا وكل البيانات دي بتصب في مكان واحد الغرض منه في النهاية تحليل كل البيانات من كل نقط المراقبة بطول السور و توفير نوع من انواع التحذير المبكر
السور الالكتروني ده كلفهم بالكامل ٣ مليار دولار
الجندي اللي تسلل لم يتم رصده بواسطة السور ولما قتل فردين اسرائيليين لم يعلم الاسرائيليين بمقتلهم الا بعد ٣-٤ ساعات و لم يستطع الاسرائيليون كشف الجندي الا ظهر اليوم التالي يعني بعد مرور من ٧-٨ ساعات كاملة
لو كانت ديه عمليه كبيره قام بيها اي حد كان الوضع هيكون شديد الصعوبة لان حول نقطة معبر ابو عويجة تحديدا ٣ من اهم القواعد الجوية التابعة لسلاح الجو والفضاء الاسرائيلي واللي مش بس قواعد جوية عادية دي كمان فيها مراكز بالغة الاهمية خاصة بالحرب الالكترونية الاسرائيلية, واحدة من القواعد ديه تحديدا قاعدة نفاتيم واللي فيها اول سرب F-35 اسرائيلي
طبعا في نص القواعد ديه مفاعل ديمونة
تخيل لو كانت عملية واسعة كان هيقدر المهاجم/المهاجمين وصلوا لفين وعملوا عمليات ايه
الاسرائيليين مرعوبين من حجم الفشل الامني اللي وضحته العمليه دي
النقطة الصفرا هي مفاعل ديمونة والنقطة الحمراء علي خط الحدود هي نقطة التسلل
مشاهدة المرفق 589272
وفى مصابين متكتمين عليهم رد طبيعي
