روسيا تدرج الجنيه المصري في قائمتها للعملات القابلة للتصريف

[deter]

سؤال بره الموضوع،
هو احنا ليه بنستورد الملابس وعلب الكبريت والابر من الصين وغيرها؟
استيراد منتجات إلكترونية مفهوم، ولكن ليه بضائع سهل تصنيعها بيتم استيرادها ؟!!!!!

للأسف القطاع الخاص المصري فاشل أو أفشل من زمان بسبب الاقتصاد الاشتراكي والتأميم ايام عبد الناصر وزاد عليها الانفتاح ايام السادات وزاد عليها فشل وفساد مبارك والأن حدث ولاحرج مأساه للأسف!!
وطبعا كل ده مع تشريعات منفره وضرايب متلتله وعراقيل في كل اتجاه
#تقريبا الشركات الكبيره البارزه في مصر في قطاعي (المقاولات والبنوك) اما القطاع الصناعي فلا يوجد شركات كبيره تذكر

وده زائد ان المنافسه مع الصين مش سهله بردو

عشانها ربحية اكثر ولا فيها تكليف

المصنع راح يكلف مرتبات ومكن وصيانة وقطع غيار ومنتج للتصنيع وكهرباء الخ

المقابل اشتري كم كنتيرة وارميها بالسوق بنصف تكاليف المبالغ اعلاه

 

[abdo 22]

عشانها ربحية اكثر ولا فيها تكليف

المصنع راح يكلف مرتبات ومكن وصيانة وقطع غيار ومنتج للتصنيع وكهرباء الخ

المقابل اشتري كم كنتيرة وارميها بالسوق بنصف تكاليف المبالغ اعلاه

مفهوم ، هل فيه إمكانية ان الدولة تتدخل بحيث انها تخلي تكلفة الاستيراد اعلي من تكلفة التصنيع حتى لو لزم الأمر الانسحاب من اتفاقية التجارة الحرة، علشان الوضع كده مش لطيف خالص، علشان القطاع الخاص مش قادر يوصل لحلول تنافسية للأسف.

 

[deter]

مفهوم ، هل فيه إمكانية ان الدولة تتدخل بحيث انها تخلي تكلفة الاستيراد اعلي من تكلفة التصنيع حتى لو لزم الأمر الانسحاب من اتفاقية التجارة الحرة، علشان الوضع كده مش لطيف خالص، علشان القطاع الخاص مش قادر يوصل لحلول تنافسية للأسف.

ماعندي معلومة صراحة

لكن لو الدولة خلت تكلفة الاستيراد اعلى
بيكون المنتج اللي تشتريه بجنيه راح تشتريه بسعر اعلى لتغطية التكاليف

يعني مش حل برضو

جرب تقلدنا في حاجة مع منتج صاحبة يقل ادبه بالاسعار عشان يتربى بس محتاجة صبر وتحمل

 

[Ozone]

مفهوم ، هل فيه إمكانية ان الدولة تتدخل بحيث انها تخلي تكلفة الاستيراد اعلي من تكلفة التصنيع حتى لو لزم الأمر الانسحاب من اتفاقية التجارة الحرة، علشان الوضع كده مش لطيف خالص، علشان القطاع الخاص مش قادر يوصل لحلول تنافسية للأسف.

ممكن بفرض ضريبة عالية على المنتج المستورد لكن هذي لن تكون في مصلحه المستهلك لان السلعه الي كنت تشتريها ب 10 جنية بتشتريها ب 20

 

[deter]

مفهوم ، هل فيه إمكانية ان الدولة تتدخل بحيث انها تخلي تكلفة الاستيراد اعلي من تكلفة التصنيع حتى لو لزم الأمر الانسحاب من اتفاقية التجارة الحرة، علشان الوضع كده مش لطيف خالص، علشان القطاع الخاص مش قادر يوصل لحلول تنافسية للأسف.

لكن فيه حلول غير مكلفة للدولة

انها تقدم دعم وقروض للمصانع الجديدة الصغيرة والمنشاة الفردية الصغيرة وتسهيل سدادها للدولة
وتسهيلات حكومية الخ
بكذا تستطيع العمل وتنافس وتضرب الاسعار العالية وتخلي التجار يرضخون للسوق من حيث يذهب الناس
وعطهم مميزات لو المصانع نظيفة الخ وفعلا تتطور انا ممكن اخفف عنك ضرايب او اساعدك في فواتير الكهرباء لانك راح توظف بدالهم ناس انا متورط فيهم بسبب العطالة الخ
وبالنهاية الفلوس تدور واذا دارت الكل يستفيد دولة وشعب ومنتج

بالنسبة للدعم هذا مثال

وفيه حلول كثيرة جدا جدا بتسهل اشياء كثيرة على الدولة وتوفر اموال برضوا

يمكن البعض يبي يتكبر عليها او مايبي يتعلم شي
لكن بص على جيرانك الشرقيين واعمل زيهم بالاجراءات القانونية والمالية .. الخ لاهو عيب و لا حرام بدل التفكير

حتى الاجراءات لازم تتطور لو حصل التعامل بتصدير المنتج الخ بين الدول يكون سريع جدا

لانه مش معقول مصري يتعامل مع السعودية بتطبيقاتها الالكترونية خلال 10 دقايق في كوفي شوب مخلص شغله كله
وانا اتمرمط يمكن شهر بمصر بين وزارة وزارة واطلع للمكتب الفلاني وانزل عند الحجة فلانه بالدور الاول
لانه وقتها انا راح ادور عن مكان افضل اخلص وانا بالسعودية وبعشر دقايق وسلام سلام

 

[Amenmobi]

اتفق معاك جدا لكن انا بوضحلك ان مع الصين صعب
هما بيصدرولك ب18مليار دولار وانت بتصدرلهم ب1.7مليار دولار تقريبا🥲
فهياخدو الجنيه يعملو بيه ايه😅
لكن فعلا معاك حق ان في كتير أوي ممكن يتعمل

ياعم والله ما تزعل ... الاخبار نزلت و الصين هتضيف العملة المصرية

والخيار نزلت 😂

 

[حُذَيفة بن اليَمَانِ]

ياعم والله ما تزعل ... الاخبار نزلت و الصين هتضيف العملة المصرية

والخيار نزلت 😂

فين الأخبار متفرحنا ياجميل🙂

 

[Amenmobi]

فين الأخبار متفرحنا ياجميل🙂

 

[حُذَيفة بن اليَمَانِ]

يارب وأتمني لكن حتي الأن لايوجد مصدر أخر للخبر غير الموقع المرفق وغير ترويج اللجان في جروبات المخابرات
وبعدين عرفو منين إن المركزي الصيني عايز يعتمد الجنيه قريبا؟؟ هو أعلن عن نيته لفعل ده؟؟؟
بس كله كوم و(الدولار بيفرفر) دي كوم تاني اللجان دي عليها حاجات يجدع😁

 

[Amenmobi]

يارب وأتمني لكن حتي الأن لايوجد مصدر أخر للخبر غير الموقع المرفق وغير ترويج اللجان في جروبات المخابرات
وبعدين عرفو منين إن المركزي الصيني عايز يعتمد الجنيه قريبا؟؟ هو أعلن عن نيته لفعل ده؟؟؟
بس كله كوم و(الدولار بيفرفر) دي كوم تاني اللجان دي عليها حاجات يجدع😁
مشاهدة المرفق 543991مشاهدة المرفق 543992مشاهدة المرفق 543993

ده لازم يحصل عشان بيتم تهيتك لدخول مجموعة البركس

 

[madodedo]

مصادر: التجارة مع روسيا بالجنيه المصري والروبل تحتاج إلى موافقة البنك المركزي​

قالت مصادر حكومية رفيعة المستوى بقطاع التجارة الخارجية لمصر، إن اعتماد الجنيه المصري من قبل البنك المركزي الروسي في قائمة العملات الرسمية، لا يعني أن يتم استخدامه في التجارة بين البلدين، خاصة وأن هذا يتطلب اعتماد البنك المركزي المصري للروبل الروسي كعملة مبادلة في التجارة الخارجية.

اعتماد البنك المركزي الروسي الجنيه المصري
وأوضحت المصادر في تصريحات لـ القاهرة 24، أن هناك بالفعل مفاوضات تتم مع عدة دول حول العالم من الشركاء التجاريين لمصر، للتجارة بالعملات المحلية بدلا من استخدام الدولار، ومنهم روسيا، وهي مفاوضات لم تنته حتى الآن وتحتاج لمزيد من الوقت.
وأشارت المصادر، إلى أن اعتماد البنك المركزي الروسي للجنيه المصري في قائمة العملات الأجنبية التي سيتم إعلان سعر صرف يومي لها، سيسمح لهم بالتعامل بالعملات المحلية وفق اتفاقات ثنائية بين الشركات وليس في إجمالي التجارة الخارجية والتي تحتاج موافقة رسمية من البنك المركزي المصري.

وأضافت المصادر أن التعامل بالجنيه المصري والروبل الروسي في التجارة الخارجية لمصر، يحتاج إقرار البنك المركزي المصري وهو ما لم يتم إعلانه حتى الآن، حتى بعد اعتماد الجنيه المصري في روسيا.

وكان القاهرة 24 انفرد في سبتمبر الماضي بأن مصر تجري محادثات مع روسيا والصين والهند ودول تحالف البريكس للتعامل بالعملات المحلية في التجارة الخارجية، والتداول بالجنيه المصري والروبل الروسي واليوان الصيني بدلا من الدولار.

https://www.cairo24.com/1732456

 

[Pre-Med]

مفهوم ، هل فيه إمكانية ان الدولة تتدخل بحيث انها تخلي تكلفة الاستيراد اعلي من تكلفة التصنيع حتى لو لزم الأمر الانسحاب من اتفاقية التجارة الحرة، علشان الوضع كده مش لطيف خالص، علشان القطاع الخاص مش قادر يوصل لحلول تنافسية للأسف.

تدخل بفرض ضربية لكن اذا كان دخلك له مردود للدولة
لكن فالصين هناك امور تكاد تكون معدومة التكاليف اسعارها رخيصة جدا فالدولة لا تدخل في اشياء مردودها المالي ضعيف
مثلا
يباع فالسعودية برسلان وسراميك
صيني مصري هندي اماراتي كلها عليها ضرايب
لان فيه شركات سعودية تصنع وبجودة عالية جدا
والاسعار متقاربة خصوصا الارضيات فالمستهلك طبيعي بيشتري الوطني

 

[لؤى النوبى]

 

[بسيط نجم.]

مشاهدة المرفق 544018

نجيب قمح براحتنا بقا

 

[صقور مصر]

هياخدو الجنيه ليه وهما عندهم فائض كبير جدا لصالحهم في الميزان التجاري بينك وبينهم

ممكن يديه للسائح الروسي لما ياجي مصر سياحة ياخد الجنيه من بلده ويصرفه في مصر

 

[صقور مصر]

حلها انك توازن بين إيراداتك ومصروفاتك يعنى السنه دى جالى سياحة من روسيا أروح اشتري قمح من عندهم بالروبل طيب السنه الى بعدها أمريكا بعتت استثمارات اشتري منهم او من اى بائع بالدولار وهكذا طيب الصين تضخ استثمارات نشتري باليوان اقتصاد يكون قائم على المصالح فقط انت دولة 100مليون منتاش سوق صغير لازم تحط قواعد لسوقك فى المستقبل دولتك ودول تانية تعداد سكانها مرتفع الناس دى الى هيترسم عليها خريطة اقتصاد المستقبل شكل العالم من المستحيل انو يثبت على كده لازم يحصل نوع من أنواع الانهيار فى بعض الدول علشان يعرفو يكملو وفى الوقت ده بتكون بتعمل الى عليك فى سياسة الاكتفاء الذاتى من المحاصيل الاستراتيجية حتى ولو بنسب مش كاملة وتطوير محاصيل جديدة اصرف عليها زى ما تصرف قليلة الاستهلاك للمياه او إنتاجها اعلى وبالمناسبة انت عندك اكتر من نوع قمح انا مدرك ان جايز يكون التوفير بالنسبة للبعض يبان قليل لكن مع مليار من هنا على مليار من هنا تلاقى عجزك اتعوض والله لو قلت الكلام ده ممكن حد يضحك عليا لكن عجز الموازنة الحالى من الدولار عجز غير حقيقي بص فى كام بند غير ضروري بنصرف عليه وصناعات سهل جدا توطينها وعدم عدالة فى الميزان التجاري بنا وبين دول كتير بتنتج نفس المنتج الى بينتج محلى وبص على التهريب التسرب الدولاري الى بيحصل عندك أقسم بالله كل الى الدولة دى عوزاه ناس أمينه على مال الشعب وضرب بيد من حديد على الفساد من كل ركن فى الدولة مهما كانت قوته مينفعش يبقا عندى أجهزة ومسؤولين فى مصر بتتاجر فى العملة أنهى كل ده واقف حط خطة محترمة و أولويات للمشاريع مينفعش اى حاجة فيها اسمنت وخرسانة هوب هوب بتخلص فى ثوانى لكن المشاريع الزراعية بتخلص بطلوع الروح او افتتاحات وهمية متسلمتش كامل مساحتها أعمل كل ده ولو فى خلال 10سنين مصر مسدتش جزء كبير من الديون الى عليها قول عليا واحد مبفهمش حاجة ثروات البلد دى وخيرها كبير جدا لكن الوضع دلوقت انت عمال تجري بسرعة جدا وتخبط ومن الناحية التانية عندك فساد عامل زى الثقب الأسود كرشه أوسع من الفضاء وعنده إستعداد يبلع اى شئ ولا وغير مقتنع بحق اى حد فى الحياة غيره وزيادة سكانية وبتكملها بأجانب لا يجدعان الدنيا مبتمشيش كده لازم على الأقل حاجة من دول تقف ومتستسهلش وتقول الشعب🤣علشان دول أصحاب الأرض ولهم فيها حقوق بما ان لسنين طويلة مداقوش طعم خير تنميتهم الشعوب بتصمد فى الحروب عدد سنوات على أمل الرخاء لكن ده شعب بيتوعد بالرخاء من اكتر من سبعين سنه ويخرج من نقرة يقع فى دحضيرة الناس فقدت ايمنها فى البلد وفى المستقبل وعندى أجيال طلعت ممكن تجندهم كا جواسيس ضد وطنهم بمكالمة تليفون علشان مشافوش خير فيها فا بيعها هيكون بالسهل لهم فى اى أزمة فى المستقبل متستغربش لو جيت تدور على شعب تسند عليه وملقتش حد المفاهيم خلاص اترسخت

من ناحية تانية لازم الطبقة المخملية فى مصر تتلم شوية لبسهم كله من بره مصر مركات فى دولة بتشحت وصل بيهم الحال انهم مبيشتروش اى شئ محلى ويفسرلك ده وجود سلاسل محلات الى بتبيع بضائع مستوردة بالرغم من تصنيع نفس المنتج فى مصر بنفس الطعم ويمكن أفضل وحلال تشوف المشاهير ولعيبة الكرة ورجال الاعلام الى عمالين يدو دروس للشعب ليل نهار ومشاهير السياسة وغيرهم كان فى محل فى مصر سرق براند عالمي اسمه 7 ومش هكمل بيدخلو يشترو بقاله بيوتهم كلها من هناك حتى أبسط الأشياء مستوردة الحلويات الى بيشتروها لاولادهم مستوردة ومش اى مستوردة الى هيا بيبقا عليها لصقات الجمارك يعنى حتى مش تهريب سعرها ارخص 🤣طيب بالله عليك كل ده ومش عاوزين البلد تفلس أنهى شرع وأنهى منطق قسما بالله أوقات كتير بيبقا قدامي منتج مستورد ومعايا تمنه اسيبه واشتري محلى بلد بتفكر بأى حاجة غير دماغها

مين يسمعك انت لو بتكلم حجر كان انفلق نصين كل مسؤول في البلد بيدوؤ على مصلحته طول مهول مستفاد مش مهم البلد ولا الشعب

 

[صقور مصر]

عشانها ربحية اكثر ولا فيها تكليف

المصنع راح يكلف مرتبات ومكن وصيانة وقطع غيار ومنتج للتصنيع وكهرباء الخ

المقابل اشتري كم كنتيرة وارميها بالسوق بنصف تكاليف المبالغ اعلاه

بنفس المنطق اشوف وادور ايه محتاج اصنع بحيث يكفي السوق واصدر الباقي ودا دور دراسات الجدوى الحجات الغير مجدي تصنيعها بلاش منها بس انا مش هستورد كل حاجة لازم نشوف حالنا ونصنع ونصدر غير كدا مفيش للبلد دي قومه

 

[madodedo]

👍🏻

 

[آل قطبي الحسني]

السؤال وش تصدر او تستورد مصر لروسيا
س 2 عدد المصريين في روسيا
س3 وش يخلي الدول تتعامل بالجنيه اذا المصريين تصديرهم لروسيا ضعيف وعدد المصريين هناك ضعيف

العدد ضئيل جدا جدا مافي حل الا يتحول التوريد من الدول الغربيه الى المنتج البديل في روسيا في كل مناحي الحياة عندها سيكون هناك قيمه للتعامل معا روسيا بالجنيه المصري (لارتفاع التداول به عكس الوضع الحالي)

 

[madodedo]

السؤال وش تصدر او تستورد مصر لروسيا
س 2 عدد المصريين في روسيا
س3 وش يخلي الدول تتعامل بالجنيه اذا المصريين تصديرهم لروسيا ضعيف وعدد المصريين هناك ضعيف


مشاهدة المرفق 544041

العدد ضئيل جدا جدا مافي حل الا يتحول التوريد من الدول الغربيه الى المنتج البديل في روسيا في كل مناحي الحياة عندها سيكون هناك قيمه للتعامل معا روسيا بالجنيه المصري (لارتفاع التداول به عكس الوضع الحالي)

مشاهدة المرفق 544042

احنا بنستورد من روسيا فى حدود 3.5مليار دولار كل عام الجزء الأكبر منها بيكون قمح وسلاح
فى المقابل صادرات مصر من المنتجات لروسيا فى حدود نصف مليار دولار بتكون علي شكل فواكة تحديدا الموالح وخلافه وخضار وبذور وبعض النباتات العطرية ومعدات وأجهزة كهربائية

وأهم منتج بنصدره لروسيا هوا المنتج السياحي إعداد الروس معظم أوقات السنه بتكون ضخمة جدا فى مصر بنتكلم ان عائدات السياحة فى مصر فى الظروف الطبيعية فى المتوسط بين 8الى15مليار دولار الروس هتلاقيهم من 30الى40%من الرقم ده ومع اعتماد عملتهم كا عمله تصلح للدفع فى مصر بديل للدولار أعتقد ان إعداد الروس هيتضاعف بما يعادل الإعداد الموجودة حاليا

طيب هل عدم اعتماد هذا الأمر رفاهية بالنسبة لمصر الإجابة لا الأوضاع الاقتصادية بالنسبة للروس فيما يتعلق بتوفير الدولار غير جيدة ونفس الأمر للمصريين جزء كبير من عدد السياح الى بيجي مصر روس مع الأزمه الحالية عندهم إحتمال كبير جدا إنهم يعجزو عن قضاء إجازاتهم فى مصر بالتالى فقدت سوق كبير جدا بدون سبب لكن مع تسهيل الأمر لهم تقدر تحول الأزمه لصالحك انك حتى الى كان بيروح منهم لدول تانية هيجيلك غصب عنه 🤣 يعنى مكاسب كده كده كانت هتضيع منك فا انت وهما تتسندو على بعض علشان الحال من بعضه
كا بداية لا أعتقد ان مصر هتفتح السوق على البحري للروبل للشراء من مصر لكن هيكون فتح جزئي وكذالك الأمر لروسيا هيكون فى مجالات محدودة اما اغبى قرار ممكن تتخذه مصر حاليا هيا عدم الموافقة على القرار ده علشان ببساطة هتكون فقدت سوق كبير جدا بدون داعي ومين عالم ممكن ياخده حد غيرك لأن الروس فعلا معندهمش بديل ونفس الأمر لك مع مشاكل العملة الصعبة لكن كل الى اقدر اقوله ان القرار ده لو اشتغل هيرفع مستوي التجارة بين البلدين لاقصي حد وهيحول مصر لمتجر لعرض السلع الاستراتيجية لروسيا فى الشرق الاوسط وأفريقيا وبعض الأجزاء من أوروبا وهوا أمر لو تعلمون عظيم وهيسمح لمصر بتصدير بعض صناعتها
( المستقبلية ) لروسيا لكن خلينا نتكلم فى ده وقتها ده منجم دهب واتفتح لنا بصعوبة والظروف خدمتنا مش حاجة تانية واغبي قرار ممكن تاخده مصر انها تتلكع فى تنفيذ الموضوع ده او متعملش كامل جهدها علشان يكمل مع طبعا موافقة الجانب الروسي الى المفروض يكون عنده نفس الرغبة وأكرر هو أمر لو تعلمون عظيم