96 مليار ريال حجم الإنفاق السياحي في السعودية خلال عام

[عاشق اسبانيا]

الان ماعندنا لسى بادين كل سنة يصير فيه تطور

طلبك بيكون على حساب المشاريع العملاقة باقي وقت عليها ليش تضغط نفسك من الطرفين !

عندك مثال القدية حجمها كبير مقارنة بالرياض وكل منطقة بيكون لها مشروع

مشاهدة المرفق 481572

اتمنى مشروع القدية تتحول الى شركة القديه تستلم ملف الترفيه بالكامل و ألغي هيئة الترفيه
ميزانية هيئة الترفيه تروح لمشاريع الترفيه أفضل مثل المدن الترفيهه و الملاعب و الحدائق

 

[3z00z-24]

حفلة راشد الماجد وعبدالمجيد والمهندس بيع 300 الف تذكرة

هل المسرح يستوعب ٣٠٠ الف مقعد !!


مع العلم ان نص المسرح عبارة عن تذاكر VIP وهذي غالية جدا وفي الحقيقه محد يشتريها ويتم توزيعها لبعض الشخصيات ومشاهير السوشل ميديا عن طريق الهيئة او الشركة المنظمة



يعني فقط الي فعلا يتم بيعه وتحصيل مبالغه هي نصف مقاعد المسرح واسعار هذي التذاكر تتراوح بين ٢٠٠ الى ٦٠٠ تقريبا ​

 

[3z00z-24]

هل المسرح يستوعب ٣٠٠ الف مقعد !!


مع العلم ان نص المسرح عبارة عن تذاكر VIP وهذي غالية جدا وفي الحقيقه محد يشتريها ويتم توزيعها لبعض الشخصيات ومشاهير السوشل ميديا عن طريق الهيئة او الشركة المنظمة



يعني فقط الي فعلا يتم بيعه وتحصيل مبالغه هي نصف مقاعد المسرح واسعار هذي التذاكر تتراوح بين ٢٠٠ الى ٦٠٠ تقريبا ​

الحفلات الغنائية لا تدر ارباح نهائيا والعوائد يا دوب تغطي جزء من التكاليف وهذا الواضح المعلوم الي حتى قيادة الدولة تعلم عنه

ولكن الهدف منها مهوب الربح بقدر ماهو advertising a new image of the country حتى لو كان على حساب تكاليف باهضه من ميزانية الدولة بلا عائد مالي مجدي ​

 

[طير حر]

اتمنى مشروع القدية تتحول الى شركة القديه تستلم ملف الترفيه بالكامل و ألغي هيئة الترفيه
ميزانية هيئة الترفيه تروح لمشاريع الترفيه أفضل مثل المدن الترفيهه و الملاعب و الحدائق

خله يبداء مشروع القدية
اذا قدرت تدخله انت من الطبقه الفوق متوسطه

اذا كان المشروع اقتصادي صرف لن يتم تغطية الاستثمارات فيه الا باسعار مبالغ فيها

الشركة ولم تبداء لديها رعاية ب ٤٠٠ مليون سنويا لأندية الهلال والنصر والاتحاد والاهلي طبعا من غير التكاليف الاعلامية والتي ربما تصل الى مليار ريال سنويا
اضف عليها تكاليف الاستثمار للشركة الامريكية ٦ فلاقز والانشاءات وووو الخ

تكاليف التأسيس والتشغيل ستكون عاليه جدا جدا​

 

[المستمشقص]

مابغيت اذكر ذي النقطة عشان حبيابنا المدرسين بس شكرا من الاعماق لوزير التعليم.. والله اعرف بعض المدرسين كان يشتغل مرشد سياحي في بعض الدول من طول الاجازة..

وفالكم الترم الرابع هههه

للاسف تعدد الاترام مو من صالح الطالب
بالنسبه للمعلم ماتفرق معه

كان من الافضل الابقاء على الترمين وزيادة مدة الترم لعشرين اسبوع دراسي افضل من اللخبطه اللي صايره للطلاب حاليا لا في المناهج ولا في التشتت الي مسببه تعدد الاترام في السنه .
لكن كما تعودنا من وزارة التعليم طبق بعدين فكر بعدين الغي وعدل وبدل والضحية الطالب .

 

[جعفرG]

انتظر التأشيرة السياحية راح يجيك زحف بشري هائل بالذات دول العالم الثالث و مع سلبياته الكارثية
اتمنى التعديل على التاشيرة تكون محصورة على دول 20 و اوروبا فقط

انت تراك تعتبر من دول العالم الثالث تقديس الرجل الابيض شيء مقرف
الجميع مرحب مادامه محترم

 

[رٍسِـــلآنٍ]

يابن الحلال عطيتك حفلة وحدة جابت 150 مليون ريال
اتكلم عن ثلاث فنانين بس غير البقية وغير الحفلات الفخمة بالعلا
ولاحظ اني اتكلم عن الحفلات في الموسم بس غير بقية الفعاليات الثانية
لابدا الموسم رح خذ لك فرة وشف الفعاليات حولها ومن محلات ومن اكشاك الخ

كلهم اعتقد يبين مدخولهم عند الدولة وكم صرف الناس

ياعزيزي انت جايب اقوى الحفلات وانت بنفسك تقول اسعار غير منطقيه هذي المبالغ يصرفونها عشرات الاف الناس في الموسم فما يصح تبني كلامك بهذي الحفلات على مصروفات الموسم الثانيه


السؤال واضح على اي اساس فصلت مصروفات الاستهلاك اليومي للمواطن ومصروفات السائح ؟

 

[رٍسِـــلآنٍ]

كذا مرة يعلنون كم كان الصرف في بعض الفعاليات عن طريق نقاط البيع، يعني انهم يعرفون كم كان الصرف سهل جداً
تراك ذبحتنا بتحليلاتك الخونفشارية

انت مطفي النور وخالص
الاعلانات المتكرره كل اسبوع عن انفاق نقاط البيع كان شامل المواطنين والاجانب بكل السعوديه ومايخص المواسم

 

[access1]

السياحه في الطايف وابها والباحه والنماص وحولها
هذه السياحه الناس تبي جو وطبيعه
استغلها خير استغلال اما سياحة الرياض فهي ماهيب مقياس ابد
لو بهذه المناطق كان في خدمات شامله ومعايير عالميه سياحيه ومدن ترفيهيه تتواكب مع الاجواء بهالمناطق وشركات فندقه مااعتقد نطلع باقل من ميه وخمسين مليار سنوياً

اما حفلات وسوق ماهو سياحه
ونقطه اخر السطر التركيز الصناعي اهم
اللي يفكر بسياحة ويضحي بالصناعه مايستحق يفكر

 

[ابن جلا]

زيارتي القادمة باذن الله للرياض وتحديدا للقدية
اتوقع ترفع ايرادات السياحة بالمملكة
الى 96 مليار وخمسة الاف ريال ​

 

[Ozone]

بتشوفها بس أصبر شوي

بار حلال وفق الضوابط الشرعية


شف كيف بيكون السيناريو


كل مايشربه المسلم حلال ولكن علّة التحريم لبعض المشاريب هي الإسكار فإن لم يُسكرك المشروب وإن كان فيه مُسكر فلا يدخل في التحريم والقاعدة الفقهية تقولُ [ إنتفاء الحكم بإنتفاء العلّه ] والعلّة هنا هي الإسكار فإن إنتفت إنتفى حكم التحريم




إذا سمحوا لن يكون هناك إعلان وستكون مقتصرة على الفنادق الخمس نجوم مثل قطر

​

 

[سموم]

كلها حج وعمره اللي من الخارج


من زين هالطبيعه اللي عندنا

 

[Nasser888]

الحفلات الغنائية لا تدر ارباح نهائيا والعوائد يا دوب تغطي جزء من التكاليف وهذا الواضح المعلوم الي حتى قيادة الدولة تعلم عنه

ولكن الهدف منها مهوب الربح بقدر ماهو advertising a new image of the country حتى لو كان على حساب تكاليف باهضه من ميزانية الدولة بلا عائد مالي مجدي ​

مستحيل مين قالك الحفلات الغنائيه ماتدر ارباح صدقني هي ام الارباح التكالف مررره بسيطه مقارنه بالتذاكر اسعار فلكيه

 

[جَزيْريّ]

السياحه في الطايف وابها والباحه والنماص وحولها
هذه السياحه الناس تبي جو وطبيعه استغلها خير استغلال اما سياحة الرياض فهي ماهيب مقياس ابد

الجماعة يبون سياحة من حبيبي أنا رد علي وئول إنتا اللي بحبو أنا إنتا اللي بحبو أنا ، هذا النوع من السياحة لو بينفع كان نفع بعض الدول العربية اللي الكل خابرها ، يا رجل المقاهي تحوّلت إلى مراقص ومختلطه ولم تعد تراعي ثقافة المواطنين اللي يدفعون !! شيء عجيب والله هم مركزين على المواطنين ومستهدفين جيوبهم ويبونهم يصرفون فلوسهم عندهم طيب إذا تبون فلوسنا في الداخل اوك لكن من حقنا نختار نوع السياحة اللي نبيها مهوب تفرضون علينا الشيء اللي أنتم تبونه !! حتى راحة الرجل مع زوجته ماعاد فيه راحه الأماكن صارت مختلطة والملابس النسائية صارت فري .. الأمور واضحه يارجل​

اما حفلات وسوق ماهو سياحه ونقطه اخر السطر
التركيز الصناعي اهم
​

تعبنا وحنا نقول هذا الكلام ، هم يبون فلوس بس ، ويبونك ترجّع لهم رويتبك اللي يعطونك اياه​

اللي يفكر بسياحة ويضحي بالصناعه مايستحق يفكر​

هذا الكلام





​

 

[جَزيْريّ]

وبعد ماتلكّها تعطيها ترعه وتقول الحمدلله الذي سقاني هذا من لا حول لي ولا قوة ​

 

[القائد شان كونغ الحكيم]

مابغيت اذكر ذي النقطة عشان حبيابنا المدرسين بس شكرا من الاعماق لوزير التعليم.. والله اعرف بعض المدرسين كان يشتغل مرشد سياحي في بعض الدول من طول الاجازة..

وفالكم الترم الرابع هههه

@العزيزي

 

[جَزيْريّ]

والحلاوه الاكبر جزر امالا بدل شهر العسل في اوروبا نتسدح فيها ان شاء الله ماتكوم اغلى من المالديف لان اللي يهرب السايح السعودي هو الاسعار​

أمالا مهيب لي ولك ، أمالا للسياحة الفاخره بمعنى للأثرياء حول العالم مهيب لك لكن لو طقيت قرض وحسيت انك ثري وقلت بروح أشوف آمالا ماراح تشوف فيها الله يكرّمك إلا ...... ودي أقولها

​

 

[moroccan4ever]

الكثير هنا من الدول العربية يجهل ان المملكة هي اكبر دولة سياحية في العالم العربي, البعض يضن انها نفط وفقط

 

[جَزيْريّ]

الكثير هنا من الدول العربية يجهل ان المملكة هي اكبر دولة سياحية في العالم العربي, البعض يضن انها نفط وفقط

اكيد تقصد مكه والمدينة
​

 

[آل قطبي الحسني]

بتشوفها بس أصبر شوي

بار حلال وفق الضوابط الشرعية


شف كيف بيكون السيناريو


كل مايشربه المسلم حلال ولكن علّة التحريم لبعض المشاريب هي الإسكار فإن لم يُسكرك المشروب وإن كان فيه مُسكر فلا يدخل في التحريم والقاعدة الفقهية تقولُ [ إنتفاء الحكم بإنتفاء العلّه ] والعلّة هنا هي الإسكار فإن إنتفت إنتفى حكم التحريم




إذا سمحوا لن يكون هناك إعلان وستكون مقتصرة على الفنادق الخمس نجوم مثل قطر

​

واحد مبتعث من صنف الخبول فتح محل ويقلك بيرا حلال هو يقصد انه فوار او نفس البيره موسي بدون كحول بس تدري جداوي يبي يستظرف