تسديد المخالفة المروية خلال 15 يوم مع إمكانية تقديم مهلة 3 أشهر، وفي حال عدم السداد يتم الحجز والتنفيذ على أرصدة الحسابات البنكية.

[سلمنتور]

طيب
واللي مرفوض منها كلها
وعليه التزامات وعائله يصرف عليها !!

يروح المحكمة أكيد فيه آلية
طبعًا ربما يطبق نظام الـ 60% من راتبك لك زيه زي الاقساط
وأكيد بما ان عندك عائلة ما راح تتجاوز سرعة الطريق المحددة بأكثر من 50 كيلو/ساعة
أو تفحط أو تهرب من نقاط التفتيش أو أي مخالفة عليها نظام التنفيذ

 

[نمر بري]

راح تسبب مشاكل كثيرة
‏تخيل منت قادر تسدد المخالفات عشان عندك التزامات اهم
‏وفجأة تحصل مسحوب منك مبلغ !؟
‏ننتظر تصريح رسمي هذا الحساب مو ثقه​

 

[سلمنتور]

راح تسبب مشاكل كثيرة
‏تخيل منت قادر تسدد المخالفات عشان عندك التزامات اهم
‏وفجأة تحصل مسحوب منك مبلغ !؟
‏ننتظر تصريح رسمي هذا الحساب مو ثقه​

المخالفة الخطيرة فقط التي يطبق فيها النظام وستصدر لائحة تنفيذية بالقرار وتوضيح آليته وشروطه ويمدي الاعتراض ويمدي التظلم طبعًا

 

[F15c]

المخالفة الخطيرة فقط التي يطبق فيها النظام وستصدر لائحة تنفيذية بالقرار وتوضيح آليته وشروطه ويمدي الاعتراض ويمدي التظلم طبعًا

المشكلة المهمة هنا ياسلمنتور هي ايقاف الخدمات وتجميد الارصدة

 

[Saud06]

مشاهدة المرفق 477533

امارة محترمه ونظيفة، مهو شغل البلطجة عندنا

 

[القائد شان كونغ الحكيم]

المرور اصبح هدفه جمع الاموال وليس التوعية وتطبيق النظام

 

[جنة البقيع]

@deter الوحيد المبسوط بالقرار

 

[Tomaihy]

تذكرت لما شريت علبة موية ب ١٠١ ريال
في حرارة الرياض درجة الحراره ٤٨ ابي بقاله بس والقى بقاله واسوي خطه
اطلع الريال واجري للثلاجه اخذ موبه وارجع
العمليه استغرقت تقريبا ٢٠ ثانيه
بعد ان قمت بمسح امني على المنطقه

وبدأ تنفيذ الخطه الساعه ٢ ظهر نظرات ٣٨٠ درجه لمحيط السياره ولله الحمد المكان خالي حتى من الطيور
فتحت الباب واسرعت وعيني على الثلاجه اخذت علبة الماء ورميت الريال على عامل البقاله اتوقع لم يراني من سرعة تنفيذ المهمه
وبعد ان ركبت السياره وشربت الماء وابتلت العروق وتأتي مخالفة اسرع مخالفه في العالم واسرع سداد
ولله الحمد

كيف صورني ومتى وين كان لا اعلم
كل ما اعرفه اني اشتريت علبة ماء ب ١٠١ ريال​

في 2018 طلعتني الشركة مجبور اجازه ٣ شهور بحكم تجاوز رصيد الاجازات بعد ما طبقو قرار ممنوع ترصيد الاجازات
قلت خليني اقضي وقتي في برامج التوصيل
اول طلب كان شاورما وعصير من محل معروف
وصلتني رسالة المخالفه قبل اوصل للزبون واقفل المشروع وارجع البيت متعشي شاورما الحمد لله

 

[افلاطون]

يامعشر السعودين كل واحد يقول عليه كم المخالفات
انا 500 ريال

١٢٠٠٠ الف
اكبر مخالفه قطع الاشاره
الظاهر بعد القرار الجديد ببيع السياره
وبداوم بسيكل

 

[Mosamania]

ولو حطيت فلوسك في بنك خارجي وما حصلوا دراهم بيوقفون خدماتك ويمنعون سفرك ويحجزون ثلث الراتب.. ولو المبلغ كبير فيها سجن.. قافطينك قافطينك

انا ما وراية شي الحمدالله، و آخر مخالفة ليا ١٥٠ ريال قبل ثلاث سنين. لكن العبرة في المبدأ انه فلوسك ليست في امان و ممكن في اي لحظة تنسحب و انت ما تشوف الدرب.

العبرة لو شخص عنده استثمارات مثلا يجب أن يشعر ان فلوسه و استمارات أمنه من أي تدخل، لكن اللي عنده مبلغ و يبي يستثمر بس عارف ان فلوسه لها باب داخلي مفتوح لن يشعر بأمان.

 

[فيـصل]

شكلي بقدم على بوتين أتوقع يسدد عني مخالفاتي

أعرض عليه كيف أني أنشر لصالح روسيا في العالم العربي


بس مدري يدخلوني الكرملين ولا يقضبوني الباب


مشاهدة المرفق 477506

يمكن يربطونك على سبطانة دبابة تي 72 ويسوقها واحد مطوع من الشيشانيين وكان في السابق من اكبر المفحطين في جروزني وعلى ماريوبول او اوديسيا

 

[access1]

حسبي الله ونعم الوكيل

 

[طير حر]

في 2018 طلعتني الشركة مجبور اجازه ٣ شهور بحكم تجاوز رصيد الاجازات بعد ما طبقو قرار ممنوع ترصيد الاجازات
قلت خليني اقضي وقتي في برامج التوصيل
اول طلب كان شاورما وعصير من محل معروف
وصلتني رسالة المخالفه قبل اوصل للزبون واقفل المشروع وارجع البيت متعشي شاورما الحمد لله

انت لست مكافح
يهزمك ساهر افااااااا

حاس بمشاعرك ١٠٠ ريال تعشيك ١٠ ايام كل يوم ٢ شاورما

لو اقولك اني اشتغلت اوبر اوصل ب ٨ ريال والقم قسيمه ب ٣٠٠ ريال واكمل اشتغل الى ان اجيب حق القسيمه واسددها
تخيل تشتغل ١٠ او ١٢ ساعه عشان تسدد قسيمه​

 

[Ranger454]

الحكومه ماوظفت تبي القطاع الخاص يوظف ؟؟
والتحول للخصخصه يعني تحول الوزاره من وزاره خدميه الى شركه ربحيه وبياخذون عليك فلوس بكل شي حتى الاكسجين

ايه القطاع الخاص راح يوظف وبالعكس القطاع الخاص اعلى كفاءة بالعمل من موظفي القطاع العام جميعهم. هذه حقيقة يجب عليك الاقرار بها

 

[Ranger454]

للأسف أنا ما أعرف تماماً الوضع بالمملكة و لكن كلامي كان بشكل عام عن موضوع الشركات و الخصخصة

لأنك لو نظرت مثلا لدول كثيرة ستجد هذا الكلام مطبق عندهم و بشكل كبير جدا

وعلى فكرة الخصخصة لها أشكال و طرق كثيرة ليس بالضرورة تخصخص كامل الوزارة أو الدائرة الحكومية ولكن يمكن إعادة هيكلة الوزارة أو الدائرة وخصخصة قطاعات معينة و الإبقاء على أخرى


مشكلة القطاع الخاص في المملكة و عمليات التوظيف أظن هي مشكلة بالقوانين الحكومية المنظمة لعمل القطاع و الرقابة المفروضة عليهم

يعني المفروض يكون هناك قوانين واضحة بشأن توظيف المواطنين بنسب معينة أولاً و ثانياً وضع حد أدنى لرواتب المواطن في القطاع الخاص

ببساطة القطاع الخاص المفروض هو المحرك الأول لاقتصاد الدول

كلامك سليم لكن الكثير من السعوديين للاسف يحب القطاع العام لانه قطاع نوم وانخفاض كفاءة. يبي مثل ابو يوم يخلص دوام الساعة اثنين الظهر او واحدة ومعه بطيخة وش كبرها مع الجرائد الرسمية. وربع دوام السنة غياب. واذا جا وقت التقاعد ياخذ رصيد اجازاته التي ام يستهلكها بسبب انه لم يكن بحاجة اليه ههههه

 

[access1]

والله ان الشق اكبر من الرقعه والله يمهل ولايهمل .. عند الله تجتمع الخصوم

 

[Nighthawk]

وإذا بتحصل مخالفة ورقية وما بتوصلك رسالة ولا بتنزل على أبشر وش وضعه الحين ​

 

[🅢︎🅤︎🅗︎🅐︎🅘︎🅛︎]

يا اخي والله لديكم كم اهمال و تهور في السواقة مبالغ فيه و الله تستاهلون ما قصروا

 

[زياد الشدي]

كنه فلها ابو الشباب

 

[abdull]

وزارة صار اكبر همها الجباية ليس الامن والمهام المنوطه بها بكل صراحة، وموضفينها من ازبل خلق الله في التعامل الا ماندر، اقسم بالله ماعمري شفت احد محترم من عساكر الامن العام خصوصاً الدوريات والمرور وامن الطرق تحس انهم طالعين من زباله والقصص كثيرة عندي وعن تجربه.

تخصيص وزارة الداخليه راح يفيدنا بانه الشركات راح تهتم بمن توظفهم وتنتقيهم موب مثل هالوزاره المعفنه