تسديد المخالفة المروية خلال 15 يوم مع إمكانية تقديم مهلة 3 أشهر، وفي حال عدم السداد يتم الحجز والتنفيذ على أرصدة الحسابات البنكية.

[F15c]

ما تبي تكمل نقاش و ترد بعده !؟

الدولة ماهي مكلفة بك كمواطن ..

بلدات الخليج اللي كبر الباحة ماهي مقياس تمثل فيه مع المملكة ..

و إذا فعلا تبي الحكومة تحن على مواطنيها الاولى بهم إيقاف التستر المستشري بالبلد ..

أمور كثير بصف الحكومة و ايضا فيه أمور بصف المواطنين لكن تظل الحكومات بطبيعتها تريد زيادة مصادر الدخل باي وسيلة و أي حاكم يقول غير هالكلام يعتبر كذاب .

في اي قاموس هذا ان الدولة مو مكلفة فيك كمواطن
ياحبيبي المواطن هو الدولة وهو كل شي وكل الخدمات لأجله لا لغيره وهو اولى بخير بلده بدل التوزيع ورمي الفلوس هنا وهناك
استهبال هو

 

[آل قطبي الحسني]

خل عنك القسايم بشر قدمت على الدفاع

مايقبلونا مايبون العلوم الاداريه التخصص الشامل يبون تخصصات داخليه موجهه كادارة الاعمال والموارد البشريه مايبون علوم اداريه تضم الموارد البشريه وادارة الاعمال والاقتصاد وانظمة المعلومات الاداريه وغيره من التخصصات وهنا مشكلة الحكومه

الحكومه نفسها ماهي عارفه وش يعني علوم اداريه ماني عارف ليش اسسو التخصص بدل ما يشكروني على الدخول في تخصصهم الجديد

العلوم الاداريه مثل العلوم الطبيه التطبيقيه والعلوم الطبيعيه


لو ادري بيسوون معي هالحركات كان اخترت احد التخصصين اللي انقبلت فيها بأخر الدنيا طب بيطري و علوم طبيه تطبيقيه

على الاقل احسن من التخصصات اللي تخترعها الحكومه ولا الشركات تعبرها ولا الادارات الحكوميه حتى الشركات ماتعرف وش يعني علوم اداريه كانو يقولون اداره عامه واساسا الاداره العامه ايضا جزء من العلوم الاداريه مثلها مثل الاحصاء ومواد اخرى علميه وغير علميه

راسلوني امس وزارة النقل تدريب نشوف اخرتها

 

[TU-95-II]

في اي قاموس هذا ان الدولة مو مكلفة فيك كمواطن
ياحبيبي المواطن هو الدولة وهو كل شي وكل الخدمات لأجله لا لغيره وهو اولى بخير بلده بدل التوزيع ورمي الفلوس هنا وهناك
استهبال هو

مكلفة توفر لك امن و امان و بنى تحتية غيره كله يعتمد عليك

 

[TU-95-II]

سؤال لك الخير اللي في الوطن من له؟!

بالتاكيد مب للمواطنين ..

الرياض اقل متر وصل 5000 ريال للاراضي يعني تبي ارض 250 متر 1.3 مليون غير العمار والمشكله متوسط الرواتب حول 9000 ريال يعني الاراضي ذي لمن

اطلع برا الرياض .. اصلا كذا ولا كذا جميع القرى حول الرياض بتدخل فيه اجباريا بعد ١٠ سنوات يعني خارج نفسك من بدري ..

عندنا بجدة الأراضي شمال توصل حول هالقيمة
و الطريقة اللي ماشين فيها الناس ٢ يشترون أرض و يقسمونها عشان تطلع باقل عليهم .

وانا اشوف اهل جدة كلهم بشقق اثاريها طلعت رخيصه عندكم

شقق التمليك و البيع المباشر .. اما الأراضي حول الرياض تقريبا .

وش حارق رزك طيب ؟

بعدين الي قصدته انه مقدر اكمل لانه بيكون نقاش طويل واوضح اني ما راح اكمل في الرد على هذا الموضوع من النقاش واضفت نقطه فقط للفائدة وللمعلومية مو لإكمال النقاش


الدولة مهيب ملزومه فيني !!! دولة ريعية ومملكة مطلقه لسلاله واحده فقط ومهيب ملزومه فيني !!


كلامك الباقي افضل اتجاوزه في الاخير انت تمثل رأي نمطي لدى عينه من المجتمع وانا اعبر عن رأي يحمله كثير من المجتمع حتى وان لم يرددونه في مواقع التواصل الاجتماعي​

يعني تحلطم و بس !؟

واضح التوجه اللي أنت فيه لكن ما علي الا اقول الله يهديك .

 

[boys-speed]

مقدر اكمل في هالنقاش بيكون جدال عقيم بلا نتيجه بسبب ترسب افكار مسبقه صعب التخلص منها

بس على فكرة وللمعلوميه فقط المليون ونص متقاعد عندك ماهم نقمه بل نعمه

فهم يدفعون رسوم وفواتير ويتقضون ويحركون الدورة الاقتصادية

+ مدخولات المملكة العربية السعودية من مواد أولية كالنفط والغاز وغيرها + الخدمات والرسوم والضرايب والمخالفات توفر دخل الدولة اعلى من دخل هذولي مجتمعين ​

فكرة انو دول الخليج صغيره ومافي عدد سكان واحنا اكثر اتوقع فكره مغلوطه علشان صرف البعض عن التفكير باتجاه اخر

 

[Medic]

الجبيلة المتر وصل ٢٢٠٠ ريال
الخير وصل المتر فيه ٢٠٠٠ ريال
العارض المتر فيه ٣٦٠٠
النرجس الياسمين عرقة المتر فوق ال ٤٠٠٠
حطين المتر فيه ب ٦٠٠٠
لبن المتر ٣٥٠٠ الى ٤٠٠٠

جنوووووون غير طبيعي.

 

[هےـِيهــآت]

ياخي من وين تجيب هالهبد المشكله واثق من اجاباته عضو مجلس الشورى على غفله
اسأل الله في هذه الليلة المباركة ما يوليك على مسلم​

 

[typhon99]

فكرة انو دول الخليج صغيره ومافي عدد سكان واحنا اكثر اتوقع فكره مغلوطه علشان صرف البعض عن التفكير باتجاه اخر

هذا الواقع.. يعني ميزانية وزارة التعليم في السعودية اكبر من ميزانية البحرين 7 مرات!!

 

[typhon99]

الجبيلة المتر وصل ٢٢٠٠ ريال
الخير وصل المتر فيه ٢٠٠٠ ريال
العارض المتر فيه ٣٦٠٠
النرجس الياسمين عرقة المتر فوق ال ٤٠٠٠
حطين المتر فيه ب ٦٠٠٠
لبن المتر ٣٥٠٠ الى ٤٠٠٠

جنوووووون غير طبيعي.

هالجنون له اسباب كثيرة.. ابرزها 1-برامج وزارة الاسكان وتيسييرها للقروض سبب تضخم في اسعار العقار لان الوزير ببساطة هدفه يصل ل70٪ تملك المواطنين باسرع وقت مع المستهدف ان الوصول لهالنسبة يكون في 2030
2-سياسة التيسيير الكمي بعد كورونا اللي خفضت الفائدة على القروض بنسب خيالية مما تسبب بسحب كمية قروض هائلة وتحويلها للعقار..
3-تاخر تطبيق المرحلة الثانية من رسوم الاراضي البيضاء وتطبيق المرحلة الاولى بشكل غير فعال..

لكن السوق بالمجمل متجه لانخفاض باستثناء الرياض

 

[طويق (!)]

فيه شي صار معك بعد مرحله الكامري تسبب بتغير شخصيتك تسبب ببعض التغييرات
شكلك تزوجت من ثقافه مختلفه

الله يرجك يالمحلل النفسي

 

[Medic]

هالجنون له اسباب كثيرة.. ابرزها 1-برامج وزارة الاسكان وتيسييرها للقروض سبب تضخم في اسعار العقار لان الوزير ببساطة هدفه يصل ل70٪ تملك المواطنين باسرع وقت مع المستهدف ان الوصول لهالنسبة يكون في 2030
2-سياسة التيسيير الكمي بعد كورونا اللي خفضت الفائدة على القروض بنسب خيالية مما تسبب بسحب كمية قروض هائلة وتحويلها للعقار..
3-تاخر تطبيق المرحلة الثانية من رسوم الاراضي البيضاء وتطبيق المرحلة الاولى بشكل غير فعال..

لكن السوق بالمجمل متجه لانخفاض باستثناء الرياض

ايضا سبب اخر رئيسي وهو الايقافات والنزع اللي حصلت بشكل متسارع تسببت في رفع الطلب على العقار. الدرعيه منزوعه, لبن جزء منه منزوع وجزء منه عليه ايقاف, الخزامى منزوع, عرقه الشمالي منزوع, من مخرج سبعه الى نادي الضباط منزوع اجزاء كبيره. كل هذا ادى الى ارتفاع الطلب على الاراضي والبيوت. جاك ايضا كود البناء من الباب الضيق وحاس الدنيا.

 

[typhon99]

ايضا سبب اخر رئيسي وهو الايقافات والنزع اللي حصلت بشكل متسارع تسببت في رفع الطلب على العقار. الدرعيه منزوعه, لبن جزء منه منزوع وجزء منه عليه ايقاف, الخزامى منزوع, عرقه الشمالي منزوع, من مخرج سبعه الى نادي الضباط منزوع اجزاء كبيره. كل هذا ادى الى ارتفاع الطلب على الاراضي والبيوت. جاك ايضا كود البناء من الباب الضيق وحاس الدنيا.

الرياض حاجة ثانية فوق النزع فيه برنامج تطوير الرياض اللي يستهدف زيادة السكان ل15 مليون وفرص العمل واستقطاب الشركات.. فيه شركات كثير نقلت من جدة والشرقية للرياض غير الشركات اللي في الخليج.. لذلك ما اتوقع العقار ينزل في الرياض حتى مع سياسة خفض التيسيير الكمي وازدياد الفائدة على القروض بعد رفع الفيدرالي الامريكي

 

[طويق (!)]

الجبيلة المتر وصل ٢٢٠٠ ريال
الخير وصل المتر فيه ٢٠٠٠ ريال
العارض المتر فيه ٣٦٠٠
النرجس الياسمين عرقة المتر فوق ال ٤٠٠٠
حطين المتر فيه ب ٦٠٠٠
لبن المتر ٣٥٠٠ الى ٤٠٠٠

جنوووووون غير طبيعي.

العارض وخصوصاً جنوبه (دانة الياسمين) تخطى الـ 4300
النرجس (جنوب مشارف هيلز) تخطى 4500
الياسمين لامس الـ 5000
القيروان 5500
الملقا 6500 -
حطين (في مناطق معينة) تخطى 9000

أصحاب الأراضي أصبحوا يقطعون الأراضي لقطع صغيرة جداً كي يستطيعون بيعها ، فالأرض أم 900 ، تقطع لقطعتين أو ثلاث حسب موقعها ، وكذلك 800 ، و700 ونازل تقطع لقطعتين ، هم يدركون أن الأسعار ليست في متناول الغالبية العظمى من المشترين ، لذا وبدلا من خفض السعر ، خفضوا المساحة.

 

[Bader99]

الجبيلة المتر وصل ٢٢٠٠ ريال
الخير وصل المتر فيه ٢٠٠٠ ريال
العارض المتر فيه ٣٦٠٠
النرجس الياسمين عرقة المتر فوق ال ٤٠٠٠
حطين المتر فيه ب ٦٠٠٠
لبن المتر ٣٥٠٠ الى ٤٠٠٠

جنوووووون غير طبيعي.

حرام اشتري ارض بذي الاسعار في الرياض
ما تستاهل

 

[access1]

بالتاكيد مب للمواطنين ..




اطلع برا الرياض .. اصلا كذا ولا كذا جميع القرى حول الرياض بتدخل فيه اجباريا بعد ١٠ سنوات يعني خارج نفسك من بدري ..

عندنا بجدة الأراضي شمال توصل حول هالقيمة
و الطريقة اللي ماشين فيها الناس ٢ يشترون أرض و يقسمونها عشان تطلع باقل عليهم .



شقق التمليك و البيع المباشر .. اما الأراضي حول الرياض تقريبا .





يعني تحلطم و بس !؟

واضح التوجه اللي أنت فيه لكن ما علي الا اقول الله يهديك .

لاتسوي ذهين من له ؟!
الارض لاهلها وخيرها لهم
اذا ماهو للمواطنين معناته الارض مستعمره
كلامك مايقوله شخص فيه عقل

 

[واحد1]

الجبيلة المتر وصل ٢٢٠٠ ريال
الخير وصل المتر فيه ٢٠٠٠ ريال
العارض المتر فيه ٣٦٠٠
النرجس الياسمين عرقة المتر فوق ال ٤٠٠٠
حطين المتر فيه ب ٦٠٠٠
لبن المتر ٣٥٠٠ الى ٤٠٠٠

جنوووووون غير طبيعي.

اشتر في المهديه. شاري قبل رمضان المتر بي 1300.مساحته 650 شمالية

 

[access1]

يعني كذا راح يشملوا الافراد

ابشر اعمال على عدد الاشخاص في المنشأة
الخدمات الالكترونيه في ابشر عن طريق شركات النقل وغيرها تدخل قيمتها لو باسعار التوصيل وخدمات بنكيه
من خلال سداد وغيره لها مايحتاج المواطن يدفع رسوم مباشره

 

[access1]

اذا الديره كلها فيافي وين ما تبي تدوج تدوج
وش له الاسعار الخياليه
حتى الانشاء للبنى التحتيه مايعطي اي سبب لارتفاعها بهالشكل

 

[boys-speed]

هذا الواقع.. يعني ميزانية وزارة التعليم في السعودية اكبر من ميزانية البحرين 7 مرات!!

طيب كم ايرادك هنا وكم ايرادك هناك كم ميزانية الدوله وكم هناك
انا عارف انو صحيح المقصد انو حتى المملكه ايرادها اكبر بكثير من دول الخليج مجتمعه لكن الموضوع يحتاج له رسم خطه ايداريه صحيحه وتناسب الوضع لا صرف زائد مع تبذير ولا مسك الميزانيه
الفكره بالاخير عذر اقبح من ذنب

 

[boys-speed]

ابشر اعمال على عدد الاشخاص في المنشأة
الخدمات الالكترونيه في ابشر عن طريق شركات النقل وغيرها تدخل قيمتها لو باسعار التوصيل وخدمات بنكيه
من خلال سداد وغيره لها مايحتاج المواطن يدفع رسوم مباشره

المفروض الرسوم لو بتنحط على الشركات والمؤسسات لازم يكون في تفريق بينهم وعمل مستويات مش تصكهم كلهم نفس الرسوم