مصر توقف دخول منتجات 1000 علامة تجارية بينها ال جي والمراعي

[🅢︎🅤︎🅗︎🅐︎🅘︎🅛︎]

دول شرق آسيا اقتصادها مبني علي القيمة المضافة ، و الشغل لحساب الغير ، ده تيوان اصبحت عملاق صناعة اشباه الموصلات بسبب التصنيع لحساب الغير

اعلم ذلك و حتي بنجلاديش اكبر مصنع للملابس في العالم بنفس الطريقة ...
طيب بما ان الدولة وفرت كل شيئ و كان استثمارنا في البنية التحتية و كل تلك الديون و القروض من اجل جلب الاستثمار الخارجي و فشلنا ....
اذا المحصلة في النهاية صفر + اقتصاد قائم علي جلب المساعدات و الودائع عوضا عن المستثمرين .

 

[EGY FTW]

طيب يا اخي جميل و انت تقريبا متفق معنا بوجود المشاكل ( علي رغم اختلافنا في المسببات ) لماذا لا ترون بأن السيسي لا يصلح و فشل في حل اي شيئ تقريبا 😂😂 بعد ٨ سنوات الم يحن وقت التغيير من وجهة نظرك بدل هذا الوقت الضائع

انا ليس لي علاقة بالسياسية من قريب او من بعيد و تركت هذا الكلام من ٢٠١٢.

بالنسبة لي بعد مشهد ٢٠١٢ و تصرفات الاحزاب و السياسيين و النخب المصرية و مافعلوه من ٢٠١١ حتي ٢٠١٣ و بعضهم مازال مستمر حتي الان في هذ التخلف،. لم اعد اهتم بيهم و لا اري اي بديل محترم.

كمان انا شايف ان السيسي صلح ملفات كتير و يكفي برنامج الاصلاح المالي و الغاء الدعم (الفاشل الوهمي) و اللي اي رئيس غير كان بيفشل في رفعة و اخد خطوات جريئة لتحريك الاقتصاد .و عمل مشاريع محترمة (بعضها للاسف بطئ في تحقيق العائد بتاعه لكن مستقبلا مربح)

و افضل من صرف الموزنة علي دعم الدولار و الزيت والسكر و البنزين و رغيف عيش و في الاخر لا المواطن حاسس بالدعم و لا اقتصاد الدولة بينموا

السيسي هو الرئيس حاليا و يجب دعوته لأجراء اصلاحات هيكلية و ازالة المشاكل الحقيقة و ليس و هم المعارضة و نظريات المؤمرة بتاعتهم و الاڤورة للفارغة

 

[EGY FTW]

مثال بسيط بس عشان تفهم في شخص ما معرفه يعمل في أحد المتاحف الكبري

المتحف عمل مناقصه لتركيب كاميرات وتقدمت شركات خاصه بفروق أسعار مختلفه، ثم أرسي المناقصه علي شركه تبع المخابرات بالأمر المباشر وكانت أعلي سعر، والغريب أن شركه خاصه من ركبت الكاميرات والشركه المخابراتيه أخذت عمولتها من فارق الثمن قيس بذلك علي كل المصالح والمشاريع

موضحتش بردوا الدولة بتشجع القطاع الخاص علي المقاولات و التجهيزات بتاعتها و لا الدولة بتقطع عليهم و منعاهم من الشغل فيها

يعني لو صاحبك كان فتح ورشة تصنيع او تجميع او برمجة او.... كان المخابرات هتنافسة فيها

لو واحد فتح مصنع صغير (شبة ورشة) صنع سوست او أقلام او معالق او حتي خلة اسنان. المخابرات هتنافسة و لا هتقوله تعال اشتغل في المقاولات!!!!

 

[The Egyptian history]

إجراء حمائي بكل تأكيد
تعقيد الأمور الإدارية والبيروقراطية الزائدة عن الحد وتعطيل السلع المستوردة في الموانىء من الإجراءات المعمول بها في مصر وبعض الدول للتحايل على الاتفاقيات التي تربطها مع الدول الأخرى
الأخوة المصريين يعتبرون مثل هذه الأمور نباهة وذكاء لا تفطن به الدول الأخرى خاصة الشقيقة منها
لكن الحقيقة أن قليل من الحياء هو ما يجعلها تتغاضى ولا تعامل بالمثل

عارف لو جه في وقت غير دا هتفق معاك
انما في توقيت اعتدوا فيه على الأقصى والمصلين والناس صايمة لا دا اقل حاجة نعملها
وانا لو مكان حد مسؤول همنع اي رحلات او طيران بينا لحد ميحترمه المسلمين
يلعن ابو الفلوس اللي تعيشنا مكسورين لحد

المشكله انك تسمعهم وهما بيقولوا خليك براجماتي ومصلحتك اولا تقول ده كلام معلمين وناس فاهمه وقلبها علي البلد وهما في الحقيقة خاربين الاقتصاد والسياسة وناهبين خير البلد طبعا أنا لا اقصد أحد من الإخوة في المنتدي ولكن ده لسان حال الحكومة دائما

 

[EGY FTW]

اعلم ذلك و حتي بنجلاديش اكبر مصنع للملابس في العالم بنفس الطريقة ...
طيب بما ان الدولة وفرت كل شيئ و كان استثمارنا في البنية التحتية و كل تلك الديون و القروض من اجل جلب الاستثمار الخارجي و فشلنا ....
اذا المحصلة في النهاية صفر + اقتصاد قائم علي جلب المساعدات و الودائع عوضا عن المستثمرين .

ذكرت لحضرتك المشاكل و العيوب

لكن قبل برنامج الاصلاح الاقتصادي و اللي بداء بالاصلاح المالي كانت العيوب اكثر بكتير ،و ياريتك كنت تعرفني وقتها و كنت هتشوف النقد بتاعي 😄 و خنقاتي مع الناس و خصوصا في اول سنتين قبل الاصلاح.

كمان الحقيقة ان مصر بقت اعلي دولة في افريقا في FDI و فية مصانع و شركات داخلة

و حتي شركة يابانية لتصميع قطع غيار السيارات و مصانع لتصنيع المنسوجات و غيرها....

لكن المصانع بتاخد وقت للبناء للدخول في الانتاج الكمي

الدولة حتي سايبة مصانع العاشر لرفع نسبة المكون المحلي و المصانع شغالة من ٢٠١٨ في بناء و شراء معدات و مكن و تشغيل تجريبي و رفع تدريبجي في نسبة المكون

لو نزلت العاشر من رمضان او الصالحية هتلاقي صينين كتير و كوريين ، جايين يركبوا و يدربوا علي المكن الجديد

 

[🅢︎🅤︎🅗︎🅐︎🅘︎🅛︎]

انا ليس لي علاقة بالسياسية من قريب او من بعيد و تركت هذا الكلام من ٢٠١٢.

بالنسبة لي بعد مشهد ٢٠١٢ و تصرفات الاحزاب و السياسيين و النخب المصرية و مافعلوه من ٢٠١١ حتي ٢٠١٣ و بعضهم مازال مستمر حتي الان في هذ التخلف،. لم اعد اهتم بيهم و لا اري اي بديل محترم.

كمان انا شايف ان السيسي صلح ملفات كتير و يكفي برنامج الاصلاح المالي و الغاء الدعم (الفاشل الوهمي) و اللي اي رئيس غير كان بيفشل في رفعة و اخد خطوات جريئة لتحريك الاقتصاد .و عمل مشاريع محترمة (بعضها للاسف بطئ في تحقيق العائد بتاعه لكن مستقبلا مربح)

و افضل من صرف الموزنة علي دعم الدولار و الزيت والسكر و البنزين و رغيف عيش و في الاخر لا المواطن حاسس بالدعم و لا اقتصاد الدولة بينموا

السيسي هو الرئيس حاليا و يجب دعوته لأجراء اصلاحات هيكلية و ازالة المشاكل الحقيقة و ليس و هم المعارضة و نظريات المؤمرة بتاعتهم و الاڤورة للفارغة

الغاء الدعم ليس بحل ...
كل الحكومات تقدم الدعم لشعوبها حتي الغنية منها مثل السويد الاصح ان يذهب الدعم لمستحقيه .

الي جانب صرف الدولار علي البلوكات الاسمنتية كان الهدف منه الربح السريع و هو عكس كلامك لكن لو تم استثمار الدولار في الانسان ( عن طريق التعليم ) او الزراعة او الصناعة ممكن تقول عنها مشاريع ذات عوائد مستقبلية .

 

[EL-3kaad]

تتوضحتش بردوا الدولة بتشجع القطاع الخاص علي المقاولات و التجهيزات بتاعتها و لا الدولة بتقطع عليهم و منعاهم من الشغل فيها

يعني لو صاحبك كان فتح ورشة تصنيع او تجميع او برمجة او.... كان المخابرات هتنافسة فيها

لو واحد فتح مصنع صغير (شبة ورشة) صنع سوست او أقلام او معالق او حتي خلة اسنان. المخابرات هتنافسة و لا هتقوله تعال اشتغل في المقاولات!!!!

الجيش بينافس علي المنتجات الغذائيه وسلاسل التوزيع أما في مجال المقوالات فهو مقاول من الباطن وأحيانا يسند اليه المشروع ويجعل شركات المقاولات الخاصه تنفذه تحت إشرافه

في المجال الصناعي انتا تعلم حجم المعوقات من أخذ أرض صناعيه لتخليص ورق لتخليص جمركي للمواد الخام لعدم تسهيل وإقراض بنكي ومشكله دولار في بعض الأحيان وفي الأخر بعد ما يطلع روحه وارد يفشل ويتسجن. لو في إصلاحات هيكليه في هذا الموضع ستجد صناعه حقيقيه بدون ذلك لا تضحك علي نفسك صاحب رأس المال والمصنعيين سيبحثون عن سوق أكثر إبداعيه وفيه تسهيلات من الحكومه.

 

[🅢︎🅤︎🅗︎🅐︎🅘︎🅛︎]

ذكرت لحضرتك المشاكل و العيوب

لكن قبل برنامج الاصلاح الاقتصادي و اللي بداء بالاصلاح المالي كانت العيوب اكثر بكتير ،و ياريتك كنت تعرفني وقتها و كنت هتشوف النقد بتاعي 😄 و خنقاتي مع الناس و خصوصا في اول سنتين قبل الاصلاح.

كمان الحقيقة ان مصر بقت اعلي دولة في افريقا في FDI و فية مصانع و شركات داخلة

و حتي شركة يابانية لتصميع قطع غيار السيارات و مصانع لتصنيع المنسوجات و غيرها....

لكن المصانع بتاخد وقت للبناء للدخول في الانتاج الكمي

الدولة حتي سايبة مصانع العاشر لرفع نسبة المكون المحلي و المصانع شغالة من ٢٠١٨ في بناء و شراء معدات و مكن و تشغيل تجريبي و رفع تدريبجي في نسبة المكون

لو نزلت العاشر من رمضان او الصالحية هتلاقي صينين كتير و كوريين ، جايين يركبوا و يدربوا علي المكن الجديد

حضرتك علي دماغي ❤

عموما التصنيع في مصر غير منظم او موجهة لتحقيق اي خطة تنموية

و جود الخبراء الاجانب كوريين و صينين و هنود و اتراك هو تقليد قديم في المصانع المصرية للتدريب و مراقبة العملية الانتاجية ل ان معظم الانتاج موجهه للتصدير

 

[أبوالبراء]

هوا نفسه صندوق النقد اللي مديرته بتحذر أن اقتصاد مصر فى تدهور فضلا على توقعات صندوق النقد قائمة على بيانات الحكومة المصرية ( اللي هيا ربما تكون مضللة ) !..

 

[EGY FTW]

المشكله انك تسمعهم وهما بيقولوا خليك براجماتي ومصلحتك اولا تقول ده كلام معلمين وناس فاهمه وقلبها علي البلد وهما في الحقيقة خاربين الاقتصاد والسياسة وناهبين خير البلد طبعا أنا لا اقصد أحد من الإخوة في المنتدي ولكن ده لسان حال الحكومة دائما

انا ضد هذا الاجرام الممنهج ضد الفلسطنيين. و الجيش الإسرائيلي مجرم. والحفلة كانت قبل الاعتداء و بمناسبة عيذ الفصح و بالتزامهم بالقوانين المصرية

الغاء الدعم ليس بحل ...
كل الحكومات تقدم الدعم لشعوبها حتي الغنية منها مثل السويد الاصح ان يذهب الدعم لمستحقيه .

ليس كالدعم العشوائي المصري ، انت فاكرني ضد الدعم نهائيا! انا مع الدعم المدروس زي ذعم تكافل و كرامية و الدعم في الدول المحترمة

الاشخاص هنا الدولة بتعلم حالتهم المالية و بتدعهم بعدل و ليس كمصر اي واحد مصري يطلع بطاقة و ينزل ياخد الدعم.

تخيل اللي بيركب موصلات و ياكل قليل و نادرا ما بيشتري منتجات مستوردة مبيخودش دعم زي اللي بيركب سيارة و بيأكل كتير و بيشتري منتجات مستوردة و دة فساد (دعم الدولار و الوقود و الغذاء)

المفروض الدولة تدرس كويس مين محتاج و تدعمه وليس مجرد هبات للمواطنيين علشان بقولوا تحيا الرئيس

الي جانب صرف الدولار علي البلوكات الاسمنتية كان الهدف منه الربح السريع و هو عكس كلامك

في فرق بين السمسرة و المقاولات العادية بتاعت الربح السريع و بين مشريع الدولة طويلة الاجل بتاعت المدن و الكباري و المنوريل و... غيرها.

العاصمة الادارية مثلا هتاخد وقت طويل لتحقيق دخل و تغطية التكاليف ، لكن الكمبوندات بتاعت رجال الاعمال (حتي بيبعوا العقار قبل البناء كمان) او الاتجار في العقارات بيحقق ربح سريع في خلال عام او عامين

لكن لو تم استثمار الدولار في الانسان ( عن طريق التعليم ) او الزراعة او الصناعة ممكن تقول عنها مشاريع ذات عوائد مستقبلية .

عظيم علشان بلد عندها نسبة عالية جدا من حملة الماجستير و مش لاقيين شغل و اطباء بتهاجر و كل اللي معاه شهادة محترمة بيهاجر

فنعمل اية. نقترض و نصرف علي التعليم علشان يهاجروا او يطلعوا ميلقوش شغل و نلبس احنا في سداد القروض 👍 ده غير ان التعليم استثمار طويل الاجل اكتر من العاصمة الإدارية.

و نرجع نقول ان الدولة متبنيش مصانع لانه مش دورها و هتقطع علي القطاع الخاص و الاستثمارت الاجنبية لو فعلتها و هي اساسا بتعملها

 

[EGY FTW]

حضرتك علي دماغي ❤

انت اللي علي دماغي ❤️ والاختلاف لا يفسد للود قضية ❤️

عموما التصنيع في مصر غير منظم او موجهة لتحقيق اي خطة تنموية

لذلك محتاجين خطط ادارية محترمة للتنظيم و دعم الصادارات و انا متفق علي ذلك.

و جود الخبراء الاجانب كوريين و صينين و هنود و اتراك هو تقليد قديم في المصانع المصرية للتدريب و مراقبة العملية الانتاجية ل ان معظم الانتاج موجهه للتصدير

في الفترة الحالية بقي وجودهم مكثف و حتي حصل عليهم هجمة ايام كورونا

المصانع بسبب قانون المكون المحلي حابت مكن تصنيع من الصين و كوريا و... و بعضهم جاب مكن مستعمل ألماني (و انضف من الصيني)

 

[🅢︎🅤︎🅗︎🅐︎🅘︎🅛︎]

فنعمل اية. نقترض و نصرف علي التعليم علشان يهاجروا او يطلعوا ميلقوش شغل و نلبس احنا في سداد القروض 👍 ده غير ان التعليم استثمار طويل الاجل اكتر من العاصمة الإدارية.

لا انت فهمت ردي غلط انا كان قصدي التعليم هو استثمار طويل الاجل فعلا

وجهة نظري ان اهم شيئ كان واجب الاستثمار فيه هو كل ما يتعلق بتقليل فاتورة الاستيراد المأكل و الملبس و الدواء + توفير فرص عمل و تشغيل .
الي جانب مصادرنا المعروفة من الدخل زي السياحة و الطاقة و الاوراق المالية و غيره

لكن التعليم في الوقت الحالي لن يقدم شيئ لمصر .

صدقني نحن لم نتقدم خطوة بل علي العكس .

و ان لم نتدارك الامر مصيرنا الضياع انظر حولك الكل يعمل الكل الي الامام الا انت و كل عام الامر سيزداد صعوبة لاحتدام المنافسة بين الدول و الصراعات الاقتصادية بالعامية ( هيفرمونا ) حرفيا .

 

[EL-3kaad]

لكن التعليم في الوقت الحالي لن يقدم شيئ لمصر

التعليم إستثمار ونجاه للمستقبل بدل ما يطلع أولادك مثل شواحه وشكوش وحمو بيكا لا يطلع مجدي يعقوب وزويل ومصطفي مشرفه.

حقيقه اللي ضيع مصر أنصاف المتعلمين.

الوظائف التقليديه مثل المهندسين والدكاتره ليست الأهم حاليا الأهم هو وظايف high tech مثلا المدارس في كندا وشرق آسيا بيعلمو الأطفال لغات برمجه ويبتكرو تطبيقات وألعاب وغيره.

 

[mohamedbany]

لا انت فهمت ردي غلط انا كان قصدي التعليم هو استثمار طويل الاجل فعلا

وجهة نظري ان اهم شيئ كان واجب الاستثمار فيه هو كل ما يتعلق بتقليل فاتورة الاستيراد المأكل و الملبس و الدواء + توفير فرص عمل و تشغيل .
الي جانب مصادرنا المعروفة من الدخل زي السياحة و الطاقة و الاوراق المالية و غيره

لكن التعليم في الوقت الحالي لن يقدم شيئ لمصر .

صدقني نحن لم نتقدم خطوة بل علي العكس .

و ان لم نتدارك الامر مصيرنا الضياع انظر حولك الكل يعمل الكل الي الامام الا انت و كل عام الامر سيزداد صعوبة لاحتدام المنافسة بين الدول و الصراعات الاقتصادية بالعامية ( هيفرمونا ) حرفيا .

تحياامصر وتحيا السيسي قائد الأمه والزعيم الملهم😂👏

 

[🅢︎🅤︎🅗︎🅐︎🅘︎🅛︎]

التعليم إستثمار ونجاه للمستقبل بدل ما يطلع ولادك مثل شواحه وشكوش وحمو بيكا لا يطلع مجدي يعقوب وزويل ومصطفي مشرفه.

حقيقه اللي ضيع مصر أنصاف المتعلمين.

الوظائف التقليديه مثل المهندسين والدكاتره ليست الأهم حاليا الأهم هو وظايف high tech مثلا المدارس في كندا وشرق آسيا بيعلمو الأطفال لغات برمجه ويبتكرو تطبيقات وألعاب وغيره.

ان اردت تقديم تعليم حقيقي و فاعل و مفيد لسوق العمل هذا لن يحدث بدون وجود الاموال .

صدقني لا علم مع الفقر حتي و ان حدثت طفرات

مجانية التعليم ( اقصد الجامعي فقط ) اضرارها اكثر من فوائدها . علي الجامعات ان تقدم خدمة تعليمية تنافسية فيما بينها و هذا لن يحدث مع مجانية التعليم الجامعي يجب خصخصة الجامعات و يصبح دور الوزارة رقابي و تنظيمي فقط .

بشرط ان يسبق هذا نهضة اقتصادية يتحسن من خلالها اوضاع المواطن و تمليكة قدرة شرائية حقيقية من خلالها يمكن ان يحصل علي التعليم الجامعي.

بما يعني المال اولا

 

[🅢︎🅤︎🅗︎🅐︎🅘︎🅛︎]

تحياامصر وتحيا السيسي قائد الأمه والزعيم الملهم😂👏

لا مش تحيا السيسي 😂😂

 

[EL-3kaad]

تحياامصر وتحيا السيسي قائد الأمه والزعيم الملهم😂👏

😁

 

[Ranger454]

صحيح لكن اذن انت تعرفه هيس ودايم يبيك تسامحه وياخذ زود وش تسوي معه؟!

هو دام الطرف الثاني يحقق نسبة النمو المتوقعة فلا علاقة لصندوق النقد الدولي او اي دولة مقرضة بالشؤون الداخلية للطرف. اقصى ما يمكن تحقيقه هو وضع خطة اصلاحات اقتصادية.

 

[Ranger454]

طبعا الاحتلال انواع فيه احتلال مرن
وهو يكون بالتبادل الخاص واعطاء اصوات في مجالي الامن وقوة سياسية لك
وفيه احتلال ناعم وهو اعطيك ماتريد وانا ادير مااريد عندك بلا اي فرضيات لكن عند مصالحي بضغط عليك وبخليك غصب توافق حسب احتياجك والاموال اللي قدمت لك العجلة الاقتصاديه وتحريك لاموالي لكن برضوا بنفس الوقت تماكت اقتصاديا داخل بلادك عن طريقة خصخصتك الكثير وانت بصرك تبيها احتلال او تبي تسميها قروض؟

هنالك ايضا القوة العسكرية وهنالك الاحتلال الارهابي والاحتلال الدميغرافي والسكاني واشياء عديده

اتمنى فهمت المقصود بكلمك احتلال

اخوي الله يبارك فيك مافيه شي اسمه احتلال اقتصادي ان الدائن يبهذل المدين.

انت اللي تتكلم عنه هو مفهوم المصالح المشتركة. وهذا طبيعي اني احاول اضغط حتى اخدم مصالحي والطرف الاخر كذلك. كل شيء بالحياة مبني على المقايضة، لذلك فكرة المؤامرات او ان الدائن شرير ويحاول نصب الفخ للمدين هذه ممارسات ليست واقعية الا في التعاملات بين الافراد خارج نطاق القانون (هوامير القروض او شريطية السيارات loan sharks اللي فوائدهم ببساطة ضعف الاصل).

 

[EL-3kaad]

اخوي الله يبارك فيك مافيه شي اسمه احتلال اقتصادي ان الدائن يبهذل المدين.

انت اللي تتكلم عنه هو مفهوم المصالح المشتركة. وهذا طبيعي اني احاول اضغط حتى اخدم مصالحي والطرف الاخر كذلك. كل شيء بالحياة مبني على المقايضة، لذلك فكرة المؤامرات او ان الدائن شرير ويحاول نصب الفخ للمدين هذه ممارسات ليست واقعية الا في التعاملات بين الافراد خارج نطاق القانون (هوامير القروض او شريطية السيارات loan sharks اللي فوائدهم ببساطة ضعف الاصل).

الأحتلال الأقتصادي موجود أخي ويتمثل في شركات فرنسا مع الدول الأفريقيه وحكومتها الفاسده التي تؤجر لها مناجمها بالأمر المباشر لمده تصل ل100 عام بسعر بخس أو أحتكار مشاريع وصفقات معينه من الحكومه